ચંદ્રની વધુ નજીક પહોંચ્યું ચંદ્રયાન-2, ચોથી ભ્રમણકક્ષામાં કર્યો પ્રવેશ

નવી દિલ્હીઃ ભારતીય અંતરિક્ષ અનુસંધાન સંગઠન (ISRO) દ્વારા 30 ઓગસ્નટા રોજ વધુ સફળતા મેળવવામાં આવી છે. ચંદ્રયાન-2 હવે ચંદ્રની વધુ નજીક પહોંચી ગયું છે. ઈસરો દ્વારા ચંદ્રયાન-2ને ચોથી ભ્રમણકક્ષામાં પ્રવેશ કરાવામાં આવ્યો છે. એટલે કે, ચંદ્રયાન-2 હવે ચંદ્રની ચારેય તરફ 126 કિમી એપોજી (ચંદ્રથી સૌથી ઓછું અંતર) અને 164 કિમીની પેરીજી (ચંદ્રથી વધુ અંતર)માં ભ્રમણ કરશે. 

હવે આગામી બે ચંદ્રયાન-2 આ જ ભ્રમણકક્ષામાં ચંદ્રની પરિક્રમા કરતું રહેશે. ત્યાર પછી 1 સપ્ટેમ્બરની સાંજે 6થી 7 કલાકની વચ્ચે ચંદ્રયાન-2ને પાંચમી કક્ષામાં પ્રવેશ કરાવાશે. એ સમયે તે ચંદ્રની ચારેય તરફ 114 કિમી એપોજી અને 128 કિમીની પેરીજીમાં પરિક્રમા કરશે. 

7 સપ્ટેમ્બરના રોજ ચંદ્રયાન-2 પોતાના પૂર્વજ ચંદ્રયાન-1થી આગળ નિકળી જશે. ઉલ્લેખનીય છે કે, ચંદ્રયાન-1 ઓર્બિટર ચંદ્રની ચારેય તરફ 100 કિમીની ભ્રમણકક્ષામાં પરિક્રમા કરતું હતું. આ વખતે ચંદ્રયાન-2નું ઓર્બિટર પણ આ જ ભ્રમણકક્ષામાં પરિક્રમા કરશે, પરંતુ તેની સાથે ગયેલું વિક્રમ લેન્ડર અને પ્રજ્ઞાન રોવર ચંદ્રના દક્ષિણ ધ્રૂવ પર લેન્ડ કરશે. 

#ISRO
Fourth Lunar bound orbit maneuver for Chandrayaan-2 spacecraft was performed successfully today (August 30, 2019) at 1818 hrs IST.

For details please visit https://t.co/s4I7OIOF5R pic.twitter.com/ld4wbTMuBq

— ISRO (@isro) August 30, 2019

20 ઓગસ્ટના હોજ ગતિ ઘટાડીને ચંદ્રની કક્ષામાં પહોંચાડાશે ચંદ્રયાન-2
ઈસરોના વૈજ્ઞાનિકોએ 20 ઓગસ્ટના રોજ ચંદ્રયાન-2ને ચંદ્રની પ્રથમ કક્ષામાં સફળતાપૂર્વક પહોંચાડ્યું હતું. ઈસરોના વૈજ્ઞાનિકોએ ચંદ્રયાનની ગતિને 10.98 કિમી પ્રતિ સેકન્ડથી ઘટાડીને 1.98 કિમી પ્રતિ સેકન્ડ કરી હતી. ચંદ્રયાન-2ની ગતિમાં 90 ટકાનો ઘટાડો એટલા માટે કરાયો, જેથી તે ચંદ્રની ગુરુત્વાકર્ષણ શક્તિના પ્રભાવમાં આવીને ચંદ્ર સાથે અથડાઈ ન જાય. 

2 સપ્ટેમ્બરના રોજ યાનથી છુટું પડશે વિક્રમ લેન્ડર
ચંદ્રની ચારેય તરફ 4 વખત ભ્રમણકક્ષા બદલ્યા પછી ચંદ્રયાન-2માંથી વિક્રમ લેન્ડર છુટૂં પડશે. વિક્રમ લેન્ડર પોતાના અંદર રહેલા પ્રજ્ઞાન રોવરને લઈને ચંદ્રની તરફ આગળ વધવાનું શરૂ થશે. 

#Chandrayaan2 has officially gone further than its predecessor Chandrayaan 1! What do you think it will find on the Moon? Share your thoughts with us in the comments below!#ISRO #MoonMission pic.twitter.com/pZEnxPf3su

— ISRO (@isro) August 29, 2019

3 સપ્ટેમ્બરના રોજ વિક્રમ લેન્ડરની સ્થિતિ ચકાસવામાં આવશે
3 સપ્ટેમ્બરના રોજ વિક્રમ લેન્ડરની સ્થિતિ ચકાસવા માટે ઈસરોના વૈજ્ઞાનિકો 3 સેકન્ડ માટે તેનું એન્જિન ઓન કરશે અને તેની કક્ષામાં સામાન્ય પરિવર્તન કરશે. 

4 સપ્ટેમ્બરના રોજ ચંદ્રની સૌથી નજીક પહોંચશે ચંદ્રયાન-2
ઈસરાના વૈજ્ઞાનિકો વિક્રમ લેન્ડરને 4 સપ્ટેમ્બરના રોજ ચંદ્રની સૌથી નજીકની કક્ષામાં પહોંચાડશે. આ કક્ષાની એપોજી 35 કિમી અને પેરીજી 97 કતિમી હશે. ત્યાર પછી ત્રણ દિવસ સુધી વિક્રમ લેન્ડર આ કક્ષામાં જ ચંદ્રની પરિક્રમા કરશે. આ દરમિયાન ઈસરોના વૈજ્ઞાનિકો વિક્રમ લેન્ડર અને પ્રજ્ઞાન રોવરની આંતરિક સ્થિતિ ચકાસતા રહેશે. 

7 સપ્ટેમ્બર હશે સૌથી પડકારજનક દિવસ 

• 1:40 કલાકે રાત્રે ( 6 અને 7 સપ્ટેમ્બરની રાત) : વિક્રમ લેન્ડર 35 કિમીની ઊંચાઈએ ચંદ્રના દક્ષિણ ધ્રુવ પર ઉતરવાનું શરૂ કરશે. આ કામ ઈસરોના વૈજ્ઞાનિકો માટે અત્યંત પડકારજનક રહેશે. 
• 1:55 કલાકે રાત્રે : વિક્રમ લેન્ડર ચંદ્રના દક્ષિણ ધ્રુવ પર રહેલા બે ક્રેટર મેન્જિનસ-સી અને સિમ્પેલિયસ-એન વચ્ચેના મેદાનમાં ઉતરશે. લેન્ડર 2 કિમી પ્રતિ સેકન્ડની ઝડપે ચંદ્રની સપાટી પર ઉતરાણ કરશે. આ 15 મિનિટ અત્યંત તણાવપૂર્ણ રહેશે. 
• 3:55 કલાકે રાત્રે : લેન્ડિંગના લગભગ 2 કલાક પછી વિક્રમ લેન્ડરની રેમ્પ ખુલશે. તેના દ્વારા 6 પૈડાંનું પ્રજ્ઞાન રોવર ચંદ્રની સપાટી પર ઉતરશે. 
• 5:05 કલાકે સવારેઃ પ્રજ્ઞાન રોવરની સોલર પેનલ ખુલશે. આ સોલર પેનલ દ્વારા તે ઊર્જા મેળવશે. 
• 5:10 કલાકે સવારેઃ પ્રજ્ઞાન રોવર ચંદ્રની સપાટી પર ચાલવાનું શરૂ કરશે. તે એક સેન્ટીમિટર પ્રતિ સેકન્ડની ગતિએ ચંદ્રની સપાટી પર 14 દિવસ સુધી યાત્રા કરશે. આ દરમિયાન તે 500 મીટરનું અંતર કાપશે. 

વડાપ્રધાન મોદી પણ જોશે લાઈવ
ઈસરો દ્વારા 7 સપ્ટેમ્બરના રોજ ચંદ્રની સપાટી પર વિક્રમ લેન્ડરના ઉતરાણને લાઈવ જોવા માટે ભારતના વડાપ્રધાન નરેન્દ્ર મોદીને વિશેષ આમંત્રણ આપવામાં આવ્યું છે.    

જુઓ LIVE TV...

ભારતના વધુ સમાચાર માટે કરો ક્લિક...