મમતા બેનર્જીએ કહ્યું- પશ્ચિમ બંગાળમાં રહેતા દરેક બાંગ્લાદેશી ભારતીય નાગરિક છે

પશ્ચિમ બંગાળના સીએમ મમતા બેનર્જીએ કહ્યું કે, બાંગ્લાદેશથી આગેલા લોકો જે ભારતમાં મતદાન કરે છે, તે ભારતના નાગરિક છે અને તેણે ફરી નાગરિકતા માટે અરજી કરવાની જરૂર નથી.

Last Updated: Mar 03, 2020, 09:37 PM IST

મમતા બેનર્જીએ કહ્યું- પશ્ચિમ બંગાળમાં રહેતા દરેક બાંગ્લાદેશી ભારતીય નાગરિક છે

કાલિયાગંજઃ નાગરિકતા સંશોધન કાયદાને લઈને દેશભરમાં બબાલ મચી છે. આ વચ્ચે મમતા બેનર્જીએ કહ્યું કે, બાંગ્લાદેશથી આવેલા તમામ લોકો ભારતીય નાગરિક છે, જે ચૂંટણીમાં મતદાન કરી રહ્યાં છે. પશ્ચિમ બંગાળના સીએમ મમતા બેનર્જીએ મંગળવારે કહ્યું કે, આવા લોકોએ ફરીથી નાગરિકતા માટે અરજી કરવાની કોઈ જરૂર નથી. મહત્વનું છે કે કેન્દ્રીય ગૃહપ્રધાન અમિત શાહ સતત કહી રહ્યાં છે કે દેશમાંથી દરેક ઘુષણખોરને બહાર કરી દેવામાં આવશે.

મમતા બેનર્જીએ દિલ્હીમાં થયેલા તોફાનો સામનો કરવાની મોદી સરકારની રીતની ટીકા કરી અને કહ્યું કે, તે બંગાળને બીજું દિલ્હી બનવા દેશે નહીં. તેમણે એક જનસભામાં કહ્યું, 'બાંગ્લાદેશથી આવેલા લોકો ભારતના નાગરિક છે, તેની પાસે નાગરિકતા છે. તમારે નાગરિકતા માટે ફરીથી અરજી કરવાની જરૂર નથી. તમે ચૂંટણીમાં મતદાન કરીને વડાપ્રધાન, મુખ્યપ્રધાન પસંદ કરી રહ્યાં છે.. અને હવે તે કરી રહ્યાં છે કે તમે નાગરિક નથી. તેનો વિશ્વાસ ન કરો.'

બંગાળને દિલ્હી નહીં બનવા દઈએ
તૃણમૂલ કોંગ્રેસ (ટીએમસી) ચીફ મમતા બેનર્જીએ ભાર આપીને કહ્યું કે, તેઓ એક વ્યક્તિને પણ બંગાળથી બહાર કાઢવા દેશે નહીં. તેમણે કહ્યું કે, રાજ્યમાં રહેતા કોઈપણ શરણાર્થીને નાગરિકતાથી વંચિત ન કરી શકાય. દિલ્હી હિંસાના મુદ્દા પર કેન્દ્ર સરકાર પર નિશાન સાધતા તેમણે કહ્યું, 'ભૂલો નહીં આ બંગાળ છે. જે દિલ્હીમાં થયું તે અહીં થશે નહીં. અમે નથી ઈચ્છતાં કે બંગાળ વધુ એક દિલ્હી કે ઉત્તર પ્રદેશ બને.'