કિડની વેચો અને કરોડપતિ બનો! સુરતમાં એક કિડની આપો અને 4 કરોડ રૂપિયા મેળવો અને પછી...

અમદાવાદ : થોડા સમય પહેલા સુરતમાં કિડની કૌભાંડ સામે આવ્યું હતું. આ કૌભાંડના મુખ્ય આરોપીને ઝડપી લેવામાં આવ્યો છે. મહત્વનું છે કે, ભારતની અલગ અલગ પ્રખ્યાત હોસ્પીટલોના નામની ફેક વેબસાઇટ બનાવડાવી કિડની વેચાણ કરવાથી ચાર કરોડ રૂપીયા મળશે તેવી જાહેરાતો આપવામાં આવી હતી. સોશિયલ મીડિયામાં જાહેરાત વાઈરલ કરી આર.બી.આઇ.ના નામના ફેક ઇ-મેઇલ આઇડીથી ભારતના તથા અન્ય દેશોના લોકોને અલગ અલગ ચાર્જ જણાવી રૂપીયા પડાવવામાં આવતાં હતાં. આ અંગે એક યુવકે પોલીસ કમિશ્નરને રજૂઆત કરી હતી. જેમાં સમગ્ર મામલો સામે આવ્યાં બાદ સાઇબર ક્રાઇમ પોલીસે એક આરોપીને ઝડપી લીધો હતો. જેની વધુ તપાસ હાથ ધરીને મુખ્ય નાઇજીરીયન આરોપીને હરીયાણા ખાતેથી પકડી પાડવામાં આવ્યો છે.

માત્ર ગાંધીનગર નહી કુલ 228 બેઠકો પર ચૂંટણી યોજાઇ હતી, જે પૈકી મોટા ભાગની સીટો પર ભાજપનો ભગવો લહેરાયો

સુરત શહેર પોલીસના સાઈબર સેલના અધિકારીના જણાવ્યા અનુસાર આ સમગ્ર મામલાની હકિકત એવી છે કે સુરતના નાનપુરાના યુવકે રૂપિયા 4 કરોડમાં કિડની વેચવામાં 14.78 લાખ ગુમાવવાની ઘટના પ્રકાશમાં આવી છતી. સોશિયલ મીડિયાના માધ્યમથી ઠગબાજોએ બેંગ્લોરની મનીપાલ હોસ્પિટલના ડોક્ટર હોવાની વાતો કરી યુવકને વિશ્વાસમાં લઇને અલગ અલગ ખર્ચ પેટે ટુકડે ટુકડો લાખો રૂપિયા પડાવી લીધા હતા. ભોગ બનાર યુવકની આર્થિક તંગીને કારણે માનસિક તણાવમાં આવી ગયો હતો. અને કીડની વેચવાની સોશિયલ મીડિયામાં જાહેરાત કરી હતી. જેનો ઠગબજોએ લાભ લઇ યુવકનો સંપર્ક કરી તેની પર્સનલ માહિતી મેળવીને રૂપિયા પડાવી લીધા હતા. યુવકે પોલીસ કમિશ્નરને આ અંગે રજૂઆત કરતાં સાઇબર ક્રાઇમ પોલીસમાં ફરિયાદ નોંધી તપાસ શરૂ કરી હતી. 

અમદાવાદમાં આવેલા GCRIમાં થઈ ભારતની અત્યાર સુધીના સૌથી મોટા 10 સે.મી.ના બ્રાઉન ટ્યુમરની સફળ સર્જરી

આ ગુનો ગંભીર હોવાને કારણે પોલીસ કમિશ્નર અજય કુમાર તોમરાના આદેશ થી ખાસ ટિમ બનાવી આરોપીને શોધી કાઢવા પ્રયાસો કરવામાં આવ્યા હતાં, જેમાં ગત તા.૦૩/૦૯/૨૦૨૦ થી તા.૨૧/૧૦/૨૦૨૦ દરમ્યાન ઓનલાઇન ફેક વેબસાઇટ બનાવી તેમાં કીડની વેચાણ કરવાથી ચાર કરોડ રૂપીયા મળશે તેવી લોભામણી લલચામણી ઓફરો મુકી તેમાં મોબાઇલ નં.૯૦૯૦૫૪૬૬૦૯ ના વોટ્સએપ ઉપર સંપર્ક કરવા જણાવાયું હતું, જેથી તે મોબાઇલ નંબર ઉપર સંપર્ક કરતા ફોન પર હાજર વ્યક્તિએ પોતાની ઓળખાણ ડો.શીલ્પા કુમાર, મનીપાલ હોસ્પીટલ, બેંગ્લોર તરીકેની આપી હતી, સાથે જ ruchirsonkar@rbi-icb.org.in નામનું આર.બી.આઇ.નું ફેક ઇ-મેઇલ આઇડી પણ બનાવ્યું હોવાનું જાણવા મળ્યું હતું. રૂચીર સોનકર, રીઝનલ મેનેજર, રીઝર્વ બેંક ઓફ ઇન્ડીયા નાઓના નામનો ખોટો ઉપયોગ કરી ખોટો દસ્તાવેજ બનાવ્યું હોવાનું પણ તપાસમાં ખુલ્યું હતું. સાઈબર ક્રાઇમની ટીમે તે દિશામાં તપાસ કરી ટોટી ડાગો ગ્રેજીયોર અગેસ્ટીન ( Toty Dago Gregoire Augustin) ની કર્ણાટકના બેંગ્લોરથી ઝડપી પાડ્યો હતો.

ગાજ્યા મેઘ વરસ્યા નહી, તમામ મોરચે નિષ્ફળતા બાદ તમામ આપના નેતાઓ ભૂગર્ભમાં ઉતરી ગયા

ટોટી મૂળ પશ્ચિમ આફ્રિકાનો રહેવાસી હોવાનું જાણવા મળ્યું છે ટોટીએ પુર્વ આયોજીત કાવતરૂ રચી ફરીયાદીને કીડની વેચવાથી ચાર કરોડ રૂપીયા મળશે તેવી લોભામણી લલચામણી વાતો કરી કીડની આપ્યા પહેલા બે કરોડ રૂપીયા બેંક એકાઉન્ટમાં આવશે તેવુ પણ જણાવ્યું હતું, જોકે તેના પહેલા ટોટીએ વોટ્સએપ કોલ તથા ઇ-મેઇલ દ્વારા અલગ અલગ ચાર્જ ભરવાનું જણાવી ફરીયાદી પાસેથી રૂ.૧૪,૭૮,૪૦૦/- અલગ અલગ બેંક એકાઉન્ટોમાં જમા કરાવ્યા હતાં.

ગાંધીનગરમાં ભાજપની જીત થતાની સાથે જ ઇઝરાયલી હાઇ કમિશ્નર CM ને મળવા દોડી આવ્યા

જેથી સાયબર ક્રાઇમ પો.સ્ટે માં દાખલ થયેલા  પાર્ટ A ગુ.ર.નં. . ૧૧૨૧૦૦૬૨૨૧૦૦૨૬ ઇ.પી.કો. કલમ-૪૦૬, ૪૧૯, ૪૨૦, ૪૬૫, ૧૨૦(બી) તથા આઇ.ટી.એક્ટ કલમ- ૬૬(સી), ૬૬(ડી) મુજબના ગુન્હામાં તેની ધરપકડ કરવામાં આવી  હતી. જેની પૂછપરછમાં આ સમગ્ર ઘટનાને અંજામ આપનાર અન્ય એક આરોપી ગ્રેગરીની હરિયાણા ખાતેથી ધરપકડ કરવામાં આવી હતી, આ સાથે જ ટીકેન્દ્રજીત બોરાની પણ ધરપકડ કરવામાં આવી હતી, આ તમામ લોકોની પૂછપરછમાં વધુ એક નામ સામે આવ્યું હતું, જેને પગલે વેસ્ટ આફ્રિકાના પોલ કામરાની ધરપકડ કરવામાં આવી હતી, પોલ અન્ય આરોપીઓને બેન્ક એકાઉંટ પ્રોવાઈડ કરતો હતો.

જૂનાગઢ મનપા વોર્ડ-8 માં કોંગ્રેસની જીત, વિસાવદર અને માણાવદરમાં ભાજપનો ભગવો લહેરાયો

(૧) આરોપી દ્વારા કીડની સેલ કરવાની ચાર કરોડ રૂપીયા મળશે તેવી અલગ અલગ ૪૦ થી ૫૦ હોસ્પીટલો જેમાં મનીપાલ હોસ્પીટલ, એપોલો હોસ્પીટલ, મેક્સ સુપર સ્પેશીયાલીટી હોસ્પીટલ, લીલાવતી હોસ્પીટલ, ટાટા મેમોરીયલ, ગાર્ડન સીટી હોસ્પીટલ, ફોર્ટીસ હોસ્પીટલ વિગેરેના નામની ફેક વેબસાઇટો બનાવવામાં આવેલી છે.
(૨) આરોપી દ્વારા આ સિવાય ફોરેક્ષ ટ્રેડીંગ, બીટકોઇન ઇન્વેસ્ટમેન્ટ, ઇન્વેસ્ટમેન્ટ ફ્રોડ સબંધેની વિગેરે પ્રકારની અલગ અલગ વેબસાઇટો બનાવવામાં આવેલ છે તથા KBC માં લોટરી લાગેલ હોવાના વિડીયોને એડીટીંગ કરી તેમાં મોબાઇલ નંબર બદલતો હતો.
(૩) આરોપી દ્વારા યુ.કે., કેનેડા, યુ.એસ.એ. જેવા દેશોમાં નોકરી આપવાના બહાને જોબ ઓફર બાબતે અલગ અલગ કંપનીઓ જેવી કે, એરક્રાફ્ટ, એગ્રીકલ્ચર જોબ, ઓઇલ & ગેસ કંપનીની, કન્સ્ટ્રક્શન, ડેરી વર્ક, કુરીયર ડીલીવરી કંપની વિગેરેના નામની ફેક વેબસાઇટો બનાવવામાં આવેલી છે.
(૪) આરોપી દ્વારા જુની નોટો તથા સિક્કા બદલાવી આપવાની ફેક વેબસાઇટ બનાવવામાં આવેલ છે.
(૫) આરોપી દ્વારા અલગ અલગ દેશો જેવા કે, ઓસ્ટ્રેલીયા, કેનેડા, યુ.કે., સ્પેન, પોલેન્ડ, બેલ્જીયમ વિગેરે દેશોના વિઝા અપાવવાની વિઝા ટ્રેકીંગની ફેક વેબસાઇટ બનાવેલી છે.
(૬) આરોપી દ્વારા આર.બી.આઇ.ના નામથી ૪ થી ૫ ફેક ઇ-મેઇલ આઇડી બનાવવામાં આવેલા છે.
(૭) આ ગુન્હાના આરોપીઓએ ફરીયાદી પાસે અલગ અલગ બેંકોના કુલ-૦૬ એકાઉન્ટમાં કુલ્લે રૂ.૧૪,૭૮,૪૦૦/- જમા કરાવેલ તે પૈકી અલગ અલગ બેંક એકાઉન્ટોમાં કુલ્લે રૂ.૭,૫૦,૪૬૧/- ફ્રીઝ કરવામાં આવેલ છે.
(૮) આ ગુન્હામાં ઉપયોગ થયેલ અલગ અલગ બેંકોના કુલ-૦૮ એકાઉન્ટના બેંક સ્ટેટમેન્ટ ચેક કરતા તેમાં રૂ.૧,૩૧,૧૯,૧૨૧/- ના ટ્રાન્જેક્શન થયાનું જણાઈ આવ્યું  છે.
સદર ગુન્હાના કામે આરોપીઓએ ફરીયાદી પાસેથી અલગ અલગ બેંકોના કુલ-6 એકાઉન્ટમાં ફ્રીઝ કરવામાં આવેલ હતા. તે એકાઉન્ટમાંથી અન્ય એકાઉન્ટોમાં રૂપીયા ટ્રાન્સફર કરવામાં આવેલ હતા તેવા અન્ય 8 એકાઉન્ટ મળી આવેલ તેમાં રૂ. 2,10,000 ફ્રીઝ કરવામાં આવેલ છે. આ રીતે કુલ્લે રૂ. 14,78,400 જમા કરાવેલ તે પૈકી અલગ અલગ બેંક એકાઉન્ટોમાં કુલ્લે રૂ. 7,50,461 કુલ્લે રૂ. 9,60,461 ફ્રીઝ કરવામાં આવેલ છે.આ ગુન્હામાં ઉપયોગ થયેલ અલગ અલગ બેંકોના કુલ-8 એકાઉન્ટના બેંક સ્ટેટમેન્ટ ચેક કરતા તેમાં રૂ. 1,31,19,121 ના ટ્રાન્જેક્શન થયેલ હોવાનું જણાઇ આવેલ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube