રાજકોટ : ઈમરાનના ગુસ્સાએ આખો પરિવાર વિખેર્યો, આગમાં જીવતા ભૂંજાયેલા 3 ના આજે મોત થયા

• રાજકોટમાં 12 કલાકમાં એક જ પરિવારના 5 સભ્યનાં મોત થયાં.
• ગંભીર રીતે દાઝેલા ઈમરાન અને બંને બાળકોનું પણ આજે મોત નિપજ્યું.
• એક પિતાના ગુસ્સાનું લોહિયાળ પરિણામ આવ્યું 

રક્ષિત પંડ્યા/રાજકોટ :રાજકોટમાં જીદે ચઢેલા એક પિતાએ લોહિયાળ ખેલ ખેલ્યો હતો. જેનો કરુણ અંજામ આવ્યો છે. એક પિતાએ પત્ની અને મામાજીની હત્યા કર્યા બાદ બે બાળકોને સાથે રાખીને અગ્નિસ્નાન કર્યું હતું. ત્યારે આગમાં ગંભીર રીતે દાઝી ગયેલા ઈમરાન અને તેના બંને પુત્રોનું આજે મોત નિપજ્યુ છે. પિતા અને બંને પુત્રો હોસ્પિટલમાં સારવાર હેઠળ હતા, જેના બાદ આજે તમામ લોકોના જીવ ગયા હતા. આમ, રાજકોટમાં 12 કલાકમાં એક જ પરિવારના 5 સભ્યનાં મોત થયાં છે.  

આ પણ વાંચો : અમદાવાદની આ રૂપાળી મહિલા ડોક્ટર પર લાગ્યો હોસ્પિટલમાંથી મહત્વના ડેટા ચોરીનો આરોપ 

ઈમરાનના ગુસ્સાએ ચાર લોકોને મોતને ઘાટ ઉતાર્યાં 
રાજકોટમાં રહેતા ઈમરાન પઠાણ અને તેની પત્ની નાઝિયા વચ્ચે પારિવારિક ઝઘડો ચાલતો હતો. અંતે બંનેએ છૂટાછેટા લેવાનો નિર્ણય લીધો હતો. કોર્ટમાં કેસ ચાલતો હતો, પરંતુ બાળકોની કસ્ટડી કોણ લેશે એ મામલે બંને વચ્ચે ઝઘડો થયો હતો. આખરે ઈમરાનના ગુસ્સાએ લોહિયાળ ખેલ ખેલ્યો હતો. ગુરુવારના રોજ સવારે નાઝિયાએ પોતાના પતિની ફરિયાદ ૧૮૧ અભયમમાં કરી હતી. જેના કારણે પોલીસે પતિ ઇમરાનને પૂછપરછ માટે બોલાવ્યો હતો. પોલીસમાં કરેલી ફરિયાદનો ખાર રાખી ઇમરાન તેની પત્ની તેના મામાજી અને તેની સાસુ પાસે પહોંચ્યો હતો. ક્ષણભરની બોલાચાલી બાદ મામલો બેવડી હત્યા સુધી પહોંચી ગયો. હિલા પોલીસ સ્ટેશનથી બધાં નીકળ્યાં ત્યારે પાછળથી ઈમરાને છરી વડે હુમલો કર્યો હતો. જેમાં પત્ની અને મામાનાં મોત થયાં હતાં, જ્યારે સાસુ ગંભીર રીતે ઘાયલ થતાં તેને સારવાર માટે ખસેડવામાં આવ્યાં છે.

આ પણ વાંચો : ZEE 24 કલાક પર PM મોદીના મહત્વકાંક્ષી પ્રોજેક્ટની Exclusive તસવીરો

પત્ની-મામાની હત્યા કર્યા બાળકોને જીવતા ભૂંજી દીધા 
બે લોકોની હત્યા કર્યા બાદ ઈમરાન આટલેથી અટક્યો ન હતો. અહીંથી તે પોતાના બંને બાળકો પાસે પહોચ્યો હતો. જ્યાં બે બાળકો સાથે પોતાની જાતને સળગાવીને આત્મહત્યા કરવાનો પ્રયાસ કર્યો હતો. તેને સંતાનમાં પુત્ર અને પુત્રી હતા. ગંભીર રીતે દાઝેલા ઈમરાન અને બંને બાળકોનું પણ આજે મોત નિપજ્યું છે. આમ, એક પિતાના ગુસ્સાનું લોહિયાળ પરિણામ આવ્યું છે. એકસાથે પાંચ લોકોના મોત થતા આખો પરિવાર વિખેરાયો. 

આ પણ વાંચો : માછલીનુ નામ ભુજીયા, દેડકાનું નામ પ્રશાંત.... વિચિત્ર નામથી માર્કેટમાં આવ્યા નવા પ્રાણી