Cyclone Biparjoy: વાવાઝોડાને ધ્યાનમાં રાખી રેલવેએ લીધો નિર્ણય, સૌરાષ્ટ્રથી ચાલતી આ ટ્રેનો થઈ કેન્સલ

અમદાવાદઃ  ચક્રવાતી તોફાન "બિપરજોય" ને કારણે પશ્ચિમ રેલવેની ઘણી ટ્રેનો પ્રભાવિત થઈ છે. ગુજરાતના આવી રહેલા વાવાઝોડાને કારણે પશ્ચિમ રેલવેએ મોટો નિર્ણય લીધો છે. રેલવેએ ઘણી ટ્રેન રદ્દ કરી દીધી છે. ખાસ કરીને સૌરાષ્ટ્રમાં અનેક ટ્રેન રદ્દ કરવાનો નિર્ણય લેવામાં આવ્યો છે. તો કેટલીક ટ્રેનનો રૂટ ટૂંકાવવામાં આવ્યો છે. ઓખાથી ચાલતી અનેક ટ્રેનો પર મોટી અસર પડી છે. રેલવેએ 45 જેટલી ટ્રેન રદ્દ કરી છે અથવા તેનો રૂટ ટુંકાવવાનો નિર્ણય લીધો છે.

ગુજરાતમાં સૌરાષ્ટ્રના દરિયાકાંઠાના વિસ્તારમાં ચક્રવાતી તોફાન "બિપરજોય" ને કારણે પશ્ચિમ રેલવેની ઘણી ટ્રેનોને અસર થશે. મુસાફરોની સલામતી અને ટ્રેન સંચાલનમાં સુરક્ષા માટે સાવચેતીના પગલા તરીકે કેટલીક ટ્રેનો રદ કરવામાં આવશે અને ટૂંકી અવધિ બંધ કરવામાં આવશે. લોકોની માહિતી માટે સ્ટેશનો પર ટ્રેન અપડેટ્સ અંગે વારંવાર જાહેરાત કરવામાં આવશે. ઉપરાંત, રેગ્યુલેશન/રદ્દીકરણ/શોર્ટ-ટર્મિનેશન/ડાઇવર્ઝન વગેરે સંબંધિત વિગતવાર અપડેટ્સ સમય સમય પર સોશિયલ મીડિયા પ્લેટફોર્મ્સ અને મીડિયા અપડેટ્સ દ્વારા જારી કરવામાં આવશે. ચક્રવાતી તોફાન "બિપરજોય" ને કારણે કોઈપણ પ્રકારની સહાયતા માટે અમદાવાદ વર્તુળ દ્વારા હેલ્પલાઈન નંબરો જારી કરવામાં આવ્યા છે. અમદાવાદ ડિવિઝન દ્વારા મુસાફરોની સુવિધા માટે ગાંધીધામ અને ભુજ સ્ટેશન પર હેલ્પ ડેસ્ક પણ ઉભા કરવામાં આવ્યા છે. 

આ ટ્રેન થઈ રદ્દ

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube