పుట్టగొడుగుల వేపుడు ఇలా చేస్తే.. ఈ సూపర్ లాభాలు మీసొంతం..!

పుట్టగొడుగులు అనేక ఆరోగ్య ప్రయోజనాలను కలిగి ఉంటాయి.

ఇందులో ప్రోటీన్, ఫైబర్, విటమిన్ డి వంటి పోషకాలతో సమృద్ధిగా ఉంటాయి.

పుట్టగొడుగులు రోగనిరోధక శక్తిని పెంచడానికి, కొలెస్ట్రాల్ స్థాయిని తగ్గిస్తాయి.

ఇది తయారు చేయడం చాలా సులభం.

కావలసిన: పుట్టగొడుగులు - 250 గ్రాములు, ఉల్లిపాయ - 1 (చిన్నగా తరిగినది)

పచ్చిమిర్చి - 2, అల్లం వెల్లుల్లి పేస్ట్ - 1 టీస్పూన్, టమాటా - 1, కొత్తిమీర

పసుపు - 1/2 టీస్పూన్, కారం - 1 టీస్పూన్, ధనియాల పొడి - 1 టీస్పూన్

గరం మసాలా - 1/2 టీస్పూన్, నూనె - 2 టేబుల్ స్పూన్లు, ఉప్పు - రుచికి తగినంత

తయారీ: ముందుగా పుట్టగొడుగులను శుభ్రంగా కడిగి చిన్న ముక్కలుగా కట్ చేసుకోవాలి.

ఒక కడాయిలో నూనె వేడి చేసి ఉల్లిపాయ, పచ్చిమిర్చి వేసి వేయించాలి.

ఉల్లిపాయ వేగిన తర్వాత అల్లం వెల్లుల్లి పేస్ట్ వేసి పచ్చి వాసన పోయే వరకు వేయించాలి.

తర్వాత టమాటా ముక్కలు వేసి మెత్తగా అయ్యే వరకు వేయించాలి.

ఇప్పుడు పసుపు, కారం, ధనియాల పొడి, గరం మసాలా వేసి బాగా కలపాలి.

పుట్టగొడుగులు వేసి రుచికి తగినంత ఉప్పు వేసి బాగా కలపాలి.

మూత పెట్టి పుట్టగొడుగులు మెత్తగా అయ్యే వరకు ఉడికించాలి.

చివరగా కొత్తిమీర వేసి బాగా కలపాలి.

పుట్టగొడుగుల వేపుడు సిద్ధంగా ఉంది.