ఈ రైస్ అల్పాహారంలో తింటే.. ఎండాకాలం ఒళ్లంతా చలువ చేస్తుంది!

వేసవికాలం వచ్చిందంటే చాలు.. కొన్ని రకాల అనారోగ్య సమస్యలు ప్రారంభమవుతూ ఉంటాయి..

ముఖ్యంగా వేసవికాలంలో వేడి శరీరం కలిగిన చాలా మందిలో అనేక రకాల ఇబ్బందులు వస్తూ ఉంటాయి..

కొంతమందిలో శరీరం ఎక్కువగా వేడి చేయడం వల్ల మూత్రవిసర్జన సమయంలో అనేక ఇబ్బందులు వస్తూ ఉంటాయి..

వేడి శరీరం కలిగిన వ్యక్తులు పుదీనా ఆకులతో తయారుచేసిన సలాడ్స్, జ్యూస్ లు, రైస్ ను తీసుకుంటే అద్భుతమైన ప్రయోజనాలు పొందుతారు.

ముఖ్యంగా పుదీనాతో తయారుచేసిన రైస్ ని క్రమం తప్పకుండా ఆహారాల్లో చేర్చుకోవడం వల్ల వేసవికాలంలో శరీరాన్ని ఎప్పుడు చలువగా ఉంచుకోవచ్చు.

వేడి శరీరం కలిగిన వారు పుదీనా రైస్ ను ఇంట్లోనే సులభంగా తయారు చేసుకొని తినాలనుకుంటున్నారా?

కావలసిన పదార్థాలు: బాస్మతి బియ్యం - 1 కప్పు, పుదీనా ఆకులు - 1 కప్పు, ఉల్లిపాయ - 1 (చిన్నది, తరిగినది), పచ్చిమిర్చి - 2 (చీలికలు), అల్లం వెల్లుల్లి పేస్ట్ - 1 టీస్పూన్, నెయ్యి - 2 టేబుల్ స్పూన్లు

కావలసిన పదార్థాలు: నూనె - 1 టేబుల్ స్పూన్, జీలకర్ర - 1/2 టీస్పూన్, ఆవాలు - 1/4 టీస్పూన్, పసుపు - 1/4 టీస్పూన్, ఉప్పు - రుచికి తగినంత, నీరు - 2 కప్పులు

తయారీ విధానం: ముందుగా బియ్యాన్ని శుభ్రం చేసుకొని 30 నిమిషాల పాటు నీటిలో నానబెట్టుకోవాల్సి ఉంటుంది..

పుదీనా ఆకులను బాగా శుభ్రం చేసి మిక్సీ జార్లో వేసుకొని మిశ్రమంలో తయారు చేసుకోండి. ఆ తర్వాత స్టవ్ పై బాండీ పెట్టుకొని అందులో తగినంత నూనె వేసుకుని వేడి చేసుకోండి.

బాగా వేడి చేసుకున్న తర్వాత అందులోనే జీలకర్ర, ఆవాలు, అల్లం వెల్లుల్లి పేస్ట్, పసుపు, పచ్చిమిరపకాయ చీలికలు, బగారా మసాలా, తురిమి పెట్టుకున్న ఎర్రగడ్డలు వేసి వేపుకోండి.

అన్ని బాగా వేసిన తర్వాత అందులోనే పుదీనా మిశ్రమం కూడా వేసి బాగా వేపుకోవాల్సి ఉంటుంది. ఇలా వేపుకున్న తర్వాత రైస్ వేసి మరికొద్దిసేపు అటు ఇటు కలుపుతూ వేసుకోండి.

అన్ని బాగా వేగిన తర్వాత బియ్యం ఉడకడానికి కావాల్సినంత నీటిని పోసుకొని.. బాగా ఉడికించుకోండి. ఇలా ఉడికించుకున్న తర్వాత ఓసారి చెక్ చేసుకుని సర్వ్ చేసుకోండి..