ഇനി പട്ടിണി കിടക്കേണ്ട; ചായ കുടിച്ചും ശരീരത്തിലെ കൊഴുപ്പ് കുറയ്ക്കാം!
ഗ്രീൻ ടീ കുടിക്കുന്നതുകൊണ്ട് നിരവധി ഗുണങ്ങളുണ്ട്. ശരീരത്തിലെ കൊഴുപ്പ് കുറയ്ക്കാൻ ഗ്രീൻ ടീ സഹായിക്കും. അതുപോലെ ഇവ രക്തയോട്ടം വർദ്ധിപ്പിക്കുകയും കൊളസ്‌ട്രോളിന്‍റെ അളവ് കുറയ്ക്കുകയും ചെയ്യുന്നു.
വയറില്‍ കൊഴുപ്പ് അടിയുന്നത് തടയാന്‍ നിങ്ങളുടെ ഭക്ഷണത്തിൽ ബ്ലാക്ക് ടീ ഉൾപ്പെടുത്താം. അതിൽ പ്രത്യേക ചേരുവകൾ അടങ്ങിയിരിക്കുന്നു. പോഷകങ്ങളുടെയും ആൻറി ഓക്സിഡൻറുകളുടെയും ഉറവിടമാണ് ബ്ലാക്ക് ടീ
വിറ്റാമിൻ സിയും ആന്റിഓക്‌സിഡന്റുകളും അടങ്ങിയിരിക്കുന്ന ഇഞ്ചി നാരങ്ങാ ചായ കൊഴുപ്പ് കുറയ്ക്കാൻ സഹായകമാണ്. ഇതുകൂടാതെ പ്രതിരോധശേഷി വർധിപ്പിക്കുന്നതിനും നാരങ്ങ ഇഞ്ചി ചായ ഫലപ്രദമാണ്.
ഒലോ൦ഗ് ടീ ചൈനീസ് ചായയാണെന്ന് നിങ്ങൾക്കറിയാം. ശരീരത്തിലെ അനാവശ്യ കൊഴുപ്പ് ഇല്ലാതാക്കാന്‍ ഒലോ൦ഗ് ടീ ഗുണം ചെയ്യും. തടി കുറയ്ക്കാൻ സഹായിക്കുന്ന പദാര്‍ത്ഥങ്ങള്‍ ഉപയോഗിച്ചാണ് ഈ ചായ നിര്‍മ്മിക്കുന്നത്.
പെപ്പർമിന്റ് ടീ കലോറി കത്തിച്ച് കളയാൻ സഹായിക്കുന്നു. കൂടാതെ ദഹനപ്രക്രിയ സുഗമമാക്കാനും ഇവ ഗുണം ചെയ്യും.
ഫ്ലോവനോയ്ഡുകൾ അടങ്ങിയ റൂയിബോസ് ടീ കൊഴുപ്പ് സംഭരിക്കുന്നതിന് കാരണമാകുന്ന ഹോർമോണുകളെ കുറയ്ക്കുന്നു.
തേയിലയുടെ മുള മാത്രം എടുത്താണ് വൈറ്റ് ടീ ഉണ്ടാക്കുക. കൊഴുപ്പ് കത്തിക്കുന്ന കാര്യത്തിൽ മുന്നിലാണ് വൈറ്റ് ടീ.
ഈ വാർത്ത പൊതുവായ വിവരങ്ങളെ അടിസ്ഥാനമാക്കിയുള്ളതാണ്. ഒരു മെഡിക്കൽ വിദഗ്ധന്റെ ഉപദേശത്തിന് പകരമല്ല.