ಟಾಕೀಸ್ ನಲ್ಲಿ ಮಹಾತ್ಮ ಗಾಂಧೀಜಿ ನೋಡಿದ ಏಕೈಕ ಸಿನಿಮಾ ಯಾವುದು ಗೊತ್ತಾ..?

1 /8

ಮಹಾತ್ಮಾ ಗಾಂಧೀಜಿಯವರ ಜೀವನ ಮತ್ತು ಬೋಧನೆಗಳ ಮೇಲೆ ಅನೇಕ ಚಲನಚಿತ್ರಗಳು ತಯಾರಾಗಿದ್ದರೂ ಸಹ ಅವರೆಂದೂ ಸಿನಿಮಾಗಳ ಅಭಿಮಾನಿಯಾಗಿರಲಿಲ್ಲ. ಅವರು ತಮ್ಮ ಇಡೀ ಜೀವನದಲ್ಲಿ ನೋಡಿದ್ದು ಕೇವಲ ಒಂದೇ ಸಿನಿಮಾ ಮಾತ್ರ..!    

2 /8

ಭಾರತದ ಮೊದಲ ಚಿತ್ರ 'ರಾಜಾ ಹರಿಶ್ಚಂದ್ರ' ಪ್ರೀಮಿಯರ್ ಆಗುತ್ತಿರುವ ಸಮಯದಲ್ಲಿ, ಮೋಹನ್‌ದಾಸ್ ಕರಮಚಂದ್ ಗಾಂಧಿ ಅವರು ತಮ್ಮ ತಾಯ್ನಾಡಿನಿಂದ ದೂರವಿರುವ ದಕ್ಷಿಣ ಆಫ್ರಿಕಾದಲ್ಲಿ ತಮ್ಮ ಅಂತಿಮ ರಾಜಕೀಯ ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಿದ್ದರು. ಭಾರತಕ್ಕೆ ಬರಲು ಸಿದ್ಧತೆ ನಡೆಸಿದ್ದರು. ಗಾಂಧಿಯವರು ತಮ್ಮ ತಾಯ್ನಾಡಿಗೆ ಹಿಂದಿರುಗುವುದು ಮತ್ತು ಭಾರತದಲ್ಲಿ ಚಿತ್ರರಂಗದ ಉದಯವು ಬಹುತೇಕ ಒಂದೇ ಸಮಯದಲ್ಲಿ ಸಂಭವಿಸಿದ್ದು ಕಾಕತಾಳೀಯ ಎಂದೇ ಹೇಳಬಹುದು.

3 /8

ಮಹಾತ್ಮಾ ಗಾಂಧೀಜಿಗೆ ಚಲನಚಿತ್ರಗಳ ಬಗ್ಗೆ ಹೆಚ್ಚು ಒಲವು ಇರಲಿಲ್ಲ. ಚಲನಚಿತ್ರಗಳ ಶಕ್ತಿ ಮತ್ತು ಸಮಾಜದ ಮೇಲೆ ಅದರ ಧನಾತ್ಮಕ ಪ್ರಭಾವದ ಬಗ್ಗೆ ಅನೇಕ ಚಲನಚಿತ್ರ ನಿರ್ಮಾಪಕರು ಮಹಾತ್ಮ ಗಾಂಧಿಗೆ ಮನವರಿಕೆ ಮಾಡಲು ಪ್ರಯತ್ನಿಸಿದರು, ಆದರೆ ಗಾಂಧಿಯವರು ಚಲನಚಿತ್ರಗಳ ಬಗ್ಗೆ ಅಸಡ್ಡೆ ಹೊಂದಿದ್ದರು.

4 /8

ಮಹಾತ್ಮಾ ಗಾಂಧಿ ತಮ್ಮ ಜೀವನದಲ್ಲಿ ನೋಡಿದ ಏಕೈಕ ಚಿತ್ರವೆಂದರೆ 'ರಾಮ ರಾಜ್ಯ' (1943)

5 /8

ಗಾಂಧಿ ಭಾರತದಲ್ಲಿ ರಾಮರಾಜ್ಯದ ಪ್ರವರ್ತಕರಾಗಿದ್ದರಿಂದಾಗಿ ಅವರಿಂದ ಪ್ರಭಾವಿತರಾಗಿ ನಿರ್ದೇಶಕ ವಿಜಯ್ ಭಟ್ ಈ ಚಿತ್ರವನ್ನು ನಿರ್ಮಿಸಿದ್ದರು. 

6 /8

ರಾಮ ಮತ್ತು ರಾವಣ ನಡುವಿನ ಯುದ್ಧದ ನಂತರದ ಕಥೆ ಚಿತ್ರದ ಕಥೆ.ಈ ಚಿತ್ರದ ಮುಖ್ಯ ಪಾತ್ರಗಳಾದ ರಾಮ್ (ಪ್ರೇಮ್ ಆದಿಬ್) ಮತ್ತು ಸೀತಾ (ಶೋಭನಾ ಸಮರ್ಥ್) ಅವರ ಜೀವನ ಮತ್ತು ಅವರು ನಿರ್ಮಿಸುವ ಸಮಾಜದ ಸುತ್ತ ಸುತ್ತುತ್ತದೆ.

7 /8

1944 ರಲ್ಲಿ ಮಹಾತ್ಮ ಗಾಂಧಿಗೆ ಸಿನಿಮಾ ತೋರಿಸಲು ನಿರ್ದಿಷ್ಟವಾಗಿ ರಾಮ ರಾಜ್ಯ' ಚಲನಚಿತ್ರವನ್ನು ಆಯ್ಕೆ ಮಾಡಲಾಯಿತು. ಅನೇಕ ನಿರ್ಮಾಪಕರು ಈ ಚಿತ್ರದ ನಂತರ ಚಲನಚಿತ್ರಗಳ ಬಗೆಗಿನ ತಮ್ಮ ವರ್ತನೆ ಬದಲಾಗಬಹುದು ಎಂದು ಆಶಿಸಿದರು, ಆದರೆ ಅದಾಗಲಿಲ್ಲ. ಗಾಂಧಿ ಈ ಚಿತ್ರವನ್ನು ಅರ್ಧಕ್ಕೆ ಬಿಟ್ಟರು. ಇದಾದ ನಂತರ ಅವರು ಯಾವ ಚಿತ್ರವನ್ನೂ ನೋಡಲಿಲ್ಲ.  

8 /8

1927 ರಲ್ಲಿ ಭಾರತೀಯ ಚಿತ್ರರಂಗ 25 ವರ್ಷಗಳನ್ನು ಪೂರೈಸಿದ ಸಂದರ್ಭದಲ್ಲಿ ಮಹಾತ್ಮ ಗಾಂಧಿ ಅವರಿಗೆ ಶುಭ ಹಾರೈಕೆಗಳನ್ನು ಕೋರಿ ಪತ್ರವನ್ನು ಕಳುಹಿಸಿದಾಗ ಮಹಾತ್ಮ ಗಾಂಧಿಯವರ ಕಾರ್ಯದರ್ಶಿ ಮಹದೇವ್ ದೇಸಾಯಿ ಅವರು ಲಿಖಿತ ಉತ್ತರವನ್ನು ಬರೆದಿದ್ದಾರೆ ಎಂದು ಖ್ಯಾತ ಪತ್ರಕರ್ತ ಮತ್ತು ಲೇಖಕ ರಶೀದ್ ಕಿದ್ವಾಯಿ ತಮ್ಮ ಪುಸ್ತಕದಲ್ಲಿ ಬರೆದಿದ್ದಾರೆ. ಮಹಾತ್ಮ ಗಾಂಧಿ ಅವರಿಗೆ ಚಲನಚಿತ್ರಗಳಲ್ಲಿ ಆಸಕ್ತಿ ಇರಲಿಲ್ಲ. ಈ ವಿಚಾರದಲ್ಲಿ ಅವರಿಂದ ಯಾವುದೇ ಅಭಿಪ್ರಾಯ ಕೇಳಬಾರದು ಎಂದು ತಾಕೀತು ಮಾಡಿದ್ದರು.