ಸತೀಶ್ ಜಾರಕಿಹೊಳಿಯನ್ನು ನಿಯಂತ್ರಿಸಲು ರಾಮುಲು ಕಾಂಗ್ರೆಸ್ ಸೇರಿಸುವ ಯತ್ನ: ಜನಾರ್ದನ ರೆಡ್ಡಿ ಗಂಭೀರ ಆರೋಪ

ಬೆಂಗಳೂರು: ಬಳ್ಳಾರಿಯ ರಾಜಕೀಯ ಬಿಕ್ಕಟ್ಟು ಹೊಸ ತಿರುವು ಪಡೆದುಕೊಂಡಿದ್ದು, ರಾಜಕೀಯದ ಒಳಹೊಂದಾಣಿಕೆಯ ವಿವಾದಗಳು ಮತ್ತಷ್ಟು ಗಂಭೀರವಾಗಿವೆ. ಜನಾರ್ದನ ರೆಡ್ಡಿ ಪ್ರಕಾರ, ಸತೀಶ್ ಜಾರಕಿಹೊಳಿ ಅವರನ್ನು ನಿಯಂತ್ರಿಸಲು ಡಿ.ಕೆ. ಶಿವಕುಮಾರ್ ಅವರು ಶ್ರೀರಾಮುಲುವನ್ನು ಕಾಂಗ್ರೆಸ್ ಕಡೆ ಸೆಳೆಯಲು ಪ್ರಯತ್ನಿಸುತ್ತಿದ್ದಾರೆ. "ರಾಮುಲು ಕಾಂಗ್ರೆಸ್ ಸೇರುವ ಯತ್ನ ಡಿಕೆಶಿ ಬೆನ್ನೆಲುಬಿನಿಂದ ನಡೆಯುತ್ತಿದೆ," ಎಂದು ಜನಾರ್ಧನ್ ರೆಡ್ಡಿ ಗಂಭೀರ ಆರೋಪ ಮಾಡಿದ್ದಾರೆ.

ಇದನ್ನೂ ಓದಿ: ಶನಿ ರಾಶಿಗೆ ರಾಹು ಪ್ರವೇಶ: ಬೆನ್ನತ್ತಲಿದೆ ಅದೃಷ್ಟ ಸುಖದ ಸುಪ್ಪತ್ತಿಗೆಯಲ್ಲೇ ತೇಲಲಿದ್ದಾರೆ ಈ ರಾಶಿಯ ಜನ

ನಗರದ ನಿವಾಸದಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತಾನಾಡಿ ಶ್ರೀರಾಮುಲು ವಿರುದ್ಧ ಹೇಳಿಕೆ ನೀಡಿದ ಶಾಸಕ ಜನಾರ್ಧನ್ ರೆಡ್ಡಿ ಬಂಗಾರು ಹನುಮಂತುಗೆ ಟಿಕೆಟ್: ಸೋಲಿನ ಪ್ರಮುಖ ಕಾರಣ ಎಂದು ಆರೋಪಿಸಿದರು.

ರೆಡ್ಡಿ, ಬಂಗಾರು ಹನುಮಂತುಗೆ ಟಿಕೆಟ್ ನೀಡಿದ ವಿಚಾರವನ್ನು ಉಲ್ಲೇಖಿಸಿ, "ನಾನು ಯಾರಿಗೆ ಟಿಕೆಟ್ ನೀಡಿದರೂ ಪ್ರಾಮಾಣಿಕವಾಗಿ ಕೆಲಸ ಮಾಡುತ್ತೇನೆ. ಆದರೆ, ಕ್ಷೇತ್ರದಲ್ಲಿ ಹಣದ ದುರ್ಬಳಕೆ ಹಾಗೂ ಗೊಂದಲಗಳಿಂದ ಸೋಲಿನ ಸ್ಥಿತಿ ಉಂಟಾಗಿದೆ," ಎಂದು ತಿಳಿಸಿದ್ದಾರೆ.

ಶ್ರೀರಾಮುಲು ವಿರುದ್ಧ ಗಂಭೀರ ಆರೋಪಗಳು
1991ರಲ್ಲಿ ಶ್ರೀರಾಮುಲು ಅವರ ಮಾವನ ಕೊಲೆಯಿಂದ ಹಿಡಿದು, ಅವರ ಮೇಲೆ ಕಾರ್ಪೊರೇಟರ್ ಕೊಲೆ ಸಂಬಂಧಿತ ಆರೋಪಗಳನ್ನು ಉಲ್ಲೇಖಿಸುತ್ತ, "ನಾನು ಎಲ್ಲರ ವಿರುದ್ಧ ಹೋಗಿ ರಾಮುಲುವನ್ನು ರಕ್ಷಿಸಿದ್ದೇನೆ. ಆದರೆ, ಇಂದಿನ ಪರಿಸ್ಥಿತಿಯಲ್ಲಿ ನನ್ನ ಕುಟುಂಬದ ಮೇಲೆ ಆರೋಪ ಮಾಡಲಾಗುತ್ತಿದೆ," ಎಂದು ಅವರು ವಿಷಾದ ವ್ಯಕ್ತಪಡಿಸಿದ್ದಾರೆ.

ಶ್ರೀರಾಮುಲು ಮತ್ತು ಬಿಜೆಪಿಯ ಒಳದ್ವಂದ್ವ
ಜನಾರ್ದನ ರೆಡ್ಡಿ, ಶ್ರೀರಾಮುಲು ಭಿನ್ನಮತ ವ್ಯಕ್ತಪಡಿಸುವುದು ಹೊಸ ವಿಷಯವೇನಲ್ಲ ಎಂದು ಅಭಿಪ್ರಾಯಪಟ್ಟಿದ್ದಾರೆ. "ಬಿಎಸ್‌ಆರ್ ಪಕ್ಷವನ್ನು ಶ್ರೀರಾಮುಲು ಆರಂಭಿಸಿದ್ದರೂ, ನಾನು ಅವರ ಬೆನ್ನೆಲುಬಾಗಿ ಇದ್ದೆ. ಈಗ ಅವರು ಬೇರೆ ರಾಜಕೀಯ ಗತಿಯ ಬಗ್ಗೆ ಯೋಚಿಸುತ್ತಿರುವುದು ವಿಪರ್ಯಾಸ," ಎಂದಿದ್ದಾರೆ.

ನಮ್ಮವರೆಲ್ಲ ಪಕ್ಷಕ್ಕೆ ತಲೆಬಾಗಬೇಕು: ರೆಡ್ಡಿ
ಜನಾರ್ದನ ರೆಡ್ಡಿ, "ವಿಜಯೇಂದ್ರ ಅವರ ನೇತೃತ್ವದಲ್ಲಿ ನಾವು ಒಗ್ಗಟ್ಟಾಗಿ ಕೆಲಸ ಮಾಡಬೇಕು. ಮೋದಿಯವರ ಮಾದರಿಯಂತೆ ಇಲ್ಲಿಯೂ ನಾಯಕರ ತೀರ್ಮಾನಕ್ಕೆ ತಲೆಬಾಗುವುದು ಅಗತ್ಯ," ಎಂದಿದ್ದಾರೆ.

"ನನಗೆ ತೊಂದರೆ ಕೊಟ್ಟವರಿಗೂ ಕರ್ಮ ತಕ್ಕ ಉತ್ತರ ನೀಡುತ್ತದೆ. ನಾನು ಯಾವುದೇ ದ್ರೋಹ ಮಾಡಿಲ್ಲ. ಈಗಲೂ ಪಕ್ಷದ ಪರವಾಗಿ ದುಡಿಯಲು ಸಿದ್ದನಿದ್ದೇನೆ," ಎಂದು ರೆಡ್ಡಿ ಹೇಳಿದ್ದಾರೆ.

ಇದನ್ನೂ ಓದಿ: ಪ್ರತಿದಿನ ಶುಂಠಿ ನೀರನ್ನು ಕುಡಿಯುವುದು ಒಳ್ಳೆಯದೋ ಕೆಟ್ಟದ್ದೋ? ಇಲ್ಲಿದೆ ಮಹತ್ವದ ಮಾಹಿತಿ

ಬಳ್ಳಾರಿಯ ರಾಜಕೀಯ ಬಿಕ್ಕಟ್ಟಿನ ಈ ಹೊತ್ತಿನಲ್ಲಿ, ಡಿಕೆಶಿ ಮತ್ತು ಶ್ರೀರಾಮುಲು ಸಂಬಂಧಿತ ಆರೋಪಗಳು ಎಷ್ಟು ಪ್ರಭಾವ ಬೀರುತ್ತವೆ ಎಂಬುದನ್ನು ಕಾಲವೇ ತೀರ್ಮಾನಿಸಲಿದೆ