Saif Ali Khan: ଆକ୍ରମଣ ର ୫ ଦିନ ପରେ ହସ୍ପିଟାଲରୁ ଡିସାର୍ଜ ହେଲେ ସୈଫ, ପ୍ରଥମ ଭିଡିଓ ଭାଇରାଲ

Saif Ali Khan: ସୈଫ ଅଲ୍ଲୀ ଖାନଙ୍କୁ ଲୀଲାବତୀ ହସ୍ପିଟାଲରୁ ଡିସଚାର୍ଜ କରାଯାଇଛି । ଗୁରୁବାର ରାତି ପ୍ରାୟ ସାଢ଼େ ୨ଟାରେ ବାନ୍ଦ୍ରାସ୍ଥିତ ସୈଫ୍ ଅଲ୍ଲୀ ଖାନ୍ ଙ୍କ ଆପାର୍ଟମେଣ୍ଟରେ ଜଣେ ବ୍ୟକ୍ତି ପଶିଥିଲେ। ଚୋରି କରିବା ଉଦ୍ଦେଶ୍ୟରେ ସେ ଘରେ ପଶିଥିବା କୁହାଯାଉଛି। ଏହି ସମୟରେ ସେ ସୈଫଙ୍କ ବେକ ଓ କାନ୍ଧରେ ୬ ଥର ଛୁରି ମାଡ଼ କରିଥିଲେ। ତାଙ୍କୁ ତୁରନ୍ତ ଲୀଲାବତୀ ହସ୍ପିଟାଲରେ ଭର୍ତ୍ତି କରାଯାଇଥିଲା ଯେଉଁଠାରେ ୫ ଘଣ୍ଟାର ଅସ୍ତ୍ରୋପଚାର ପରେ ତାଙ୍କ ମେରୁଦଣ୍ଡରୁ ଛୁରୀର ଖଣ୍ଡ ବାହାର କରାଯାଇଥିଲା। ସେହି ଛୁରୀର ଆକାର ଥିଲା ୨.୫ ଇଞ୍ଚ । ଲୀଲାବତୀ ହସ୍ପିଟାଲର ଡାକ୍ତରମାନେ କହିଛନ୍ତି ଯେ ସୈଫ୍ ଅଲ୍ଲୀ ଖାନ୍ ଏବେ ସୁସ୍ଥ ଅଛନ୍ତି ଏବଂ ବିପଦମୁକ୍ତ ଅଛନ୍ତି। ତେବେ ଆଜି ସୈଫ ଅଲ୍ଲୀ ଖାନ ଡିସଚାର୍ଜ ହୋଇ ଘରକୁ ଫେରିଛନ୍ତି।