Hardik Pandya: ଆଇପିଏଲ ୨୦୨୪ରେ ଗୁଜୁରାଟ ହାତ ଛାଡି ପୁଣି ମୁମ୍ବାଇ ହାତ ଧରିବେ ପାଣ୍ଡ୍ୟା !

ଖୁବଶୀଘ୍ର ଆରମ୍ଭ ହେବାକୁ ଯାଉଛି ଆଇପିଏଲ ୨୦୨୪ । କ୍ରିକେଟ୍ ର ମହାପର୍ବ କୁହାଯାଉଥିବା ଆଇପିଏଲ୍ ଆସନ୍ତା ବର୍ଷ ମାର୍ଚ୍ଚ ମାସରେ ଆରମ୍ଭ ହେବ। ଏନେଇ ପ୍ରାୟ ୪ ମାସ ବାକି ରହିଥିବା ବେଳେ କ୍ରିକେଟ୍ ପ୍ରେମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ବର୍ତ୍ତମାନ ବିଭିନ୍ନ ଦଳରେ ଖେଳାଳି ଅଦଳବଦଳ ପ୍ରକ୍ରିୟା ଜାରି ରହିଛି । ତେବେ ହାର୍ଦ୍ଦିକ ପାଣ୍ଡ୍ୟା ପୁଣି ଥରେ ମୁମ୍ବାଇ ଇଣ୍ଡିଆନ୍ସକୁ ଫେରି ପାରନ୍ତି ବୋଲି ଚର୍ଚ୍ଚା ହେଉଛି । ସୂଚନା ଅନୁଯାୟୀ, ଗୁଜୁରାଟ ଟାଇଟାନ୍ସର ସଫଳ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଦଳ ଛାଡି଼ ମୁମ୍ବାଇରେ ଯୋଗ ଦେଇପାରନ୍ତି ବୋଲି କୁହାଯାଉଛି । ବିସିସିଆଇ ସୂତ୍ର ଅନୁଯାୟୀ, ହାର୍ଦ୍ଦିକ ଆସନ୍ତା ଆଇପିଏଲ ୨୦୨୪ରେ ଗୁଜୁରାଟ ପାଇଁ ଖେଳିବେ ନାହିଁ। ସେ ପୂର୍ବତନ ଦଳ ମୁମ୍ବାଇ ଇଣ୍ଡିଆନ୍ସରେ ଯୋଗ ଦେଇପାରନ୍ତି ବୋଲି ଅନୁମାନ କରାଯାଉଛି ।