Water Shortage in Delhi: ଦିଲ୍ଲୀରେ ପାନୀୟ ଜଳ ସମସ୍ୟା, ବିଜେପିର ସହଯୋଗ ମାଗିଲେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ

Water Shortage in Delhi: ରାଜଧାନୀ ଦିଲ୍ଲୀରେ ପ୍ରବଳ ଖରା, ଗରମ ସହ ଚିନ୍ତା ବଢ଼ାଇଛି ଜଳ ସମସ୍ୟା। ଦିଲ୍ଲୀରେ ଜଳର ଘୋର୍‌ ଅଭାବ ଦେଖିବାକୁ ମିଳିଛି। ଜଳର ଅଭାବ ମଧ୍ୟରେ ହରିଆଣା, ଉତ୍ତରପ୍ରଦେଶ ଏବଂ ହିମାଚଳ ପ୍ରଦେଶରୁ ଅତିରିକ୍ତ ଜଳ ଯୋଗାଣ ପାଇଁ ଦିଲ୍ଲୀ ସରକାର ସୁପ୍ରିମକୋର୍ଟ(SC)ଙ୍କୁ ଅନୁରୋଧ କରିଛନ୍ତି। ସେପଟେ ଏହି ସମୟରେ ବିଜେପି କ୍ରମାଗତ ଭାବେ କେଜ୍ରିୱାଲ ସରକାରଙ୍କୁ ଘେରିଛି। ଦିଲ୍ଲୀର ଜଳ ସଙ୍କଟ ସମ୍ପର୍କରେ ବିଜେପି ଶହୀଦ ପାର୍କରୁ ଦିଲ୍ଲୀ ସଚିବାଳୟକୁ ଏକ ବିରୋଧ ପ୍ରଦର୍ଶନ କରିଛି। ସେପଟେ ଏହି ପ୍ରସଙ୍ଗକୁ ନେଇ ରାଜନୀତି ଖୁବ୍ ସରଗରମ ହୋଇଛି।

ଏହି ସମୟରେ ବିଜେପି କ୍ରମାଗତ ଭାବେ କେଜ୍ରିୱାଲ ସରକାରଙ୍କୁ ଘେରିଛି। ଦିଲ୍ଲୀର ଜଳ ସଙ୍କଟ ସମ୍ପର୍କରେ ବିଜେପି ଶହୀଦ ପାର୍କରୁ ଦିଲ୍ଲୀ ସଚିବାଳୟକୁ ଏକ ବିରୋଧ ପ୍ରଦର୍ଶନ କରିଛି। ଏହି ସମୟରେ ବିଜେପି କେଜ୍ରିୱାଲ ସରକାରଙ୍କ ବିରୋଧରେ ବ୍ୟାପକ ସ୍ଲୋଗାନ ମଧ୍ୟ ଦେଇଥିଲା। ନୂଆଦିଲ୍ଲୀ ଲୋକସଭା ଆସନରୁ ବିଜେପି ପ୍ରାର୍ଥୀ ବାଂଶୁରୀ ସ୍ୱରାଜ କହିଛନ୍ତି, ପ୍ରବଳ ଗରମ ସମୟରେ ଦିଲ୍ଲୀର ଲୋକମାନେ ପାଣି ପାଇଁ ସଂଘର୍ଷ କରୁଛନ୍ତି। ଆମ୍ ଆଦମୀ ପାର୍ଟି ସରକାର ଏହି ସଙ୍କଟ ଜାଣିଶୁଣି ସୃଷ୍ଟି କରିଛି। ୨୦୧୩ ରେ ୬୦୦ କୋଟି ଟଙ୍କା ଲାଭ କରିଥିବା ଜଳ ବିଭାଗ ଆଜି ୭୩ ହଜାର କୋଟି ଟଙ୍କା କ୍ଷତି ସହିଛି। ଏହି ସରକାର ସର୍ବଦା ମାଗଣା ଜଳର ପ୍ରତିଶୃତି ଦେଇଥିବା ବେଳେ ଆଜି ଦିଲ୍ଲୀବାସୀ ପାଣି ବୁନ୍ଦା ପାଇଁ ହନ୍ତସନ୍ତ ହେଉଛନ୍ତି।

ସେପଟେ ଜଳ ସମନସ୍ୟା ସମ୍ପର୍କରେ ଦିଲ୍ଲୀର ମୁଖ୍ୟମନ୍ତ୍ରୀ ଟ୍ୱିଟରରେ ଲେଖିଛନ୍ତି, ଯେ “ଏଥର ସମଗ୍ର ଦେଶରେ ଅଦୃଶ୍ୟ ଗରମ ଦେଖାଦେଇଛି, ଯେଉଁଥିପାଇଁ ସାରା ଦେଶରେ ଜଳ ଓ ବିଦ୍ୟୁତ ସଙ୍କଟ ଦେଖାଦେଇଛି। ଗତ ବର୍ଷ ଦିଲ୍ଲୀରେ ବିଦ୍ୟୁତର ସର୍ବୋଚ୍ଚ ଚାହିଦା ଥିଲା ୭୪୩୮ ମେଗାୱାଟ। ଚଳିତ ବର୍ଷ ଏହାର ଚାହିଦା ୮୩୦୨ ମେଗାୱାଟରେ ପହଞ୍ଚିଛି। ଏହା ସତ୍ତ୍ୱେ ଅନ୍ୟ ରାଜ୍ୟ ପରି ଦିଲ୍ଲୀରେ ବିଦ୍ୟୁତର ଅଭାବ ନାହିଁ।

इस बार पूरे देश में अभूतपूर्व गर्मी पड़ रही है जिसकी वजह से देश भर में पानी और बिजली का संकट हो गया है। पिछले वर्ष, दिल्ली में बिजली की पीक डिमांड 7438 MW थी। इसके मुक़ाबले इस साल पीक डिमांड 8302 MW तक पहुँच गयी है। पर इसके बावजूद दिल्ली में बिजली की स्थिति नियंत्रण में है, अन्य…

— Arvind Kejriwal (@ArvindKejriwal) May 31, 2024

ସିଏମ କେଜ୍ରିୱାଲ ଲେଖିଛନ୍ତି, ଏଭଳି ପ୍ରବଳ ଉତ୍ତାପରେ ଜଳର ଚାହିଦା ବହୁତ ବୃଦ୍ଧି ପାଇଛି ଏବଂ ପଡୋଶୀ ରାଜ୍ୟରୁ ଦିଲ୍ଲୀକୁ ମିଳିଥିବା ଜଳ ମଧ୍ୟ ହ୍ରାସ ପାଇଛି। ଏହାର ଅର୍ଥ ଯୋଗାଣ ହ୍ରାସ ପାଇବା ସହ ଚାହିଦା ବହୁତ ବୃଦ୍ଧି ପାଇଛି। ଆମ ସମସ୍ତଙ୍କୁ ଏକାଠି ମିଳିମିଶି ଏହି ସମସ୍ୟାର ସମାଧାନ କରିବାକୁ ପଡିବ। ମୁଁ ଦେଖୁଛି ବିଜେପି ସଦସ୍ୟମାନେ ଆମ ବିରୁଦ୍ଧରେ ଧାରଣାରେ ବସିଛନ୍ତି। ମୁଁ ସମସ୍ତଙ୍କୁ ଅନୁରୋଧ କରୁଛି ଯେ ରାଜନୀତି କରିବା ପରିବର୍ତ୍ତେ ଦିଲ୍ଲୀର ଲୋକଙ୍କୁ ସହଯୋଗ କରନ୍ତୁ। ଯଦି ବିଜେପି ହରିୟାଣା ଏବଂ ୟୁପି ସରକାରଙ୍କ ସହ କଥାବାର୍ତ୍ତା କରେ ଏବଂ ଏକ ମାସ ପାଇଁ ଦିଲ୍ଲୀକୁ କିଛି ଜଳ ଯୋଗାଏ, ତେବେ ଦିଲ୍ଲୀବାସୀ ବିଜେପି ପ୍ରତି ଉପକୃତ ହେବେ। ଏହିପରି ପ୍ରବଳ ଉତ୍ତାପ କାହାର ନିୟନ୍ତ୍ରଣରେ ନାହିଁ, କିନ୍ତୁ ଯଦି ଆମେ ସମସ୍ତେ ଏକାଠି କାମ କରୁ ତେବେ ଲୋକମାନେ ଏଥିରୁ ଆଶ୍ୱସ୍ତି ପାଇପାରିବେ।