Natasa-hardik Pandya Divorce: ଡିଭୋର୍ସ ଆନାଉନ୍ସମେଣ୍ଟ ପରେ ନତାଶା ଛାଡ଼ିଲେ ଏହି ସବୁ ଫଟୋ ଓ ଭିଡିଓ...

Natasa-hardik Pandya Divorce: ଜୁଲାଇ ୧୮, ଗୁରୁବାର ଦିନ ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକ୍ ଆନୁଷ୍ଠାନିକ ଭାବରେ ନିଜର ଡିଭୋର୍ସ ଘୋଷଣା କରିଛନ୍ତି। ଏହାର ଗୋଟିଏ ଦିନ ପୂର୍ବରୁ ସେ ଭାରତ ଛାଡି ନିଜ ଦେଶ ସର୍ବିଆକୁ ଫେରିଥିଲେ। ବର୍ତ୍ତମାନ ନତାଶା ଛାଡପତ୍ର ପରେ ପ୍ରଥମ ଥର ପାଇଁ ନିଜ ସୋସିଆମ ମିଡିଆ ଆକାଉଣ୍ଟରେ ପୋଷ୍ଟ କରିଛନ୍ତି। ଯେଉଁଥିରେ ହାର୍ଦ୍ଦିକ ପାଣ୍ଡ୍ୟାଙ୍କ ପୁଅକୁ ଦେଖିବାକୁ ମିଳିଛି।

 ନତାଶା ଷ୍ଟାନକୋଭିକ୍ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ମଧ୍ୟରେ ଦୀର୍ଘ ସମୟ ଧରି ଛାଡପତ୍ର ହେବାର ଖବର ଚର୍ଚ୍ଚାରେ ଥିଲା। ଅନନ୍ତ ଅମ୍ବାନୀଙ୍କ ବିବାହରେ ହାର୍ଦ୍ଦିକଙ୍କୁ ଏକୁଟିଆ ଦେଖିବାକୁ ମିଳିଥିଲା। ନତାଶା ମଧ୍ୟ କ୍ରମାଗତ ଭାବରେ କ୍ରିପ୍ଟିକ୍ ପୋଷ୍ଟଗୁଡିକ ପୋଷ୍ଟ କରୁଥିଲେ। ଯଦିଓ ଦୁହେଁ ବ୍ୟକ୍ତିଗତ ଜୀବନ ବିଷୟରେ ସ୍ପଷ୍ଟ ପ୍ରତିକ୍ରିୟା ରଖିନଥିଲେ।  ଗୁରୁବାର ଦିନ, ଉଭୟ ଏକ ଲମ୍ବା ପୋଷ୍ଟ ସହିତ ବ୍ୟକ୍ତିଗତ ଜୀବନ ସହ ଜଡିତ ଏକ ଅପଡେଟ୍ ଦେଇଛନ୍ତି।

ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକଙ୍କ ଛାଡପତ୍ର:

ନତାଶା କହିଛନ୍ତି ଯେ ଏହି ନିଷ୍ପତ୍ତି ନେବା କାହା ପାଇଁ ସହଜ ନଥିଲା। କିନ୍ତୁ ହାର୍ଦ୍ଦିକ ଏବଂ ସେ ଏକାଠି ଅଲଗା ହେବାକୁ ନିଷ୍ପତ୍ତି ନେଇଛନ୍ତି। ବିବାହର ଚାରି ବର୍ଷ ଉଭୟଙ୍କ ପାଇଁ ଅତ୍ୟନ୍ତ ସ୍ୱତନ୍ତ୍ର ଥିଲା। ଭବିଷ୍ୟତରେ ଦୁହେଁ ନିଜ ପୁଅ ଅଗସ୍ତ୍ୟାଙ୍କୁ ଏକାଠି ବଢ଼ାଇବେ। ବର୍ତ୍ତମାନ ନତାଶା ପୁଅର ଫଟୋ ସୋସିଆଲ ମିଡିଆରେ ସେୟାର କରିଛନ୍ତି। ଏହା ଦେଖି ହାର୍ଦ୍ଦିକଙ୍କ ହୃଦୟ ମଧ୍ୟ ତରଳି ଯିବ।

ଛାଡପତ୍ର ପରେ ନତାଶାଙ୍କର ପ୍ରଥମ ପୋଷ୍ଟ:

ଛାଡପତ୍ର ବିଷୟରେ କହିବା ପରେ ନତାଶା ଷ୍ଟାନକୋଭିକ୍ ପ୍ରଥମ ଥର ପାଇଁ ଏକ ପୋଷ୍ଟ ସେୟାର କରିଛନ୍ତି। ଯେଉଁଠାରେ ସେ ତାଙ୍କର ୪ ବର୍ଷର ପୁଅ ଅଗସ୍ତ୍ୟାଙ୍କ ଫଟୋ ଦେଖାଇଛନ୍ତି। ଗୋଟିଏ ଫଟୋରେ ସେ ଲେଖିଛନ୍ତି, 'ଜନ୍ମଦିନର ଶୁଭେଚ୍ଛା।' ସବୁବେଳେ ଖୁସିରେ ରୁହ ମୋ ପ୍ରିୟ ପମ୍ପକିନ୍। ଦ୍ୱିତୀୟ ଭିଡିଓରେ ତାଙ୍କ ପୁଅ ହସୁଥିବା ଏବଂ ଖେଳୁଥିବା ନଜର ଆସିଛନ୍ତି। ଅଭିନେତ୍ରୀ ଏହିପରି ଅନେକ ଫଟୋ ସେୟାର କରିଛନ୍ତି।