Mahakumbh Air Ticket: ମହାକୁମ୍ଭ ପାଇଁ ଶସ୍ତା ହେଲା ବିମାନ ଟିକେଟ୍ । ଯାହା ଶ୍ରଦ୍ଧାଳୁଙ୍କ ପାଇଁ କୌଣସି ଉପହାର ଠାରୁ କମ୍ ନୁହେଁ। ଇଣ୍ତିଗୋ ଏୟାର ଲାଇନ୍ସ ଏହି ସୁବିଧା ଯାତ୍ରୀଙ୍କୁ ଯୋଗାଇ ଦେବ ବୋଲି କହିଛି।
Trending Photos
5
4
12
6 "Mahakumbh 2025: ମହାକୁମ୍ଭ ପାଇଁ ଶସ୍ତା ହେଲା ଫ୍ଲାଇଟ୍ ଟିକେଟ୍, ଏତିକି ଟଙ୍କା ଦେଇ କରିହେବ ଯାତ୍ରା")
Mahakumbh Air Ticket: ମହାକୁମ୍ଭ ପାଇଁ ଶସ୍ତା ହେଲା ବିମାନ ଟିକେଟ୍ । ଯାହା ଶ୍ରଦ୍ଧାଳୁଙ୍କ ପାଇଁ କୌଣସି ଉପହାର ଠାରୁ କମ୍ ନୁହେଁ। ଇଣ୍ତିଗୋ ଏୟାର ଲାଇନ୍ସ ଏହି ସୁବିଧା ଯାତ୍ରୀଙ୍କୁ ଯୋଗାଇ ଦେବ ବୋଲି କହିଛି। ମହାକୁମ୍ଭ ମେଳା ଅବସରରେ, ବେସାମରିକ ବିମାନ ଚଳାଚଳ ମନ୍ତ୍ରୀ କେ ରାମ ମୋହନ ନାଇଡୁ ଏକ ବଡ଼ ଘୋଷଣା କରିଛନ୍ତି। ସେ କହିଛନ୍ତି ଯେ ମହାକୁମ୍ଭମେଳାକୁ ଯାଉଥିବା ଯାତ୍ରୀଙ୍କ ପାଇଁ ବିମାନ ଭଡ଼ା ୫୦ ପ୍ରତିଶତ ହ୍ରାସ କରାଯାଇଛି। ନୂତନ ଭଡ଼ା ହାର ଆଜି ଠାରୁ କାର୍ଯ୍ୟକାରୀ ହୋଇଛି।
ସରକାର ପୂର୍ବରୁ ବିମାନ କମ୍ପାନୀଗୁଡ଼ିକୁ ଟିକେଟ୍ ମୂଲ୍ୟ ହ୍ରାସ କରିବାକୁ ନିର୍ଦ୍ଦେଶ ଦେଇଥିଲେ। ଏଥିପାଇଁ ବିମାନ କମ୍ପାନୀଗୁଡ଼ିକ ସହିତ ତିନୋଟି ବୈଠକ ଅନୁଷ୍ଠିତ ହୋଇଥିଲା। ବିମାନ କମ୍ପାନୀଗୁଡ଼ିକୁ ମନେ ପକାଇ ଦିଆଯାଇଥିଲା ଯେ ମହାକୁମ୍ଭମେଳା ୧୪୦ ବର୍ଷରେ ଥରେ ଆସେ ଏବଂ ସେମାନେ ଏହାର ଗୁରୁତ୍ୱ ପ୍ରତି ସଚେତନ ହେବା ଉଚିତ।
ସରକାର ସୁନିଶ୍ଚିତ କରିଛନ୍ତି ଯେ, ଭଡ଼ା ହ୍ରାସ ଯୋଗୁଁ ବିମାନ କମ୍ପାନୀଗୁଡ଼ିକ ଆର୍ଥିକ କ୍ଷତି ସହିବେ ନାହିଁ। ଜାନୁଆରୀ ୨୩ ତାରିଖରେ, ଡିଜିସିଏ ଅଧିକାରୀମାନେ ଏ ସମ୍ପର୍କରେ ବିମାନ କମ୍ପାନୀ ପ୍ରତିନିଧିମାନଙ୍କ ସହ ଏକ ବୈଠକ କରିଥିଲେ। ଜାନୁଆରୀ ୧୩ ତାରିଖରୁ ଆରମ୍ଭ ହୋଇଥିବା ମହାକୁମ୍ଭ ମେଳାରେ ସାମିଲ ହେବା ପାଇଁ ଭାରତ ଏବଂ ବିଦେଶରୁ ଲକ୍ଷ ଲକ୍ଷ ଲୋକ ପ୍ରୟାଗରାଜ କୁ ଆସୁଛନ୍ତି। ଏହି କାରଣରୁ, ବିମାନ ଯାତ୍ରାର ଚାହିଦା ଦ୍ରୁତ ଗତିରେ ବୃଦ୍ଧି ପାଇଲା। ଯାହା ଫଳରେ ଭଡ଼ାରେ ମଧ୍ୟ ଏକ ବଡ଼ ବୃଦ୍ଧି ଘଟିଲା। ଏପରି ପରିସ୍ଥିତିରେ, ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ବିମାନ କମ୍ପାନୀଗୁଡ଼ିକୁ ଟିକେଟ୍ ମୂଲ୍ୟକୁ ହ୍ରାସ କରିବାକୁ କହିଥିଲେ।
ଇଣ୍ତିଗୋର ୱେବସାଇଟ୍ ଅନୁଯାୟୀ, ଜାନୁଆରୀ ୩୧ ପାଇଁ ଟିକେଟ୍ ମୂଲ୍ୟ ୨୧,୨୦୦ ଟଙ୍କାରୁ ଅଧିକ ଏବଂ ଫେବୃଆରୀ ୧୨ ପାଇଁ ସର୍ବନିମ୍ନ ମୂଲ୍ୟ ୯,୦୦୦ ଟଙ୍କା ରଖାଯାଇଛି। ଇଣ୍ଡିଗୋ ଲକ୍ଷ୍ନୌ, ଦିଲ୍ଲୀ, କୋଲକାତା, ବେଙ୍ଗାଲୁରୁ ଏବଂ ଅହମ୍ମଦାବାଦରୁ ପ୍ରୟାଗରାଜକୁ ବିମାନ ସେବା ପରିଚାଳନା କରେ। ବର୍ତ୍ତମାନ ଦେଶର ବିଭିନ୍ନ ସହରରୁ ପ୍ରୟାଗରାଜକୁ ପ୍ରାୟ ୮୦,୦୦୦ ମାସିକ ସିଟ୍ ସହିତ ୧୩୨ଟି ବିମାନ ଚଳାଚଳ କରୁଛି। ପ୍ରୟାଗରାଜ ସିଧାସଳଖ ଏବଂ ( କନେକ୍ଟିଙ୍କ୍ ଫ୍ଲାଇଟ୍) ସଂଯୋଗକାରୀ ବିମାନ ମାଧ୍ୟମରେ ୨୬ଟି ସହର ସହିତ ସଂଯୋଗ ହୋଇଛି।
