Google Play ଭାରତରେ ଲଞ୍ଚ କଲା UPI Autopay, ପେମେଣ୍ଟ କରିବା ହେବ ଆହୁରି ସହଜ, ଜାଣନ୍ତୁ ଲାଭ

Google UPI Autopay: ଗୁଗୁଲ ପ୍ଲେ (Google Play) ଭାରତରେ ସବସ୍କ୍ରିପସନ୍ ଆଧାରିତ ଜିନିଷ କିଣିବା ପାଇଁ ୟୁପିଆଇ ଅଟୋପେ (UPI Autopay) ଲଞ୍ଚ କରିଛି । ଆମେରିକୀୟ ଟେକ୍ କମ୍ପାନୀ ଏହାର ପ୍ଲାଟଫର୍ମରେ ଏକ ପେମେଣ୍ଟ କ୍ୟାଟେଗୋରି ଭାବରେ UPI ଅଟୋପେକୁ ଉପସ୍ଥାପନ କରିଛି । ଏହା ସାହାଯ୍ୟରେ, ୟୁଜର୍ସ ସହଜରେ ଇନ୍-ଆପ୍ ସବସ୍କ୍ରିପସନ୍ ପାଇଁ ପେମେଣ୍ଟ ଦେବାକୁ ସମର୍ଥ ହେବେ । ଅଟୋପେ କ୍ୟାଟେଗୋରି ସେଟିଂ କରିବା ସମୟରେ, ମନୋନୀତ ସବସ୍କ୍ରିପସନ ପାଇଁ ପେମେଣ୍ଟ ନିର୍ଦ୍ଦିଷ୍ଟ ସମୟରେ ସ୍ୱୟଂଚାଳିତ ଭାବରେ ହୋଇଯିବ । ଯଦିଓ, ଏଥିପାଇଁ ୟୁଜର୍ସଙ୍କୁ ପ୍ରଥମେ ସେଟିଂ କରିବାକୁ ପଡିବ । ଏଠାରେ ଆମେ ଆପଣଙ୍କୁ କହିରଖିବୁ ଯେ ଏହି ସେଟିଂ କିପରି କରାଯିବ ଓ ଏହି ଅତ୍ୟାଧୁନିକ ଫିଚର ଆପଣ କିପରି ନେଇପାରିବେ ।

ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NCPI) UPI 2.0 ଅଧୀନରେ ଅଟୋପେ ଆରମ୍ଭ କରିଥିଲା ​​। ଏହା ୟୁଜର୍ସଙ୍କୁ ଯେକୌଣସି UPI ଆପ୍ ମାଧ୍ୟମରେ ପେମେଣ୍ଟ ଦେବାକୁ ଅନୁମତି ଦିଏ । ଯଦିଓ, ଏହି ସର୍ଭିସ କେବଳ ସେହି UPI ଆପ୍ସରେ କାମ କରିବ, ଯାହା ଏହି ଫିଚରକୁ ସମର୍ଥନ କରେ । UPI ଅଟୋପେ ୟୁଜର୍ସଙ୍କୁ ସବସ୍କ୍ରିପସନ୍ ସେଟ୍ ଅପ୍ କରିବାରେ ସାହାଯ୍ୟ କରେ । ତେବେ ଆସନ୍ତୁ ଜାଣିବା ଏହି ଫିଚରକୁ କିପରି ଆକ୍ଟିଭ କରିବେ ।

UPI ଅଟୋପେ ଆକ୍ଟିଭ କରିବାକୁ ଗୁଗୁଲ ସମ୍ପୂର୍ଣ୍ଣ ପଦ୍ଧତି ଦେଇଛି । ସର୍ବପ୍ରଥମେ, ୟୁଜର୍ସଙ୍କୁ ପସନ୍ଦିତ ସବସ୍କ୍ରିପସନ ପ୍ଲାନ ବାଛିବାକୁ ପଡିବ । ଏହାକୁ କିଣିବା ପାଇଁ, କାର୍ଟରେ ପେମେଣ୍ଟ କ୍ୟାଟେଗୋରି ଉପରେ ଟ୍ୟାପ୍ କରନ୍ତୁ । ବର୍ତ୍ତମାନ ଆପଣଙ୍କୁ UPI ଅପ୍ସନ୍ ସହିତ ପେମେଣ୍ଟ ଚୟନ କରିବାକୁ ପଡିବ । ଏହା ପରେ, ସମର୍ଥିତ UPI ଆପ୍ଲିକେସନରେ ଏହି ପେମେଣ୍ଟକୁ ଆପ୍ରୁଭ କରନ୍ତୁ । ଏହିପରି, ଗୁଗୁଲ୍ ପ୍ଲେରେ UPI ଅଟୋପେ ସହଜରେ ଆକ୍ଟିଭ ହେବ । 

ଏହି ଫିଚରର ଲାଭ ଉଠାଇବା ପାଇଁ ଗୁଗୁଲ୍ ପ୍ଲେ ୟୁଜର୍ସମାନେ ପେଟିଏମ୍, ଜିପିଏ, ଆମାଜନ ପରି UPI ପେମେଣ୍ଟ ଆପ୍ ବ୍ୟବହାର କରିପାରିବେ । କହିରଖୁଛୁ ଯେ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (NCPI) ନିୟମିତ ପେମେଣ୍ଟ ପାଇଁ ଏହି ଫିଚର ଉପସ୍ଥାପନ କରିଛି । ଏହି ଫିଚର EMI କିମ୍ବା ବିଦ୍ୟୁତ୍ ବିଲ୍ ଦେବା ଓ ମୋବାଇଲ୍ ରିଚାର୍ଜ କରିବା ପାଇଁ ବ୍ୟବହୃତ ହୁଏ । 

ଏହା ବି ପଢ଼ନ୍ତୁ: SBI ଏହାର କୋଟି କୋଟି ଗ୍ରାହକଙ୍କୁ ଦେଲା ବଡ଼ ଝଟକା! ଏହି ନିୟମରେ କଲା ପରିବର୍ତ୍ତନ

ଏହା ବି ପଢ଼ନ୍ତୁ: VIDEO: ମ୍ୟୁଜିକ ବିଟରେ ମୂଷାମାନେ ମଧ୍ୟ ଲଗାନ୍ତି ଠୁମକା, ଯଦି ବିଶ୍ୱାସ ହେଉ ନାହିଁ ତେବେ ଏଠାରେ ଦେଖନ୍ତୁ

ଏହା ବି ପଢ଼ନ୍ତୁ: Indian Army: 'କାଲା ଚଶମା' ଗୀତରେ ସୈନିକମାନେ କଲେ ଜବରଦସ୍ତ ଡ୍ୟାନ୍ସ! LoC ର ଏହି ଭିଡିଓ ଆପଣ ନିଶ୍ଚୟ ଦେଖନ୍ତୁ