ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ହତ୍ୟା ଧମକ ଘଟଣା, ଗିରଫ ହେଲା ଅଭିଯୁକ୍ତ

ନୂଆଦିଲ୍ଲୀ: ୩ ଦିନ ତଳେ ଏକ ମେଟ୍ରୋ ଷ୍ଟେସନ ନିକଟରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପାଇଁ ଧମକପୂର୍ଣ୍ଣ ବାର୍ତ୍ତା ଲେଖାଯାଇଥିବା ଦେଖିବାକୁ ମିଳିଥିଲା । ଉକ୍ତ ବାର୍ତ୍ତାରେ ଏହା ଉଲ୍ଲେଖ ଥିଲା ଯେ, କେଜ୍ରିୱାଲଙ୍କୁ ହତ୍ୟା କରାଯିବ । ତେବେ ଏପରି ବାର୍ତ୍ତା ମିଳିବାପରେ ଚର୍ଚ୍ଚା ଜୋର ଧରିଥିଲା । କିଏ ଏହି ମେସେଜ୍ କେଜ୍ରିୱାଲଙ୍କୁ ଦେଲା ସେନେଇ ତଦନ୍ତ ମଧ୍ୟ ଆରମ୍ଭ ହୋଇଥିଲା । ବର୍ତ୍ତମାନ ଅଭିଯୁକ୍ତ ଜଣକ ଧରାପଡିଛି । ସିସିଟିଭି ଭିଜୁଆଲକୁ ଆଧାର କରି ତାକୁ ଠାବ କରାଯାଇଥିବା ସୂଚନା ମିଳିଛି ।

କୁହାଯାଉଛି ଯେ, ଧମକ ଦେଇଥିବା ଅଭିଯୁକ୍ତ ନାମ ଅଙ୍କିତ ଗୋଏଲ୍‌ ଏବଂ ତା ଘର ବରେଲି ଅଞ୍ଚଳରେ । ପୋଲିସ ଅଭିଯୁକ୍ତକୁ ଗିରଫ କରିଛି । ବ୍ୟକ୍ତିଜଣକ ଉଚ୍ଚ ଶିକ୍ଷିତ ଏବଂ ଏକ ବ୍ୟାଙ୍କରେ ଚାକିରି କରନ୍ତି । ସେ କୌଣସି ରାଜନୈତିକ ଦଳର ନୁହଁନ୍ତି । ତେବେ ଅଭିଯୁକ୍ତ ଅଙ୍କିତ କାହିଁକି ଏପରି କାର୍ଯ୍ୟକଲେ ସେନେଇ ପୋଲିସ ପଚରାଉଚରା କରୁଛି । ତାଙ୍କର ମାନସିକ ସ୍ୱାସ୍ଥ୍ୟ ଠିକ୍ ଅଛି କି ନାହିଁ ତାହା ମିଡିକାଲ୍ ଟେଷ୍ଟ ପରେ ସ୍ପଷ୍ଟ ହେବ ବୋଲି କୁହାଯାଇଛି । ଏଥିସହ ଅଭିଯୁକ୍ତର ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାରେ ମଧ୍ୟ କେଜ୍ରିୱାଲଙ୍କ ସମ୍ପର୍କରେ ପୋଷ୍ଟ କରାଯାଇଛି ।

दिल्ली के मुख्यमंत्री अरविंद केजरीवाल जी को सरेआम दी जा रही जान से मारने की धमकी ‼️

PMO, BJP और नरेंद्र मोदी के इशारे पर राजीव चौक, पटेल नगर मेट्रो स्टेशन पर लिखी गई धमकी।

अरविंद केजरीवाल जी को कुछ भी होता है तो इसके लिए सीधे तौर पर बीजेपी और नरेंद्र मोदी ज़िम्मेदार होंगे। pic.twitter.com/vbbybDFSfJ

— AAP (@AamAadmiParty) May 20, 2024

ଆପଣଙ୍କୁ କହିରଖୁଛୁ ଯେ, ମେ ୧୯ ତାରିଖ ଦିନ ପଟେଲ ନାଗର ଏବଂ ରାଜୀବ ଚୌକ୍‌ ମେଟ୍ରୋ ଷ୍ଟେସନର କିଛି ସ୍ଥାନରେ କେଜ୍ରିୱାଲଙ୍କ ବିରୋଧରେ ଏପରି ଧମକପୂର୍ଣ୍ଣ ଲେଖା ନଜରକୁ ଆସିଥିଲା । ଏହାପରେ ଆମ ଆଦମୀ ପାର୍ଟି ଏହାକୁ ନେଇ ବିଜେପି ଉପରେ ବର୍ଷିଥିଲା । ପରେ ଏ ସମ୍ପର୍କରେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଆପ ପକ୍ଷରୁ ପୋଷ୍ଟ କରାଯାଇଥିଲା । ବର୍ତ୍ତମାନ ପୋଲିସ ଘଟଣାର ତଦନ୍ତ ପ୍ରକ୍ରିୟା ଚାଲୁ ରଖିଛି ।

Also Read- Kedarnath Yatra: ବାବା କେଦାରନାଥଙ୍କ ଗର୍ଭଗୃହ ଦର୍ଶନ ଆରମ୍ଭ, ଭକ୍ତଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା

Also Read- ବିଜେଡିରୁ ଇସ୍ତଫା ଦେଲେ ଜ୍ୟୋତିପ୍ରକାଶ ପାଣିଗ୍ରାହୀ