Top 10 News Today: ସରାକାର ହ୍ରାସ କଲେ ୪୧ଟି ମେଡିସିନ୍ ଦର, ପଢ଼ନ୍ତୁ ଆଜିର ୧୦ ପ୍ରମୁଖ ଖବର

Top 10 News Today: H1. Naveen Patnaik Bhubaneswar Road Show: ଭୁବନେଶ୍ବରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆଜି ଏକ ବିଶାଳ ରୋଡ ଶୋ’ କରିଥିଲେ। ଏହି ସମୟରେ ହଜାର ହଜାର ଲୋକ ନଜର ଆସିଥିଲେ। ଏହି ରୋଡ୍ ଶୋ' ଗଙ୍ଗନଗର ଛକରୁ ଆରମ୍ଭ ହୋଇଥିଲା। ମୁଖ୍ୟମନ୍ତ୍ରୀ ନିଜ ହାତ ହଲାଇ ଉପସ୍ଥିତ ଜନତାଙ୍କୁ ଅଭିବାଦନ ଜଣାଇବା ସହ ଭୁବନେଶ୍ବର ସାଂସଦ ଓ ମଧ୍ୟ ବିଧାୟକ ପ୍ରାର୍ଥୀଙ୍କୁ ଶଙ୍ଖ ଚିହ୍ନରେ ଭୋଟ ଦେବାକୁ କଲେ ଅପିଲ୍ କରିଥିଲେ।

H2. Swati Maliwal Reaction: ଦିଲ୍ଲୀ ମୁଖ୍ୟମନ୍ତ୍ରୀଙ୍କ ବାସଭବନରେ ହୋଇଥିବା ଆକ୍ରମଣ ମାମଲାରେ ସ୍ୱାତୀ ମାଲିୱାଲଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି। ସ୍ୱାତୀ ମାଲିୱାଲ 'ଏକ୍ସ'ରେ ପୋଷ୍ଟ କରି କହିଛନ୍ତି, "ମୋ ସହ ଯାହା ଘଟିଥିଲା ​​ତାହା ଅତ୍ୟନ୍ତ ଖରାପ ଥିଲା। ମୋ ସହ ଘଟିଥିବା ଘଟଣାକୁ ନେଇ ମୁଁ ପୋଲିସକୁ ମୋର ବୟାନ ଦେଇଛି। ମୁଁ ଆଶା କରୁଛି ଉପଯୁକ୍ତ ପଦକ୍ଷେପ ନିଆଯିବ...।"

H3. Government Slashes Prices Of 41 Medicines: ସାଧାରଣତଃ ମଧୁମେହ, ହୃଦୟ ଓ ଯକୃତ ସମ୍ବନ୍ଧୀୟ ରୋଗର ଚିକିତ୍ସା ପାଇଁ ବ୍ୟବହୃତ ହେଉଥିବା ୪୧ଟି ଔଷଧ ଓ ୬ ଫର୍ମୁଲେସନର ମୂଲ୍ୟ ସରକାର ହ୍ରାସ କରିଛନ୍ତି। ଜାତୀୟ ଫାର୍ମାସ୍ୟୁଟିକାଲ୍ ପ୍ରାଇସିଂ ଅଥରିଟି (NPPA) ର ୧୪୩ ତମ ବୈଠକରେ ଏହି ନିଷ୍ପତ୍ତି ନିଆଯାଇ କୁହାଯାଇଛି ଯେ ଜନସାଧାରଣଙ୍କ ପାଇଁ ଅତ୍ୟାବଶ୍ୟକ ଔଷଧର ମୂଲ୍ୟ ସୁଲଭ ରହିବ।

H4. Keonjhar Road accident: ଭୟଙ୍କର ସଡ଼କ ଦୁର୍ଘଟଣା, ଚାଲିଗଲା ଗୋଟିଏ ପରିବାରର ୬ ଜୀବନ। କେନ୍ଦୁଝର ଜିଲ୍ଲା ଯୋଡା ଚରମ୍ପା  ଥାନା ରିମୁଳି ବାଇପାସରେ ଘଟିଛି ଏହି ମର୍ମନ୍ତୁଦ ସଡ଼କ ଦୁର୍ଘଟଣା।  ୨ଟି ଟ୍ରକ୍ ସହ ଏକ କାର୍ ଧକ୍କା ହେବାରୁ ୬ ଜଣ ଯାତ୍ରୀଙ୍କ ଜୀବନ ଯାଇଛି। ପୋଲିସ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । କିଭଳି ସ୍ଥିତିରେ ଏହି ଦୁର୍ଘଟଣା ଘଟିଲା ସେନେଇ ପୋଲିସ୍ ଛାନଭିନ୍ ଜାରି ରଖିଛି। 

H5. JP Nadda In Bargarh: ଗୁରୁବାର ଦିନ ବରଗଡର ପଦମପୁରରେ ଏକ ସାଧାରଣ ସଭାରେ ଉଦବୋଧନ ଦେଇ ବିଜେପି ଜାତୀୟ ସଭାପତି ଜେପି ନଡ୍ଡା ବିଜେଡି ସରକାରଙ୍କୁ ଟାର୍ଗେଟ କରିଛନ୍ତି। ବିଜେପି ଜାତୀୟ ସଭାପତି ଜେପି ନଡ୍ଡା ଏହାପରେ ଅନେକ ପ୍ରସଙ୍ଗରେ ବିଜେଡି ସରକାରଙ୍କୁ ଟାର୍ଗେଟ କରିଥିଲେ। ଓଡି଼ଶାରେ କେନ୍ଦ୍ର ସରକାରଙ୍କ ଆୟୁଷ୍ମାନ ଭାରତ ଯୋଜନା କାର୍ଯ୍ୟକାରୀ ନକରିଥିବାରୁ ମଧ୍ୟ ସେ ନବୀନ ପଟ୍ଟନାୟକକୁ ଟାର୍ଗେଟ୍ କରିଥିଲେ।

H6. Amit Shah On PoK: ଗୃହମନ୍ତ୍ରୀ ଅମିତ ଶାହା ବିହାରର ମଧୁବାନୀରେ କହିଛନ୍ତି ଯେ ଯେପର୍ଯ୍ୟନ୍ତ ଜଣେ ବିଜେପି ସାଂସଦ ଅଛନ୍ତି ସେ ପର୍ଯ୍ୟନ୍ତ ଏସସି-ଏସଟି ଓ ଓବିସି ସଂରକ୍ଷଣକୁ କେହି ଶେଷ କରିପାରିବେ ନାହିଁ। ଗୃହମନ୍ତ୍ରୀ ଶାହା କହିଛନ୍ତି ଯେ ରାହୁଲ ବାବା କହୁଥିଲେ ଯେ ଧାରା ୩୭୦ ହଟାଗଲେ ରକ୍ତ ନଦୀ ପ୍ରବାହିତ ହେବ। କିନ୍ତୁ ୩୭୦ ଅପସାରିତ ହେଲା ଏବଂ ଗୋଟିଏ ପଥର ମଧ୍ୟ ଉଠିଲା ନାହିଁ। ଶାହା କହିଛନ୍ତି ଯେ ପିଓକେ ଆମର, ଆମର ଥିଲା ଓ ଏହା ଆମର ରହିବ।

H7. NCW summons Arvind Kejriwal's aide Bibhav Kumar: ଜାତୀୟ ମହିଳା ଆୟୋଗ (ଏନସିଡବ୍ଲ୍ୟୁ) ସ୍ୱାତୀ ମାଲିୱାଲଙ୍କ ସହ ଅସଦାଚରଣ ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ପୂର୍ବତନ ବ୍ୟକ୍ତିଗତ ସଚିବ ବିବେକ କୁମାରଙ୍କୁ ସମନ କରିଛି। ମହିଳା ଆୟୋଗ ବିବେକ କୁମାରଙ୍କୁ ଶୁକ୍ରବାର ଦିନ (୧୭ ମଇ ୨୦୨୪) ସକାଳ ୧୧ ଟାରେ ହାଜର ହେବାକୁ କହିଛନ୍ତି।

H8. Khallikote Pre-Poll Violence: ଖଲ୍ଲିକୋଟରେ ରାଜନୈତିକ ହିଂସା। ଜଣେ ଗୁରୁତରଙ୍କ ମୃତ୍ୟୁ ଘଟିଥିବା ସୂଚନା ରହିଛି। ଅନ୍ୟ ଜଣେ ଗୁରୁତରଙ୍କୁ ବ୍ରହ୍ମପୁରରୁ ଭୁବନେଶ୍ବର ଏମ୍ସ ସ୍ଥାନାନ୍ତର କରାଯାଇଛି। ଶ୍ରୀକୃଷ୍ଣଶରଣପୁର ଗାଁରେ ବିଜେପି କର୍ମୀଙ୍କୁ ଆକ୍ରମଣ ହୋଇଥିବା ଜଣାପଡିଛି। ପୋଷ୍ଟର ମାରିବାକୁ ନେଇ ଦୁଇ ଗୋଷ୍ଠୀ ମୁହାଁମୁହିଁ ହୋଇଥିଲେ। ବିଜେପି ଓ ବିଜେଡି କର୍ମୀଙ୍କ ମଧ୍ୟରେ ହଣାହଣି ଭଳି ଘଟଣା ଦେଖିବାକୁ ମିଳିଥିଲା। ଉଭୟ ପକ୍ଷର ୭ ଜଣ ଆହତ ଓ ଜଣଙ୍କ ମୃତ୍ୟୁ ହୋଇଥିବା ଜଣାପଡ଼ିଛି।

H9. Covaxin COVID-19 vaccine: ଆଷ୍ଟ୍ରା ଜେନେକା-ଅକ୍ସଫୋର୍ଡର କୋଭିଡ-୧୯ ଟିକା କୋଭିଶିଲ୍ଡର ସମ୍ଭାବ୍ୟ ପାର୍ଶ୍ୱ ପ୍ରତିକ୍ରିୟାକୁ ନେଇ କୋଭାକ୍ସିନ୍ ନିର୍ମାତା ଭାରତ ବାୟୋଟେକ୍ ନିକଟରେ ଏକ ବୟାନ ଜାରି କରି କହିଛି ଯେ ଏହାର ଟିକାକରଣର ସୁରକ୍ଷା ରେକର୍ଡ ଉତ୍କୃଷ୍ଟ ଅଟେ। କମ୍ପାନୀ କହିଛି ଯେ ଏହାର ଟିକା ରକ୍ତ ଜମାଟ ବାନ୍ଧିବା, ପ୍ଲାଲେଟର ଅଭାବ ଭଳି କୌଣସି ପାର୍ଶ୍ୱ ପ୍ରତିକ୍ରିୟା ଦେଖାଇ ନାହିଁ, କିନ୍ତୁ ବନାରସ ହିନ୍ଦୁ ବିଶ୍ୱବିଦ୍ୟାଳୟର ଗବେଷଣାକାରୀମାନେ ଦାବି କରିଛନ୍ତି ଯେ କୋଭାକ୍ସିନ ନେଇଥିବା ୩୦% ଲୋକ ଅନେକ ଗୁରୁତର ରୋଗର ସମ୍ମୁଖୀନ ହେଉଛନ୍ତି।

H10. SRH vs GT IPL 2024 updates: ଗୁରୁବାର ଦିନ ଆଇପିଏଲ୍ ମ୍ୟାଚ୍ ସନରାଇଜର୍ସ ହାଇଦ୍ରାବାଦ ବନାମ ଗୁଜୁରାଟ ଟାଇଟାନ୍ସ ମଧ୍ୟରେ ଅନୁଷ୍ଠିତ ହେବାର ଥିଲା। ବର୍ଷା ଓ ଓଦା ଆଉଟଫିଲ୍ଡ ଯୋଗୁଁ ଟସ୍ ବିଳମ୍ବ ହୋଇଛି। ପ୍ରଥମେ ବର୍ଷା ଛାଡିବାରୁ ଟସ୍ ୮ଟା ସମୟରେ ହୋଇଥିଲା କିନ୍ତୁ ପୁଣି ଥରେ ବର୍ଷା ଆରମ୍ଭ ହୋଇଥିଲା। ଆଇପିଏଲ୍ ୨୦୨୪ ର ଅନ୍ୟତମ ବିପଜ୍ଜନକ ଦଳ ସନରାଇଜର୍ସ ହାଇଦ୍ରାବାଦ । ଯଦି ଆଜିର ମ୍ୟାଚ୍ ବର୍ଷା ଯୋଗୁଁ ହୋଇ ନପାରେ ତେବେ ହାଇଦ୍ରାବାଦ ପ୍ଲେ ଅଫ୍ ପାଇଁ ଯୋଗ୍ୟତା ହାସଲ କରିନେବ।