ଲୋକସଭା ନିର୍ବାଚନ ୨୦୨୪: ପଦ ଏକ, ଦାବିଦାର ଅନେକ, ଜାଣନ୍ତୁ ଏସବୁ ନେତାଙ୍କ ମଧ୍ୟରେ ପ୍ରଧାନମନ୍ତ୍ରୀ ପଦ ପାଇଁ ସବୁଠାରୁ ମଜବୁତ ଦାବିଦାର କିଏ?

ନୂଆଦିଲ୍ଲୀ: Lok Sabha Elections 2024 Opposition PM Candidate: ଆଗାମୀ ଲୋକସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ହୋଇସାରିଛି । ସମସ୍ତ ରାଜନୈତିକ ଦଳଗୁଡ଼ିକ ରଣନୀତି ପ୍ରସ୍ତୁତିରେ ଲାଗିଛନ୍ତି । ଏହା ଅନ୍ତର୍ଗତ ବିଗତ ଦିନରେ ବିହାର ମୁଖ୍ୟମନ୍ତ୍ରୀ ନୀତିଶ କୁମାର ଦିଲ୍ଲୀ ପହଞ୍ଚିଥିଲେ । ସେ ବିରୋଧୀ ଦଳଗୁଡ଼ିକୁ ଏକଜୁଟ କରିବାକୁ ପ୍ରୟାସ କରୁଛନ୍ତି । ତେବେ ବିରୋଧୀ ଏକତା ପାଇଁ ସବୁଠାରୁ ବଡ଼ ପ୍ରତିବନ୍ଧକ ହେଉଛି ପ୍ରଧାନମନ୍ତ୍ରୀ ପଦର ଚେହେରା । ନେତୃତ୍ୱ ପ୍ରସଙ୍ଗ ସବୁଠାରୁ ବଡ଼ ପ୍ରସଙ୍ଗ ହୋଇଉଠିଛି । କିଏ ବିରୋଧୀ ଦଳର ଚେହେରା ହେବ, ତାହାକୁ ନେଇ ଚର୍ଚ୍ଚା ଜୋରଦାର ଚାଲିଛି । 

ବିହାର ସିଏମ ନୀତିଶ କୁମାର ଏଥର ସମସ୍ତ ବିରୋଧୀ ଦଳକୁ ଏକାଠି କରିବାର ଦାୟିତ୍ୱ ଗ୍ରହଣ କରିଛନ୍ତି  । ସେପଟେ ତାଙ୍କ ଦଳର ନେତାମାନେ ତାଙ୍କୁ ପ୍ରଧାନମନ୍ତ୍ରୀ ମେଟେରିଆଲ ବୋଲି କହୁଛନ୍ତି । ୨୦୧୯ ଲୋକସଭା ନିର୍ବାଚନ ପୂର୍ବରୁ ମମତା ବାନାର୍ଜୀ ମଧ୍ୟ ଏପରି ପ୍ରୟାସ  କରିଥିଲେ । ସେ ରାହୁଲ ଗାନ୍ଧୀଙ୍କୁ ଛାଡ଼ି ନିଜକୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବରେ ପ୍ରୋଜେକ୍ଟ କରିବାକୁ ଚେଷ୍ଟା କରିଥିଲେ ।

ଏଥର ଟିଏମସିରୁ ନୀତିଶଙ୍କ ପ୍ରୟାସକୁ ଅଧିକ ଗୁରୁତ୍ୱ ଦିଆଯାଉ ନାହିଁ । ମମତା ବାନାର୍ଜୀଙ୍କ ଦଳ କହିଛି ଯେ, ସେମାନଙ୍କ ନେତା ଏପରି ଚେଷ୍ଟା କରିସାରିଛନ୍ତି । ଏଥର ଆସନ ଅନୁଯାୟୀ ନିଷ୍ପତ୍ତି ନିଆଯାଇଛି । ଅର୍ଥାତ ଟିଏମସି ତରଫରୁ ସ୍ପଷ୍ଟ ସଙ୍କେତ ଦିଆଯାଉଛି ଯେ ନିର୍ବାଚନ ପରେ ହିଁ କୌଣସି ନିଷ୍ପତ୍ତି ନିଆଯିବ ।

ତେବେ ବିରୋଧୀ ଦଳ ତରଫରୁ ଏପରି ଅନେକ ଚେହେରା ଅଛନ୍ତି ଯେଉଁମାନେ ପ୍ରଧାନମନ୍ତ୍ରୀ ପଦ ପାଇଁ ମଜବୁତ ଦାବିଦାର ହୋଇପାରନ୍ତି କିମ୍ବା ସେମାନଙ୍କୁ ପ୍ରଧାନମନ୍ତ୍ରୀ ମେଟେରିଆଲ କୁହାଯାଇପାରେ । କିନ୍ତୁ କାହାର ଦାବି କେତେ ମଜବୁତ ହୋଇପାରେ, ଆମେ ସେମାନଙ୍କ ଦଳର ଭୋଟ୍ ପ୍ରତିଶତର ତଥ୍ୟ ବାହାର କରିଛୁ ।

ରାହୁଲ ଗାନ୍ଧୀ

ଏହା ଏକ ସତ ଯେ କଂଗ୍ରେସ ବର୍ତ୍ତମାନର ସବୁଠାରୁ ଖରାପ ପର୍ଯ୍ୟାୟ ଦେଇ ଗତି କରୁଛି । ୨୦୧୯ର ଝଟକାରୁ ଦଳ ବାହାରି ପାରିନାହିଁ । ନେତା ଓ ଦଳୀୟ କର୍ମୀମାନେ ଜଣେ ମଜବୁତ ଅଧ୍ୟକ୍ଷ ଖୋଜୁଛନ୍ତି । କିନ୍ତୁ ସତକୁ ଅସ୍ୱୀକାର କରାଯାଇପାରିବ ନାହିଁ ଯେ କଂଗ୍ରେସ ହେଉଛି ଦେଶର ଏକମାତ୍ର ଦଳ ଯିଏ ଅତି କମରେ ୨୦୦ଟି ଆସନରେ ବିଜେପିକୁ ସିଧାସଳଖ ଟକ୍କର ଦେଇପାରେ । ଛତିଶଗଡ, ରାଜସ୍ଥାନରେ ଦଳର ସରକାର ଅଛି । ଦକ୍ଷିଣ ରାଜ୍ୟ, କର୍ଣ୍ଣାଟକ, ତାମିଲନାଡୁ, କେରଳ, ଆନ୍ଧ୍ରପ୍ରଦେଶ, ତେଲେଙ୍ଗାନାରେ କଂଗ୍ରେସର ଏକ ଗୁରୁତ୍ୱପୂର୍ଣ୍ଣ ଭୋଟ୍ ବ୍ୟାଙ୍କ ରହିଛି । ଏକମାତ୍ର ସମସ୍ୟା ହେଉଛି କଂଗ୍ରେସ ଏଭଳି ପରିସ୍ଥିତିରେ ଏକୁଟିଆ ବିଜେପିକୁ ଟକ୍କର ଦେଇପାରିବ ନାହିଁ । ଏପରିକି ୟୁପି-ବିହାର ଭଳି ରାଜ୍ୟରେ କଂଗ୍ରେସର ସଂଗଠନ ଅତି ଦୁର୍ବଳ ଅବସ୍ଥାର ଅଛି । ୨୦୧୯ ଲୋକସଭା ନିର୍ବାଚନରେ ​​କଂଗ୍ରେସ ୧୯.୪୯ ପ୍ରତିଶତ ଭୋଟ୍ ପାଇଛି । ଦଳକୁ ୫୨ଟି ଆସନ ମିଳିଛି । ଅନ୍ୟପଟେ ବିଜେପି ୩୭.୩୬ ପ୍ରତିଶତ ଭୋଟ୍ ପାଇ ୩୦୩ଟି ଆସନ ପାଇଛି । ତୃତୀୟ ସ୍ଥାନରେ ମମତା ବାନାର୍ଜୀଙ୍କ ଦଳ ଟିଏମସି ରହିଛି, ​​ଯାହାକୁ ୪.୭ ପ୍ରତିଶତ ଭୋଟ୍ ମିଳିଛି । ବହୁଜନ ସମାଜ ପାର୍ଟି ୪.୦୭ ପ୍ରତିଶତ ଓ ଏସପି ୩.୬୩ ପ୍ରତିଶତ ଭୋଟ୍ ପାଇଛନ୍ତି ।

ଏହା ବି ପଢ଼ନ୍ତୁ:-ଲୋକସଭା ନିର୍ବାଚନରେ ​​'ଖେଲା ହୋବେ', ଦିଲ୍ଲୀର ଗାଦି ଉପରେ ଦିଦିଙ୍କ ନଜର! ମେଣ୍ଟକୁ ନେଇ ଦେଲେ ବଡ଼ ବୟାନ

ଏହା ବି ପଢ଼ନ୍ତୁ:-ରାଣୀ ଏଲିଜାବେଥଙ୍କ ମୃତଦେହକୁ ଆଗାମୀ ୧୦ ଦିନ ପାଇଁ ଦିଆଯିବ ନାହିଁ ସମାଧି, ଜାଣନ୍ତୁ ଅନ୍ତିମ ସଂସ୍କାରର ପୂରା ପ୍ରକ୍ରିୟା

ଏହା ବି ପଢ଼ନ୍ତୁ:-LIC ର କୋଟି କୋଟି ଗ୍ରାହକଙ୍କ ପାଇଁ ଖୁସି ଖବର; ଏଣିକି ଜୀବନ ସାରା ଆକାଉଣ୍ଟରେ ଆସିବ ଟଙ୍କା, ଲଞ୍ଚ ହେଲା ଏହି ଖାସ୍ ପ୍ଲାନ୍

ଶରଦ ପାୱାର

ବିରୋଧୀ ଦଳ ତରଫରୁ ପ୍ରଧାନମନ୍ତ୍ରୀ ପଦର ଦାବିଦାରଙ୍କ ମଧ୍ୟରେ ଶରଦ ପାୱାର ହେଉଛନ୍ତି ବରିଷ୍ଠ ନେତା । ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଶରଦ ପାୱାରଙ୍କର ଦୀର୍ଘ ରାଜନୈତିକ ଅଭିଜ୍ଞତା ରହିଛି । ଅନେକ ଥର ତାଙ୍କ ନାମ ଏହି ପଦ ପାଇଁ ଆସିଛି । ଶରତ ପାୱାର ମମତା ଓ ନୀତିଶଙ୍କ ବହୁ ପୂର୍ବରୁ ବିରୋଧୀଙ୍କ ଏକଜୁଟ ହେବା ବିଷୟରେ କହୁଛନ୍ତି । ମହାରାଷ୍ଟ୍ରରେ ବିଜେପି ଅଧିକ ଆସନ ପାଇବା ପରେ ମଧ୍ୟ ମହା ବିକାଶ ଅଘାଡ଼ି ସରକାର ଗଠନ କରିବାରେ ଶରଦ ପାୱାରଙ୍କ ରଣନୀତି ପ୍ରଭାବଶାଳୀ ଥିଲା । ୨୦୧୯ରେ ଅନୁଷ୍ଠିତ ବିଧାନସଭା ନିର୍ବାଚନରେ ​​ଏନସିପି ୧୬.୭୧ ପ୍ରତିଶତ ଭୋଟ୍ ପାଇଛି । 

ମମତା ବାନାର୍ଜୀ

ଟିଏମସି ନେତା ମମତା ବାନାର୍ଜୀ ଲଗାତାର ତୃତୀୟ ଥର ପାଇଁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ହୋଇଛନ୍ତି । ମମତା ବାନାର୍ଜୀ କମ୍ୟୁନିଷ୍ଟ ଦଳର ଏକ ଅଜେୟ ଗଡ଼କୁ ଧ୍ୱସ୍ତ କରିଛନ୍ତି, ପଶ୍ଚିମବଙ୍ଗରେ ବାମପନ୍ଥୀମାନେ ୩୫ ବର୍ଷ ଧରି କ୍ଷମତାରେ ଥିଲେ । ମମତା ବାନାର୍ଜୀଙ୍କ ଦଳ ଟିଏମସିର ଭୋଟ୍ ପ୍ରତିଶତ ୨୦୨୧  ବିଧାନ ସଭା ନିର୍ବାଚନରେ ​୪୭ ପ୍ରତିଶତରୁ ଅଧିକ ଥିଲା । ଏହାସହ ଦଳ ୨୧୩ଟି ଆସନ ଜିତିଛି । ଏହି ରାଜ୍ୟରେ ବିଜେପି ୩୮.୧ ପ୍ରତିଶତ ଭୋଟ୍ ପାଇଛି । କଂଗ୍ରେସ ୨.୯୪ ପ୍ରତିଶତ ଭୋଟ ପାଇଥିବାବେଳେ ବାମପନ୍ଥୀମାନେ ୪ ପ୍ରତିଶତ ପାଇଛନ୍ତି । 

ନୀତିଶ କୁମାର

ଜେଡିୟୁ ନେତା ନୀତିଶ କୁମାର ତିନିଥର ବିହାରର ସିଏମ ଅଛନ୍ତି । ତେବେ ତାଙ୍କ ଦଳ ଏକାକି ସରକାର ଗଠନ କରିବାରେ ସକ୍ଷମ ନୁହେଁ । ୮ ଥର ସିଏମ ଭାବରେ ଶପଥ ଗ୍ରହଣ କରିଥିବା ନୀତିଶ କୁମାରଙ୍କୁ ବିଜେପି ଓ ବେଳେବେଳେ ଆରଜେଡି ସାହାଯ୍ୟ ନେବାକୁ ପଡିଛି । ୨୦୨୦ ବିଧାନସଭା ନିର୍ବାଚନରେ ​​JDU ର ଭୋଟ୍ ପ୍ରତିଶତ ୧୫.୪ ପ୍ରତିଶତ ଥିଲା । ନୀତିଶ କୁମାରଙ୍କୁ ବର୍ତ୍ତମାନ ଆରଜେଡି ଓ କଂଗ୍ରେସର ସମର୍ଥନ ମିଳିଛି । 

କେ ଚନ୍ଦ୍ରଶେଖର ରାଓ ବା KCR

ତେଲେଙ୍ଗାନା ମୁଖ୍ୟମନ୍ତ୍ରୀ କେସିଆର ମଧ୍ୟ ନିଜକୁ ପ୍ରଧାନମନ୍ତ୍ରୀ ପଦର ଦାବିଦାର ବୋଲି ମନେ କରନ୍ତି । ସେପ୍ଟେମ୍ବର ୫ରେ ଯେତେବେଳେ ନୀତିଶ କୁମାର ଦିଲ୍ଲୀରେ ବିରୋଧୀ ଦଳର ନେତାମାନଙ୍କୁ ଭେଟିଥିଲେ, କେସିଆର ଏକ ରାଲିରେ ଘୋଷଣା କରିଛନ୍ତି ଯେ ଯଦି କେନ୍ଦ୍ରରେ ଏକ ଅଣ-ବିଜେପି ସରକାର ଗଠନ ହୁଏ, ତେବେ ଦେଶର କୃଷକମାନଙ୍କୁ ବିଦ୍ୟୁତ ଓ ଜଳ ମାଗଣାରେ ଦିଆଯିବ । ସାଧାରଣତଃ ପ୍ରଧାନମନ୍ତ୍ରୀ ପଦ ପାଇଁ ଘୋଷିତ ପ୍ରାର୍ଥୀମାନେ ଏହିପରି ଘୋଷଣା କରନ୍ତି ।  ୨୦୧୮ ତେଲେଙ୍ଗାନା ବିଧାନସଭା ନିର୍ବାଚନରେ କେସିଆରଙ୍କ ଦଳ ​​ଟିଆରଏସ ୪୬.୯ ପ୍ରତିଶତ ଭୋଟ, କଂଗ୍ରେସ ୨୮.୪ ପ୍ରତିଶତ ଭୋଟ ପାଇଥିଲା । ତେବେ ୨୦୧୯ ଲୋକସଭା ନିର୍ବାଚନରେ ​​ବିଜେପି ନିଜର ଭୋଟ୍ ପ୍ରତିଶତକୁ ୧୯ ପ୍ରତିଶତରୁ ଅଧିକ ବୃଦ୍ଧି କରିଛି ।