Success Story: ମାତ୍ର ୨୪ ବର୍ଷ ବୟସରେ UPSC ପାଇଥିଲେ ଏହି ସୁନ୍ଦରୀ, ଜାଣନ୍ତୁ ସଫଳତାର କାହାଣୀ

ଦେଶର କନିଷ୍ଠ ଆଇଏଏସ୍ ଅଧିକାରୀ ଐଶ୍ୱର୍ଯ୍ୟା ରାମନାଥନ୍ ୨୦୧୯ ମସିହାରେ UPSC ପରୀକ୍ଷାରେ କୃତକାର୍ଯ୍ୟ ହୋଇଥିଲେ । ପରୀକ୍ଷାରେ ୪୭ ତମ ରାଂକ୍ ପାଇଥିଲେ ଐଶ୍ୱର୍ଯ୍ୟା ।  ସେହି ସମୟରେ ଐଶ୍ୱର୍ଯ୍ୟାଙ୍କୁ ମାତ୍ର ୨୪ ବର୍ଷ ବୟସ ହୋଇଥିଲା। ବର୍ତ୍ତମାନ ସେ ତାମିଲନାଡୁର ତିରୁଭାଲୁରରେ ଅବସ୍ଥିତ ପୋନେରୀର ସବ୍-କଲେକ୍ଟର (SDM) ଭାବରେ କାର୍ଯ୍ୟରତ ଅଛନ୍ତି । ଆଇଏଏସ୍ ହେବା ପାଇଁ ଐଶ୍ୱର୍ଯ୍ୟାଙ୍କର ପିଲାଦିନରୁ ସ୍ୱପ୍ନ ଥିଲା । ଏଥିପାଇଁ ତାଙ୍କ ମାଆ ତାଙ୍କୁ ପ୍ରେରଣା ଦେଇଥିଲେ।

ଐଶ୍ୱର୍ଯ୍ୟାଙ୍କ ମାଆ ଖୁବ୍ କମ୍ ବୟସରେ ବିବାହ କରିଥିଲେ। ଯେତେବେଳେ ଐଶ୍ୱର୍ଯ୍ୟା କଲେଜରେ ପଢୁଥିଲେ, ସେତେବେଳେ ତାଙ୍କ ମାଆ ଏକ ସରକାରୀ ଚାକିରି ପାଇଥିଲେ। ସେଥିପାଇଁ ସେ ଚାହୁଁଥିଲେ ଯେ ତାଙ୍କ ଝିଅ କଲେକ୍ଟର ହୋଇ ସୁନାମ ଅର୍ଜନ କରନ୍ତୁ । ସେଥିପାଇଁ, ସେ ସର୍ବଦା ଐଶ୍ୱର୍ଯ୍ୟାଙ୍କୁ IAS ହେବାକୁ ପ୍ରେରଣା ଦେଇଥିଲେ ।

ଐଶ୍ୱର୍ଯ୍ୟାଙ୍କ ଘର କୋଡଡାଲୋରର । ଅଞ୍ଚଳଟି ଉପକୂଳବର୍ତ୍ତୀ ହୋଇଥିବାରୁ ପିଲାଦିନରୁ ସେ ବନ୍ୟା, ଘୂର୍ଣ୍ଣିବଳୟ ଏବଂ ପ୍ରବଳ ବର୍ଷା ପରି ଅନେକ ପ୍ରାକୃତିକ ବିପର୍ଯ୍ୟୟ ଦେଖି ବଡ଼ ହୋଇଥିଲେ । ତେବେ ୨୦୦୪ ରେ ହୋଇଥିବା ସୁନାମି ତାଙ୍କ ଜୀବନକୁ ବଦଳାଇ ଦେଇଥିଲା। ଏହି ସମୟ ମଧ୍ୟରେ ଐଶ୍ୱର୍ଯ୍ୟା ତତ୍କାଳୀନ କଲେକ୍ଟର ଗଗନଦୀପ ସିଂ ବେଦୀ କାମ କରୁଥିବା ଦେଖିଥିଲେ। ତାଙ୍କ ଦ୍ୱାରା ସେ ବହୁତ ପ୍ରଭାବିତ ହୋଇଥିଲେ ।

୨୦୧୭ରେ  ଐଶ୍ୱର୍ଯ୍ୟା ଚେନ୍ନାଇର ଆନ୍ନା ବିଶ୍ୱବିଦ୍ୟାଳୟରୁ ଇଞ୍ଜିନିୟରିଂ ଡିଗ୍ରୀ ହାସଲ କରିଥିଲେ। ସେ ତାଙ୍କ କଲେଜ ସମୟରୁ UPSC ପରୀକ୍ଷା ପାଇଁ ପ୍ରସ୍ତୁତି ଆରମ୍ଭ କରିଥିଲେ । IAS ହେବା ପାଇଁ ସେ UPSC କୋଚିଂ ମଧ୍ୟ ନେଇଥିଲେ । ଐଶ୍ୱର୍ଯ୍ୟା ପ୍ରଥମ ପ୍ରୟାସରେ UPSC ପରୀକ୍ଷାରେ ସଫଳତା ପାଇଥିଲେ ।

ଐଶ୍ୱର୍ଯ୍ୟା ତାଙ୍କର ପ୍ରଥମ ପ୍ରୟାସରେ UPSC ପାଇଥିଲେ ମଧ୍ୟ ତାଙ୍କର ରାଂକ୍ ଥିଲା ୬୩୦ । ଏହି କାରଣରୁ ତାଙ୍କୁ ରେଳ ଆକାଉଣ୍ଟସ୍ ସେବା ମିଳିଥିଲା । ତେଣୁ ସେ ୨୦୧୯ ରେ ଦ୍ୱିତୀୟ ଥର ପାଇଁ UPSC ସିଭିଲ ସର୍ଭିସେସ୍ ପରୀକ୍ଷା ଦେଇଥିଲେ । ପରୀକ୍ଷାର ଫଳ ବାହାରିବା ପରେ ସେ ୪୭ ରାଂକରେ କୃତକାର୍ଯ୍ୟ ହୋଇଥିବା ଜାଣିବାକୁ ପାଇଥିଲେ । ସୋସିଆଲ ମିଡିଆ ପ୍ଲାଟଫର୍ମ ଇନଷ୍ଟାଗ୍ରାମରେ ଆଇଏଏସ୍ ଐଶ୍ୱର୍ଯ୍ୟା ରାମନାଥନ୍ ମଧ୍ୟ ବହୁତ ଆକ୍ଟିଭ୍ ରୁହନ୍ତି । ଇନଷ୍ଟାରେ ସେ ନିଜର ଫଟୋ ମଧ୍ୟ ସେୟାର କରନ୍ତି । ଇନଷ୍ଟାଗ୍ରାମରେ ତାଙ୍କର ଏକ ଲକ୍ଷ ୧୬ ହଜାର ଫଲୋଅର୍ସ ଅଛନ୍ତି । ପ୍ରସିଦ୍ଧ ଆଇଏଏସ୍ ଅଧିକାରୀ ଟିନା ଡାବି ଏବଂ ତାଙ୍କ ଭଉଣୀ ଆଇଏଏସ୍ ରିଆ ଡାବି ମଧ୍ୟ ଇନଷ୍ଟାଗ୍ରାମରେ ତାଙ୍କୁ ଅନୁସରଣ କରିଛନ୍ତି।