ଇତିହାସରେ ପ୍ରଥମ ଥର ପାଇଁ ଆମେରିକା ନେଲା ଭାରତ ପାଇଁ ବଡ଼ ପଦକ୍ଷେପ, ଚୀନର ବଢ଼ିଲା ଟେନସନ୍

ନୂଆଦିଲ୍ଲୀ: Charles Drew: ତାଇୱାନ (Taiwan) ବର୍ତ୍ତମାନ ଚୀନ (China) ର ଯୁଦ୍ଧ ଜାହାଜ ଦ୍ୱାରା ଚତୁର୍ଦ୍ଦିଗରେ ଘେରି ରହିଛି । କିନ୍ତୁ ଏହା ମଧ୍ୟରେ ଆମେରିକା (America) ଏକ ବଡ଼ ନିଷ୍ପତ୍ତି ନେଇଛି । ଆମେରିକା ନିଜର ଗୋଟିଏ ଯୁଦ୍ଧ ଜାହାଜ (US Navy ship) କୁ ଭାରତ (India) ଉପକୂଳକୁ ପଠାଇଛି । ଇତିହାସରେ ଏହା ପ୍ରଥମ ଥର ପାଇଁ ଆମେରିକା ଏତେ ବଡ଼ ପଦକ୍ଷେପ ନେଇଛି । ପ୍ରତିରକ୍ଷା କ୍ଷେତ୍ରରେ ଆତ୍ମନିର୍ଭରଶୀଳତା ସହିତ ମେକ୍ ଇନ୍ ଇଣ୍ଡିଆ ଦିଗକୁ ଅଗ୍ରସର ହୋଇ ଭାରତ ବର୍ତ୍ତମାନ ଆମେରିକାର ନୌସେନାର ଯୁଦ୍ଧ ଜାହାଜ ଚାର୍ଲ୍ସ ଡ୍ରେଭ୍ (Charles Drew) ର ମରାମତି ସହିତ ଅନ୍ୟାନ୍ୟ ସର୍ଭିସ କରିବ । 

ଆମେରିକାର ନୌସେନାର ଏହି ଜାହାଜ ମରାମତି ପାଇଁ ରବିବାର ଚେନ୍ନାଇର କଟୁପାଲ୍ଲୀ ସ୍ଥିତ ଏଲ୍ଆଣ୍ଡଟିର ଜାହାଜ କାରଖାନାରେ ପହଞ୍ଚିଛି । ଏହା ଦୁଇ ଦେଶ ମଧ୍ୟରେ ପ୍ରତିରକ୍ଷା ସମ୍ପର୍କକୁ ଏକ ନୂଆ ଦିଗ ଯୋଡ଼ିବ । ଆମେରିକାର ନୌସେନାର ଜାହାଜକୁ ମରାମତି କରିବା ପାଇଁ ଭାରତ ଆସିବାର ମହତ୍ତ୍ୱକୁ ଏଥିରୁ ଜାଣିହେବ ଯେ ପ୍ରତିରକ୍ଷା ସଚିବ ଡକ୍ଟର ଅଜୟ କୁମାର, ନୌସେନା ଉପ ପ୍ରମୁଖ ଭାଇସ୍-ଆଡମିରାଲ ଏସ.ଏନ ଘୋରମଣ୍ଡେ, ତାମିଲନାଡୁର କମାଣ୍ଡିଂ ଫ୍ଲାଗ ଅଫିସର ଏବଂ ପୁଡୁଚେରୀ ନାଭାଲ ଏରିଆ ରିୟର ଆଡମିରାଲ ଏସ ଭେଙ୍କଟାରମନ ଏବଂ ପ୍ରତିରକ୍ଷା ମନ୍ତ୍ରଣାଳୟର ଅନ୍ୟ ବରିଷ୍ଠ ଅଧିକାରୀମାନେ ଚାର୍ଲ୍ସ ଡ୍ରେଭ୍ର  ସ୍ୱାଗତ କରିବା ପାଇଁ ଏଲ୍ ଆଣ୍ଡ ଟି ସିପିୟାର୍ଡରେ ଉପସ୍ଥିତ ଥିଲେ ।

ଚେନ୍ନାଇରେ ଥିବା ଆମେରିକାର କନସୁଲ୍ ଜେନେରାଲ୍ ଜୁଡିଥ୍ ରବିନ୍ ଓ ଡିଫେନ୍ସ ଆଟାଚେ ରିୟର ଆଡମିରାଲ୍ ମାଇକେଲ୍ ବେକର୍ ମଧ୍ୟ ଏହି ଅବସରରେ ଉପସ୍ଥିତ ଥିଲେ । ପ୍ରଥମ ଥର ପାଇଁ ଭାରତରେ ଆମେରିକାର ନୌସେନା ଜାହାଜ ମରାମତି ହେବ । ଆମେରିକାର ନୌସେନା ଜାହାଜର ରକ୍ଷଣାବେକ୍ଷଣ ପାଇଁ L&T ର ଜାହାଜ ସିପିୟାର୍ଡକୁ ଚୁକ୍ତି କରିଥିଲା ​​। ଏଠାରେ ଆମେରିକାର ନୌସେନାର ଜାହାଜର ଆଗମନ ବୈଶ୍ୱିକ ଜାହାଜ ମରାମତି ବଜାରରେ ଭାରତର ଜାହାଜ କାରଖାନାର କ୍ଷମତାକୁ ଦର୍ଶାଇଥାଏ ।

ଏହା ବି ପଢ଼ନ୍ତୁ:-ପୁଣି ଡରାଇଲାଣି କୋରୋନା: ରାଜଧାନୀରେ ଦିନକରେ କୋଭିଡ୍ ମାମଲାରେ ବଡ଼ ଧରଣର ବୃଦ୍ଧି, ପଜିଟିଭ ରେଟ୍ ୧୫ ପ୍ରତିଶତରୁ ଅଧିକ

ଏହା ବି ପଢ଼ନ୍ତୁ:-ଏଣିକି ବିନା ଇଣ୍ଟରନେଟ ଓ ସ୍ମାର୍ଟଫୋନରେ ପଠାଇପାରିବେ ଟଙ୍କା, ଜାଣନ୍ତୁ ସଂପୂର୍ଣ୍ଣ ପ୍ରକ୍ରିୟା

ଏହା ବି ପଢ଼ନ୍ତୁ:-ନୀତିଶ କୁମାରଙ୍କ ସହ ସରକାର ଗଢ଼ିବାକୁ ନେଇ ଆରଜେଡି ଦେଲା ବଡ଼ ବୟାନ, ଜାଣନ୍ତୁ କ'ଣ କହିଲା

ଏହି ଅବସରରେ ପ୍ରତିରକ୍ଷା ସଚିବ ଚାର୍ଲ୍ସ ଡ୍ରେଭଙ୍କୁ ସ୍ୱାଗତ କରି କହିଛନ୍ତି ଯେ, ମରାମତି ଓ ସେବା ପାଇଁ ଆମେରିକୀୟ ଜାହାଜଗୁଡ଼ିକର ଆଗମନ କେବଳ ଭାରତୀୟ ଜାହାଜ ନିର୍ମାଣ ଶିଳ୍ପ ପାଇଁ ନୁହେଁ, ଭାରତ-ଆମେରିକା ପ୍ରତିରକ୍ଷା ସମ୍ପର୍କ ପାଇଁ ମଧ୍ୟ ଏକ ରେଡ୍ ଲେଟର ଦିନ ହେବ । ଭାରତ ଓ ଆମେରିକା ମଧ୍ୟରେ ରଣନୀତିକ ଭାଗିଦାରୀକୁ ଆଗକୁ ନେବା ଓ ଆମର ଗଭୀର ଯୋଗଦାନ ପାଇଁ ଏହା ଏକ ନୂତନ ଅଧ୍ୟାୟର ଆରମ୍ଭର ପ୍ରତୀକ ।