ଚାଷୀଙ୍କୁ ମିଳିବ ୩୬୦୦୦ ଟଙ୍କା, ଆଜି ହିଁ ପଞ୍ଜିକରଣ କରି ମାଗଣାରେ ଉଠାନ୍ତୁ 'ମାନଧନ ଯୋଜନା'ର ଲାଭ

ନୂଆଦିଲ୍ଲୀ: PM Kisan Maan-Dhan Yojana: କୃଷକ (Farmers) ହେଉଛନ୍ତି ଦେଶର ମେରୁଦଣ୍ଡ । ଏହାକୁ ଦୃଷ୍ଟିରେ ରଖି ସରକାର ନିରନ୍ତର କୃଷକ ଅନୁକୂଳ ଯୋଜନା କାର୍ଯ୍ୟକାରୀ କରୁଛନ୍ତି । ମୋଦି ସରକାର (Modi Govt) ନିଜର ପ୍ରଥମ କାର୍ଯ୍ୟକାଳରେ ପ୍ରଧାନମନ୍ତ୍ରୀ କିସାନ ସମ୍ମାନ ନିଧି ଯୋଜନା (PM Kisan Samman Nidhi Scheme) ଆରମ୍ଭ କରିଥିଲେ । ବର୍ତ୍ତମାନ ୧୧.୫ କୋଟି କୃଷକ ଏହି ଯୋଜନାରେ ପଞ୍ଜୀକରଣ କରି ଏହି ଯୋଜନା ଅନ୍ତର୍ଗତ ବାର୍ଷିକ ୬୦୦୦ ଟଙ୍କାର ଲାଭ ଉଠାଉଛନ୍ତି । ଏଥି ସହିତ କୃଷକମାନେ ବାର୍ଦ୍ଧକ୍ୟ ବୟସରେ ବାର୍ଷିକ ୩୬୦୦୦ ଟଙ୍କା ପେନସନ ପାଇଥାନ୍ତି । ଆୟ ପରିଚାଳନା ପାଇଁ ସରକାର ପ୍ରଧାନମନ୍ତ୍ରୀ କିସାନ ମାନଧନ ଯୋଜନା (Pradhan Mantri Kisan Maan-Dhan Yojana) ଆରମ୍ଭ କରିଛନ୍ତି । ଏହା ଅଧୀନରେ କୃଷକମାନେ ୩୦୦୦ ଟଙ୍କା କିମ୍ବା ୩୬୦୦ ଟଙ୍କାର ଆର୍ଥିକ ଲାଭ ପାଆନ୍ତି ।

ଚଳିତ ବର୍ଷ ଜାନୁୟାରୀ ୧ ସୁଦ୍ଧା ୨୧,୧୦,୨୦୭ ଜଣ ଚାଷୀ ପେନସନ ଯୋଜନା ଅନ୍ତର୍ଗତ ପଞ୍ଜିକୃତ ହୋଇଛନ୍ତି । ୨ ହେକ୍ଟର କିମ୍ବା ୫ ଏକର ପର୍ଯ୍ୟନ୍ତ ଚାଷ ଜମି ଥିବା ସମସ୍ତ ୧୨ କୋଟି ଚାଷୀଙ୍କୁ ସରକାର ଏହାର ସୁବିଧା ଦେବାକୁ ଯୋଜନା କରିଛନ୍ତି । ୧୮ ବର୍ଷ ବୟସରେ ଏହି ଯୋଜନାରେ ସାମିଲ ହେଉଥିବା ଚାଷୀଙ୍କୁ ମାସିକ ୫୫ ଟଙ୍କା କିସ୍ତି ଦେବାକୁ ପଡିବ ଏବଂ ୪୦ ବର୍ଷ ବୟସରେ ଏହି ଯୋଜନାକୁ ଆସୁଥିବା ଚାଷୀଙ୍କୁ ମାସିକ ୨୦୦ ଟଙ୍କା କିସ୍ତି ଦେବାକୁ ହେବ । ସେମାନଙ୍କ ଯୋଗଦାନର ସମାନ ହିଁ ସରକାର ତରଫରୁ ଯୋଗଦାନ କରାଯିବ ।

ମାନଧନ ଯୋଜନା କ’ଣ?

ଏହା ୧୮ ରୁ ୪୦ ବର୍ଷ ବୟସର ଚାଷୀଙ୍କ ପାଇଁ ଏକ ସ୍ବେଚ୍ଛାକୃତ ଏବଂ ଯୋଗଦାନ ଆଧାରିତ ପେନସନ ଯୋଜନା । ଏହି ପେନସନ ଯୋଜନା ଅନୁଯାୟୀ, ପ୍ରଥମ ପର୍ଯ୍ୟାୟରେ ୫ କୋଟି ଚାଷୀଙ୍କୁ ୬୦ ବର୍ଷ ପୂରଣ କରିବା ପରେ ପ୍ରତି ମାସରେ ୩୦୦୦ ଟଙ୍କା ପେନସନ ଦିଆଯିବ । ୨ ହେକ୍ଟର କିମ୍ବା ୫ ଏକର ପର୍ଯ୍ୟନ୍ତ ଚାଷଜମି ଥିବା ସମସ୍ତ ୧୨ କୋଟି ଚାଷୀଙ୍କୁ ସରକାର ଏହାର ସୁବିଧା ଦେବାକୁ ଯୋଜନା କରିଛନ୍ତି ।

ଯଦି କୃଷକମାନେ ପ୍ରଧାନମନ୍ତ୍ରୀ ସମ୍ମାନ ନିଧିରେ ପଞ୍ଜୀକୃତ ହୋଇଛନ୍ତି ଏବଂ ସେମାନେ ଏହି ଯୋଜନାର ଲାଭ ପାଉଛନ୍ତି । ତେବେ ମାନଧନ ଯୋଜନା ପାଇଁ ଏହିପରି କୃଷକମାନଙ୍କୁ ପୃଥକ ପଞ୍ଜୀକରଣ କରିବାର କୌଣସି ଆବଶ୍ୟକତା ନାହିଁ । ଏହି କୃଷକମାନେ ବାର୍ଷିକ ୩୬ ହଜାର ଟଙ୍କା ପେନସନ୍ ସ୍କିମ୍ ମାଗଣାରେ ପାଇପାରିବେ । ସରକାର ଆପଣଙ୍କଠାରୁ କୌଣସି କାଗଜ ମାଗିବେ ନାହିଁ । ଏହି ଯୋଜନା ଆପଣଙ୍କ ବୃଦ୍ଧାବସ୍ଥା ପାଇଁ ଏକ ବଡ଼ ସାହାରା ହେବ । କେନ୍ଦ୍ର କୃଷି ମନ୍ତ୍ରଣାଳୟ ଏଭଳି ବ୍ୟବସ୍ଥା କରିଛି ଯେ ପ୍ରଧାନମନ୍ତ୍ରୀ କିଷାନ ଯୋଜନାରୁ ମିଳିଥିବା ୬୦୦୦ ଟଙ୍କା ମଧ୍ୟରୁ ଏହି ଅର୍ଥ ସିଧାସଳଖ ମାନଧନ ଯୋଜନା ପାଇଁ ମଧ୍ୟ କଟାଯିବ । ଚାଷୀଙ୍କୁ ପକେଟରୁ ଖର୍ଚ୍ଚ କରିବାକୁ ପଡିବ ନାହିଁ । ଏହି ଲୋକମାନେ ଚାହିଁଲେ ପ୍ରିମିୟମ ଦେବାକୁ ଏକ ନୂତନ ବିକଳ୍ପ ବାଛିପାରିବେ । ଯେଉଁଥିରେ ପ୍ରିମିୟମ ପିଏମ କିସାନ ସମ୍ମାନ ନିଧି ରାଶିରୁ କଟାଯିବ ।

ଯୋଜନାର ଖାସ୍ କଥା

ଏହାର ସର୍ବନିମ୍ନ ପ୍ରିମିୟମ୍ ୫୫ରୁ ୨୦୦ ଟଙ୍କା ମଧ୍ୟରେ ରହିଛି ।

ଯଦି ପଲିସିଧାରୀ କୃଷକଙ୍କ ମୃତ୍ୟୁ ଘଟେ, ତା’ହେଲେ ତାଙ୍କ ପତ୍ନୀଙ୍କୁ ୫୦ ପ୍ରତିଶତ ଅର୍ଥାତ ମାସିକ ୧୫୦୦ ଟଙ୍କା ମିଳିବା ଜାରି ରହିବ ।

ଯେତିକି ପ୍ରିମିୟମ ଚାଷୀ ଦିଅନ୍ତୁ, ସେଥିକି ହିଁ କେନ୍ଦ୍ର ସରକାର ଦେବେ ।

ଯଦି କେହି ପଲିସି ମଝିରେ ଛାଡିବାକୁ ଚାହାଁନ୍ତି, ତେବେ ଜମା ହୋଇଥିବା ଟଙ୍କା ଏବଂ ଏହାର ସରଳ ସୁଧ ମିଳିବ ।

ପଞ୍ଜୀକରଣ ପାଇଁ କୌଣସି ଶୁଳ୍କର ଆବଶ୍ୟକତା ନାହିଁ ।

ଅଧିକ ପଢ଼ନ୍ତୁ:-ଅରୁଣାଚଳ ପ୍ରଦେଶରେ ଆମେରିକାର ଏହି ପ୍ଲାନରୁ ବଢ଼ିବ ଚୀନ ଓ ଭାରତ ମଧ୍ୟରେ ବିବାଦ!

ଅଧିକ ପଢ଼ନ୍ତୁ:-'ଏପରିକି ମୋଦିଜୀ ବି ଶେଷ କରିପାରିବେ ନାହିଁ ମୋର କ୍ୟାରିୟର', ଜାଣନ୍ତୁ ଏମିତି କାହିଁକି କହିଲେ ବିଜେପି ରାଷ୍ଟ୍ରୀୟ ସଚିବ ପଙ୍କଜା ମୁଣ୍ଡେ

ଅଧିକ ପଢ଼ନ୍ତୁ:-ରାଜଧାନୀରେ ପୁଣି ଖସିଲା ପେଟ୍ରୋଲ-ଡିଜେଲ ଦର, ଗାଡ଼ିରେ ତେଲ ଭରିବା ପୂର୍ବରୁ ଚେକ୍ କରନ୍ତୁ ଆଜିର ରେଟ୍

କିପରି କରିବେ ପଞ୍ଜିକରଣ 

ପେନସନ ଯୋଜନାର ଲାଭ ନେବାକୁ ହେଲେ ସାଧାରଣ ସେବା କେନ୍ଦ୍ରରେ ପଞ୍ଜୀକରଣ କରିବାକୁ ପଡ଼ିବ ।

ସମସ୍ତଙ୍କ ପାଇଁ ଆଧାର କାର୍ଡ ଦେବା ଜରୁରୀ ଅଟେ ।

୨ କପି ଫଟୋ ଏବଂ ବ୍ୟାଙ୍କ ପାସବୁକ୍ ମଧ୍ୟ ଆବଶ୍ୟକ ହେବ ।

ପଞ୍ଜୀକରଣ ସମୟରେ କିସାନ ପେନସନ ୟୁନିକ୍ ନମ୍ବର ଏବଂ ପେନସନ କାର୍ଡ ତିଆରି କରାଯିବ ।