Vastu Shastra: ଘରେ ଏହି ୫ଟି ଜିନିଷ କେବେ ବି କରନ୍ତୁନି ଖାଲି, ନଚେତ୍ ମାଡ଼ିଆସିବ ଦାରିଦ୍ର୍ୟର ଦିନ

Vastu Shastra: ଯଦି ଆପଣଙ୍କ ଭଲ ଦିନ ହଠାତ୍ ଖରାପ ଦିନରେ ପରିଣତ ହେଉଛି, ତେବେ ନିଜ ଘରର ଜିନିଷ ପ୍ରତି ଧ୍ୟାନ ଦିଅନ୍ତୁ। ଅନେକ ସମୟରେ ଘରେ ଏମିତି କିଛି ଜିନିଷ ଥାଏ, ଯାହା ଖାଲି ହେଲେ ଖରାପ ପ୍ରଭାବ ପକାଇବା ଆରମ୍ଭ କରିଦିଏ । ବାସ୍ତୁଶାସ୍ତ୍ର ଅନୁସାରେ ଘରେ ରଖାଯାଇଥିବା ଖାଲି ଜିନିଷ ଆପଣଙ୍କ ପ୍ରଗତି ଉପରେ ପ୍ରତିକୂଳ ପ୍ରଭାବ ପକାଇଥାଏ। ଅନେକ ସମୟରେ ଛୋଟଛୋଟ ଜିନିଷ ଦ୍ୱାରା ବ୍ୟକ୍ତିର ଭାଗ୍ୟ ଖରାପ ହୋଇଯାଏ ଏବଂ ଏହା ଧୀରେ ଧୀରେ ଦାରିଦ୍ର୍ୟତାର କାରଣ ହୋଇଥାଏ । ଏହିସବୁ ଜିନିଷ ଜୀବନରେ ନକାରାତ୍ମକତା ଆଣିଥାଏ ଏବଂ ଗୋଟିଏ ପରେ ଗୋଟିଏ ନୂଆ ସଙ୍କଟ ଆସିବା ଆରମ୍ଭ ହୋଇଥାଏ । 

ବାସ୍ତୁଶାସ୍ତ୍ର ଅନୁସାରେ ଘରେ ଥିବା ରାସନ ବା ଶସ୍ୟ ଜାତୀୟ ଖାଦ୍ୟକୁ କେବେ ବି ଶେଷ ହେବା ଯାଏଁ ଅପେକ୍ଷା କରନ୍ତୁ ନାହିଁ। ଯଦି ଏହା ଖାଲି ହେଉଛି, ତେବେ ଏହାକୁ ଆଗୁଆ ଭରି ଦିଅନ୍ତୁ, ଯାହା ଦ୍ୱାରା ଏହା ଆପଣଙ୍କ ଅଭିବୃଦ୍ଧିରେ ବାଧା ସୃଷ୍ଟି କରିବ ନାହିଁ । ଖାଦ୍ୟ ମହଜୁଦ ରହିବା ଦ୍ୱାରା ଜୀବନରେ ସକାରାତ୍ମକ ଶକ୍ତି ଆସିଥାଏ ଏବଂ ଆପଣଙ୍କ ସମୃଦ୍ଧି ବଢିଥାଏ । ମା'ଅନ୍ନପୂର୍ଣ୍ଣା ଧନ, ଐଶ୍ୱର୍ଯ୍ୟ ଓ ସୌଭାଗ୍ୟର ଦେବୀ ଅଟନ୍ତି । ପ୍ରତିଦିନ ପୂଜା କରିବା ଦ୍ୱାରା ଘରର ଭଣ୍ଡାର କେବେ ଖାଲି ହୋଇନଥାଏ ।

ବାସ୍ତୁ ବିଜ୍ଞାନ ଅନୁସାରେ ବାଥରୁମରେ କେବେ ବି ଖାଲି ବାଲଟି ରଖିବା ଉଚିତ ନୁହେଁ । ବାଥରୁମରେ ରଖାଯାଇଥିବା ଖାଲି ବାଲଟି ନକାରାତ୍ମକ ଶକ୍ତି ଆଣିଥାଏ, ଯାହା ଅନେକ ସମସ୍ୟା ସୃଷ୍ଟି କରିଥାଏ । ଯଦି ଆପଣ ବାଲଟି ବ୍ୟବହାର କରୁନାହାଁନ୍ତି ତେବେ ସବୁବେଳେ ଏଥିରେ ପାଣି ଭରି ରଖନ୍ତୁ । ଏହା ସହ ସବୁବେଳେ ଧ୍ୟାନ ରଖିବା ଉଚିତ ଯେ କଳା କିମ୍ବା ଭଙ୍ଗା ବାଲଟି ବ୍ୟବହାର କରନ୍ତୁ ନାହିଁ । ଗାଧୋଇବାରେ ନୀଳ ବାଲଟି ବ୍ୟବହାର କରନ୍ତୁ, ବାଲଟି ବ୍ୟବହାର ନହେଲେ ବି ସେଥିରେ ପାଣି ଭରିଦିଅନ୍ତୁ, ଖାଲି ରଖନ୍ତୁ ନାହିଁ।

ଅଧିକାଂଶ ଘରେ ପୂଜାସ୍ଥାନ ରହିଥାଏ ଏବଂ ପୂଜା ସମ୍ବନ୍ଧୀୟ ଜିନିଷ ଯଥା ଜଳ ପାତ୍ର, ଘଣ୍ଟି ଇତ୍ୟାଦି ରହିଥାଏ । ବାସ୍ତୁଶାସ୍ତ୍ର ଅନୁସାରେ ପୂଜା ଘରେ ରଖାଯାଇଥିବା ପାଣି ପାତ୍ରକୁ କେବେ ବି ଖାଲି ରଖିବା ଉଚିତ ନୁହେଁ। ପୂଜା କରିବା ପରେ ପାଣି ପାତ୍ରରେ ପାଣି ଭରି ସେଥିରେ କିଛି ଗଙ୍ଗା ଜଳ ଓ ତୁଳସୀ ପତ୍ର ପକାଇ ଦିଅନ୍ତୁ। ବିଶ୍ୱାସ କରାଯାଏ ଯେ ଭଗବାନଙ୍କୁ ମଧ୍ୟ ତୃଷ୍ଣା ଲାଗେ । ପୂଜା କକ୍ଷରେ ଏଭଳି ପାଣି ଭର୍ତ୍ତି ପାତ୍ର ରହିଲେ ଭଗବାନ ଙ୍କୁ ତୃଷ୍ଣା ଲାଗେ ନାହିଁ ଏବଂ ସନ୍ତୁଷ୍ଟ ରହନ୍ତି । ଏହା ଦ୍ୱାରା ଘରେ ସୁଖ ସମୃଦ୍ଧି ରହିଥାଏ ଏବଂ ସକାରାତ୍ମକ ଶକ୍ତିର ସଞ୍ଚାର ହୋଇଥାଏ । ଏଥିସହିତ ଖାଲି ପାଣି ପାତ୍ର ଘର ଓ ଜୀବନ ଉପରେ ନକାରାତ୍ମକ ପ୍ରଭାବ ପକାଇଥାଏ, ଯାହା ଆର୍ଥିକ ସଙ୍କଟ ମଧ୍ୟ ସୃଷ୍ଟି କରିଥାଏ।

ସର୍ବଦା ମନେ ରଖିବା ଉଚିତ ଯେ ଘରର ଟ୍ରେଜେରୀ ବା ପର୍ସ କେବେ ବି ଖାଲି ରଖିବା କଥା ନୁହେଁ । ସବୁବେଳେ ଅଳ୍ପ ଟଙ୍କା ରଖିବା ଉଚିତ୍ । ଖାଲି ଥିବା ସେଲଫ୍ କିମ୍ବା ପର୍ସ ଦରିଦ୍ରତାର କାରଣ ହୋଇଥାଏ। ତେଣୁ ମନେ ରଖିବା ଉଚିତ ଯେ ସେଲଫ୍ କିମ୍ବା ପର୍ସରେ କିଛି ଟଙ୍କା ରହିବା ନିହାତି ଆବଶ୍ୟକ। ଏହାକୁ ହଠାତ୍ ଖାଲି କରନ୍ତୁ ନାହିଁ।

ଆମ ସମୃଦ୍ଧିରେ ଜିହ୍ୱାର ମଧ୍ୟ ବହୁତ ଗୁରୁତ୍ୱପୂର୍ଣ୍ଣ କାମ ରହିଛି । ସେଥିପାଇଁ କେବେ ବି ଜିହ୍ୱା ଖାଲି କରିବାକୁ ଭୁଲନ୍ତୁ ନାହିଁ ଅର୍ଥାତ୍ ନିଜ ଜିହ୍ୱାରେ କାହାକୁ ଅପମାନିତ କରନ୍ତୁ ନାହିଁ । ଘରର ବୟୋଜ୍ୟେଷ୍ଠ ମାନଙ୍କୁ ଏପରି କିଛି କୁହନ୍ତୁ ନାହିଁ ଯାହା ସେମାନଙ୍କୁ ମାନସିକ ଭାବେ କ୍ଷତି ପହଞ୍ଚାଇବ। ଏପରି କରିବା ଦ୍ୱାରା ମା' ଲକ୍ଷ୍ମୀ କ୍ରୋଧିତ ହୁଅନ୍ତି ଏବଂ ସେ ନିଜର ବାଟ ବଦଳାଇ ଦିଅନ୍ତି । ତେଣୁ ଘରର ବୟସ୍କବ୍ୟକ୍ତିଙ୍କୁ କେବେ ବି ଅସମ୍ମାନ କରନ୍ତୁ ନାହିଁ। ଏହି ସବୁ କଥା ସବୁବେଳେ ମନେ ରଖିବା ଉଚିତ ଯେ କର୍ମ, କଥା ଓ ମନଦ୍ୱାରା କାହାକୁ ଅପମାନିତ କରାଯିବା ଉଚିତ୍ ନୁହେଁ ।

(Disclaimer: ଏହି ଖବର କେବଳ ସୂଚନା ପ୍ରଦାନ ପାଇଁ। ଏହି ସୂଚନାକୁ ନେଇ ଜୀ ଓଡ଼ିଶା ନ୍ୟୁଜ ପୁଷ୍ଟି କରେନାହିଁ। ଯଦି କୌଣସି ଟିପ୍ସକୁ ଆପଣାଉଛନ୍ତି ତେବେ ଏହା ପୂର୍ବରୁ କୌଣସି ଜ୍ୟୋତିଷଙ୍କ ପରାମର୍ଶ ନିଅନ୍ତୁ।)

Also Read:  Makar Sankranti 2025: ୨୦୨୫ ମକର ସଂକ୍ରାନ୍ତିରେ ଦୁର୍ଲଭ ସଂଯୋଗ, ୫ ରାଶିର ଫିଟିବ ଭାଗ୍ୟ !

Also Read: Surya Gochar 2025: ମକର ସଂକ୍ରାନ୍ତିରୁ ପୁଷ୍ୟନକ୍ଷତ୍ରରେ ଦୁର୍ଲଭ ସଂଯୋଗ, ୫ରାଶିର ଫିଟିବ ଭାଗ୍ୟ