Health Tips: 'ଜିଭ' କହିବ କେତେ ସୁସ୍ଥ ଆପଣ! ଅଣଦେଖା କରନ୍ତୁ ନାହିଁ ଏହି ୫ଟି ଲକ୍ଷଣ

Tongue Diseases: ହସ୍ପିଟାଲ ଗଲେ ଡ଼ାକ୍ତର ପ୍ରଥମେ ଆମ ଜିଭ (Tongue) ଦେଖିଥାଆନ୍ତି । ଜିଭ ରଙ୍ଗର ପରିବର୍ତ୍ତନକୁ ଦେଖି ଡାକ୍ତର ସ୍ୱାସ୍ଥ୍ୟ ଭଲ ଅଛି କି ନାହିଁ ସେନେଇ ଅନୁମାନ କରିଥାଆନ୍ତି । ଶରୀରକୁ ପ୍ରଭାବିତ କରୁଥିବା ଅନେକ ରୋଗର ଲକ୍ଷଣ ପ୍ରାୟତଃ ଜିଭରେ ଦେଖାଦେଇଥାଏ । ଏହାର କାରଣ, ଜିଭ ଦ୍ବାରା ଆମ ସ୍ୱାସ୍ଥ୍ୟ ସମସ୍ୟା ବିଷୟରେ ଜଣାପଡ଼ିଥାଏ ।  ତେବେ ଆଜି ଆସନ୍ତୁ ଜାଣିବା ଜିଭ ଆପଣଙ୍କ ସ୍ୱାସ୍ଥ୍ୟ ସହିତ ଜଡ଼ିତ କେଉଁ ସବୁ ସମସ୍ୟାକୁ ଦେଖାଇଥାଏ ।

ପାଟି ଭିତରେ ଧଳା ଦାଗ (white spot on tongue) : ଜିଭରେ ଧଳା ଦାଗ ଦେଖାଯିବା ଖମୀର ସଂକ୍ରମଣର (yeast infection) ସଙ୍କେତ ହୋଇଥାଏ । ଏହି ସମସ୍ୟା ସାଧାରଣତଃ ଶିଶୁ ଓ ବୃଦ୍ଧମାନଙ୍କଠାରେ ଅଧିକ ମାତ୍ରାରେ ଦେଖାଦେଇଥାଏ । ଜିଭରେ ଧଳା ଦାଗ (white spot on tongue) ଲ୍ୟୁକୋପ୍ଲାକିଆର ସମସ୍ୟା ନେଇ ମଧ୍ଯ ସଙ୍କେତ ଦେଇଥାଏ । ତେବେ ତମାଖୁ (Tobacco) ଖାଉଥିବା ଲୋକଙ୍କ କ୍ଷେତ୍ରରେ ମଧ୍ଯ ଏହି ସମସ୍ୟା ଦେଖାଦେଇଥାଏ ।

ଜିଭରେ କେଶ (Hairy tongue): ଅନେକ ଲୋକଙ୍କ ଜିଭରେ କଳା ଓ ମୋଟା ସ୍ତର ପଡ଼ିଯାଇଥାଏ । ଏହାପରେ ଜିଭରେ କେଶ ବୃଦ୍ଧି ଭଳି ସମସ୍ୟା ଦେଖାଯାଇଥାଏ । ଏହି ରୋଗକୁ “ବ୍ଲାକ୍ ହେୟାର ଟଅଙ୍ଗ ସିଣ୍ଡ୍ରୋମ” (Black Hairy Tongue Syndrome) କୁହାଯାଏ । କଳା କେଶ ଜିଭ ସିଣ୍ଡ୍ରୋମର ଏକ ଦୁର୍ବଳ ଅବସ୍ଥା ଅଟେ ।  ଚର୍ମରେ ମୃତ କୋଷଗୁଡ଼ିକ ବାହାରିବା ଆରମ୍ଭ କରିବା ସମୟରେ ଏହି ଭଳି ସମସ୍ୟା ଦେଖାଦେଇଥାଏ । ଏହି କାରଣରୁ ଜିଭରେ ଏକ କଳା ମୋଟା ଆସ୍ତରଣ ଦେଖାଦେଇଥାଏ ।

ଲାଲ ଜିଭ (Red tongue): ଜିଭ ଲାଲ ପଡ଼ିବା “କାୱାସାକି” (kawasaki ) ରୋଗର ଲକ୍ଷଣ ହୋଇପାରେ । ଏହି ରୋଗ ଶରୀରରେ ରକ୍ତବାହୀ (Blood Vessels) ଓ ଭାସ୍କୁଲାଇଟିସ୍ କାନ୍ଥରେ ପ୍ରଦାହ ସୃଷ୍ଟି କରେ । ୧ ରୁ ୫ ବର୍ଷର ଶିଶୁ କାୱାସାକି ରୋଗରେ ଆକ୍ରାନ୍ତ ହୋଇଥାଆନ୍ତି । ଶିଶୁଙ୍କ ଛଡ଼ା ଏହି ରୋଗ କିଶୋରମାନଙ୍କ ଉପରେ ମଧ୍ୟ ପ୍ରଭାବ ପକାଇଥାଏ । ଜ୍ୱରରେ ପୀଡିତ ରୋଗୀମାନଙ୍କଠାରେ ମଧ୍ଯ ଅନେକ ଥର ଲାଲ ଜିଭ ସମସ୍ୟା ଦେଖାଦେଇଥାଏ ।

କଳା ଜିଭ (Black tongue): ଆଣ୍ଟାସିଡ୍ ଟାବଲେଟ୍ (Antacid Tablet) ଓ ମଧୁମେହ (Diabetes) ରୋଗୀଙ୍କ ଠାରେ ଏହି ସମସ୍ୟା ଦେଖାଦେଇଥାଏ । ଏହି ଟାବଲେଟ ଗୁଡ଼ିକରେ ବିସ୍ମୁଥ୍ ଧାତୁ ଥାଏ । ଏହି ଧାତୁ ସଲଫର ସହିତ ମିଶିଥାଏ, ଯାହା ପାଟି ସହ ହଜମ ପ୍ରକ୍ରିୟାରେ ରହିଥାଏ  । ଏହି ଦୁଇଟିର ମିଶ୍ରଣ ହେତୁ ଜିଭ ବେଳେବେଳେ କଳା ହୋଇଯାଏ ।  ସଠିକ୍ ଚିକିତ୍ସା ଦ୍ୱାରା ଏହା ଆରୋଗ୍ୟ ହୋଇପାରିବ ।

ମାଉଥ ସିଣ୍ଡ୍ରୋମ (Mouth Syndrome) : ଏହା ଏପରି ଏକ ସମସ୍ୟା, ଯେଉଁଥିରେ ଜିଭ ସମେତ ପୁରା ପାଟିରେ ଜଳିବା ପରି ଅନୁଭବ ହୋଇଥାଏ। ଏହି କାରଣରୁ, ଗଳାରେ ଯନ୍ତ୍ରଣା ଓ ସ୍ୱାଦର ପରିବର୍ତ୍ତନ ଭଳି ସମସ୍ୟା ଦେଖାଦେଇଥାଏ ।

(Disclamer: ଏହି ଆର୍ଟିକିଲରେ ଦିଆଯାଇଥିବା ସୂଚନା କେବଳ ସାଧାରଣ ସୂଚନା ପାଇଁ ଅଟେ ଏବଂ ଡାକ୍ତରୀ ପରାମର୍ଶ, ନିରାକରଣ କିମ୍ବା ଚିକିତ୍ସା ପାଇଁ ଏକ ବିକଳ୍ପ ଭାବରେ ବିବେଚନା କରାଯିବା ଉଚିତ୍ ନୁହେଁ। କୌଣସି ପ୍ରକାରର ସ୍ୱାସ୍ଥ୍ୟ ସମସ୍ୟା ଦୂର କରିବା ପାଇଁ ଡାକ୍ତରଙ୍କ ସହିତ ଯୋଗାଯୋଗ କରନ୍ତୁ ଏବଂ କେବଳ ତାଙ୍କ ପରାମର୍ଶରେ ଔଷଧ ନିଅନ୍ତୁ। )