Weather Update: ତିନି ଦିନ ଧରି ହେବାକୁ ଯାଉଛି ପ୍ରବଳ ବର୍ଷା, ପାଣିପାଗ ବିଭାଗ ଜାରି କଲା ସତର୍କ ସୂଚନା

IMD Rainfall Alert, Weather Update: ଦୀପାବଳୀ ପର୍ବ ଯେତିକି ପାଖେଇ ଆସୁଛି, ଉତ୍ତର ଭାରତରେ ମଧ୍ୟ ଥଣ୍ଡା ସେତେ ବଢ଼ିବାରେ ଲାଗିଛି । ତାପମାତ୍ରାର ହ୍ରାସ ମଧ୍ୟ ରେକର୍ଡ କରାଯାଉଛି । ଯଦିଓ, ଦକ୍ଷିଣରେ କିଛି ରାଜ୍ୟ ଅଛି, ଯେଉଁଠାରେ ଲଗାତାର ବର୍ଷା ହେଉଛି । କେତେକ ରାଜ୍ୟ ପାଇଁ ତିନି ଦିନ ଧରି ପ୍ରବଳ ବର୍ଷା ହେବାର ସତର୍କ ସୂଚନା ଜାରି କରିଛି ପାଣିପାଗ ବିଭାଗ । ବଙ୍ଗୋପସାଗର ଅଞ୍ଚଳରୁ ପୂର୍ବାଳୀ -ତରଙ୍ଗାୟିତ ଜଳୀୟବାଷ୍ପପୂର୍ଣ୍ଣ ବାୟୁ ପ୍ରଭାବରେ ଦକ୍ଷିଣ ଓଡ଼ିଶାର କିଛି ଜିଲ୍ଲାରେ ମେଘୁଆ ପାଗସହ ହାଲୁକା ବର୍ଷା ଲାଗିରହିଛି ।

୩ ରୁ ୫ ନଭେମ୍ବର ମଧ୍ୟରେ ତାମିଲନାଡୁ, କେରଳ, ମାହୋ, ଦକ୍ଷିଣ ଆଭ୍ୟନ୍ତରୀଣ କର୍ଣ୍ଣାଟକରେ ପ୍ରବଳ ବର୍ଷା ହେବ ବୋଲି ପାଣିପାଗ ବିଭାଗ କହିଛି । ତେବେ ବାକି ରାଜ୍ୟଗୁଡିକର ପାଗରେ କୌଣସି ବଡ଼ ପରିବର୍ତ୍ତନ ହେବାର କୌଣସି ସୂଚନା ନାହିଁ ।

ଶେଷ ୨୪ ଘଣ୍ଟା ମଧ୍ୟରେ ଆଣ୍ଡାମାନ ନିକୋବର ଦ୍ୱୀପପୁଞ୍ଜ, କୋଙ୍କଣ, ଗୋଆ, ଉପକୂଳ କର୍ଣ୍ଣାଟକ, କେରଳ ଓ ତାମିଲନାଡୁରେ ହାଲୁକା ରୁ ମଧ୍ୟମ ବର୍ଷା ରେକର୍ଡ କରାଯାଇଥିଲା । ଦକ୍ଷିଣ ଭାରତ ବିଷୟରେ କହିବାକୁ ଗଲେ ଆସନ୍ତା ସାତ ଦିନ ପର୍ଯ୍ୟନ୍ତ ହାଲୁକା ରୁ ମଧ୍ୟମ ବର୍ଷା ଏଠାରେ ଜାରି ରହିବ । ଏଥିମଧ୍ୟରୁ ତାମିଲନାଡୁ, କେରଳ, ମାହୋରେ ପ୍ରଥମ, ତୃତୀୟ ଓ ପରେ ୫ ନଭେମ୍ବରରେ ଓ ୩ ରୁ ୫ ନଭେମ୍ବର ମଧ୍ୟରେ ଦକ୍ଷିଣ ଆଭ୍ୟନ୍ତରୀଣ କର୍ଣ୍ଣାଟକରେ ପ୍ରବଳ ବର୍ଷା ହେବ ।

ଏଥି ସହିତ ପାଶ୍ଚାତ୍ୟ ବିଭ୍ରାଟ ଯୋଗୁଁ ଜମ୍ମୁ କାଶ୍ମୀର, ଲଦ୍ଦାଖରେ ୧ ରୁ ୩ ନଭେମ୍ବର, ହିମାଚଳ ପ୍ରଦେଶ ୨ ଓ ୩ ନଭେମ୍ବରରେ ଉତ୍ତରପ୍ରଦେଶରେ ହାଲୁକା ବର୍ଷା ଓ ତୁଷାରପାତ ହେବ । ଏହା ବ୍ୟତୀତ ଆସନ୍ତା ସାତ ଦିନ ପାଇଁ ଆଣ୍ଡାମାନ ଓ ନିକୋବର ଦ୍ୱୀପପୁଞ୍ଜରେ ହାଲୁକାରୁ ମଧ୍ୟମ ଧରଣର ବର୍ଷା ପାଇଁ ଏକ ସତର୍କ ସୂଚନା ଜାରି କରାଯାଇଛି ।