Odia Entertainment News: "ହଁ, ମୁଁ" ଏକ ଭିନ୍ନ ସ୍ୱାଦର ସର୍ଟ ମ୍ୟୁଜିକାଲ ଫିଲ୍ମ ମୁକ୍ତିଲାଭ

Odia Entertainment News: ମୋକିମ ଫାଉଣ୍ଡେସନ ଏବଂ ମେଟ୍ରୋ ଗ୍ରୁପ ସହଯୋଗୀତାରେ ଅରୋମୀରା ଦ୍ୱାରା ପ୍ରସ୍ତୁତ ତଥା ଦେବ ମେହେର ନିର୍ଦ୍ଦେଶିତ ହଁ, ମୁଁ... ନାମକ ଏକ ଭିନ୍ନ ସ୍ୱାଦର ଓଡ଼ିଆ ମ୍ୟୁଜିକାଲ ସର୍ଟ ଫିଲ୍ମ ମୁକ୍ତିଲାଭ କରିଛି । ଅନେକ ଲୋକପ୍ରିୟ ଗୀତର ଗାୟିକା ସୁସ୍ମିତା ଦାସଙ୍କ କଣ୍ଠରେ ଗୀତଟି ଭାରି ମନଛୁଆଁ ହୋଇଛି। ସୁନ୍ଦର ଗୀତ ସାଙ୍ଗକୁ ଭିଡିଓଗ୍ରାଫି କାହାଣୀର ପରିକଳ୍ପନା ମଧ୍ୟ ନିଆରା। ଦେବ ମେହେର ଜଣେ ଉଚ୍ଚକୋଟୀର ଯୁବ ନିର୍ଦ୍ଦେଶକ। ତାଙ୍କ ପରିକଳ୍ପନା ମଧ୍ୟ ସମ୍ପୂର୍ଣ୍ଣ ନିଆରା। 

ପୂର୍ବରୁ ଚଳଚ୍ଚିତ୍ର ଅଭିନେତ୍ରୀମାନଙ୍କୁଙ୍କୁ ନେଇ ମଞ୍ଚରେ ପ୍ରଦର୍ଶିତ କରିଥିବା ମ୍ୟୁଜିକାଲ ଡ୍ରାମା ଦେବଦାସ ବହୁ ପ୍ରଶଂସିତ ହୋଇ ଚର୍ଚ୍ଚାରେ ଥିଲେ। ଏହି ମ୍ୟୁଜିକ୍ ଭିଡ଼ିଓ ର ପରିକଳ୍ପନା ମଧ୍ୟ ଠିକ ସେହିପରି ନିଆରା। ଏକ ସୁନ୍ଦର ପ୍ରେମ କାହାଣୀକୁ ସ୍ଥାନ ଦେଇଛନ୍ତି ନିର୍ଦ୍ଦେଶକ ଦେବ। ଜଣେ ଭିନ୍ନକ୍ଷମ ନାୟିକାକୁ ନେଇ କାହାଣୀ ଗଢ଼ା ହୋଉଛି। ଯାହା ସବୁ ବର୍ଗର ଦର୍ଶକଙ୍କୁ ମନୋରଞ୍ଜନ ସହିତ କିଛି ଶିକ୍ଷା ମିଳିବ।

ଏହି ମ୍ୟୁଜିକାଲ ସର୍ଟ ଫିଲ୍ମର ଗୀତ ରଚନା କରିଛନ୍ତି ଅଭିଜ୍ଞ ଗୀତିକାର ବିଜୟ ମଲ୍ଲ। ସଙ୍ଗୀତ ନିର୍ଦ୍ଦେଶନା ଦେଇଛନ୍ତି ଯୁବ ସଙ୍ଗୀତ ନିର୍ଦ୍ଦେଶକ ଅଭିଜିତ ମିଶ୍ର। ଚିତ୍ରତ୍ତୋଳନ କରିଛନ୍ତି ପ୍ରତାପ ରାଉତ। ମୁଖ୍ୟ ଭୂମିକାରେ ପ୍ରତିଭା ବେହେରା ଙ୍କ ସହିତ ସ୍ୱାଧୀନ। ଅନ୍ୟାନ୍ୟ ଭୂମିକାରେ ରତନ ମେହେର ଏବଂ ଅନ୍ଵେଷା ମେହେର। ଏହାର ପ୍ରଚାର ଓ ପ୍ରସାର ଦାୟିତ୍ୱରେ ଭରତ ପ୍ରଧାନ ଅଛନ୍ତି।