Shah Rukh Khan: ଇନ୍ଦିରା ଗାନ୍ଧୀଙ୍କ ସହ ଛୋଟବେଳୁ ନିକଟତର ଥିଲେ ଶାହରୁଖ, ଜାଣନ୍ତୁ କେମିତି

Shah Rukh Khan: ବଲିଉଡର କିଙ୍ଗ ବା ବାଦଶାହା ଶାହରୁଖ ଖାନଙ୍କୁ ପୁରା ବିଶ୍ୱ ଜାଣେ। ତାଙ୍କ ରୋମାଣ୍ଟିକ ଲୁକ୍ ସହ ତାଙ୍କ ଅଭିନୟ ଦର୍ଶକଙ୍କ ମନରେ ଏକ ସ୍ୱତନ୍ତ୍ର ସ୍ଥାନ ତିଆରି କରିଛି। ପୂର୍ବରୁ ଲୋକ କୁହନ୍ତି ତାଙ୍କ ରୋମାଣ୍ଟିକ ଚଳଚ୍ଚିତ୍ର ଦେଖି ଲୋକ ପ୍ରେମ କରିବା ଶିଖୁଥିଲେ। ସେଥିପାଇଁ ଶାହରୁଖଙ୍କୁ ରୋମାନ୍ସ କିଙ୍ଗ ବୋଲି କୁହନ୍ତି। ତେବେ ଶାହରୁଖ ଖାନଙ୍କ ପିତା ମାତାଙ୍କ ଲଭଷ୍ଟୋରୀ ମଧ୍ୟ ଶାହରୁଖଙ୍କ ଲଭଷ୍ଟୋରୀ ଠାରୁ ବେଶ ସୁନ୍ଦର। ତାଙ୍କ ପିତା ମୀର ତାଜ ମହମ୍ମଦ ଏବଂ ମାତା ଲତିଫ ଫାତିମାଙ୍କଠାରୁ ସେ ଅନେକ କିଛି କୌଶଳ ଶିଖିଛନ୍ତି। ୧୯୫୯ ମସିହାରେ, ଶାହାରୁଖଙ୍କ ପିତାମାତା ପ୍ରେମ ବିବାହ କରିଥିଲେ । ଉଭୟଙ୍କ ପ୍ରଥମ ସାକ୍ଷାତ ଏବଂ ପ୍ରେମ କାହାଣୀ କୌଣସି ଏକ ଚଳଚ୍ଚିତ୍ର କାହାଣୀଠାରୁ କମ୍ ନୁହେଁ । 

ଶାହାରୁଖଙ୍କ(Shah Rukh)  ବାପା ମୀର ତାଜ ପେଶୱାରର ଜଣେ ପଠାନ୍ ଥିଲେ । ଯିଏ ସ୍ୱାଧୀନତା ସଂଗ୍ରାମର ସର୍ବକନିଷ୍ଠ ସ୍ୱାଧୀନତା ସଂଗ୍ରାମୀ ଥିଲେ। ମୀର MA LLB ଅଧ୍ୟୟନ କରିଥିଲେ କିନ୍ତୁ ଭାରତ ଏବଂ ପାକିସ୍ତାନ ବିଭାଜନ ପରେ ସେ ଦିଲ୍ଲୀରେ ରହିବାକୁ ପଳାଇ ଆସିଥିଲେ। ଯେଉଁଠାରେ ସେ ଆସବାବପତ୍ର, ପରିବହନ, କିରୋସିନି କାରବାରର ଅନେକ ବ୍ୟବସାୟ କରିଥିଲେ ଏବଂ ଦିଲ୍ଲୀରେ ଚା ବିକ୍ରି କରୁଥିଲେ। ଦିନେ ଇଣ୍ଡିଆ ଗେଟ୍ ଭ୍ରମଣ କରିବାକୁ ଯାଇଥିବା ମୀର ତାଜ ଦେଖିଲେ ଯେ କାରଟି ଦୁର୍ଘଟଣାର ସମ୍ମୁଖୀନ ହୋଇଛି।

ଆହତ ଅବସ୍ଥାରେ ଏକ ପରିବାର ଏକ ଓଲଟା କାରରେ ଫସି ରହିଛନ୍ତି। ମୀର ସେମାନଙ୍କୁ ଉଦ୍ଧାର କରି ରକ୍ତ ଦାନ କରିଥିଲେ। ଉଦ୍ଧାର ହୋଇଥିବା ଲୋକଙ୍କ ମଧ୍ୟରେ ଶାହାରୁଖଙ୍କ ମା ଲତିଫ ଫାତିମା, ତାଙ୍କ ଭଉଣୀ ଏବଂ ପିତା ମଧ୍ୟ ଥିଲେ। ମୀର ସାହାଯ୍ୟ କରିଥିଲେ, ତେଣୁ ଦୁଇ ପରିବାର ମଧ୍ୟରେ ବନ୍ଧୁତା ବଢିଥିଲା। ଥରେ ମୀରଙ୍କୁ ଲତିଫଙ୍କ ବାପା ଘରକୁ ଡାକି ତାଙ୍କ ସାନ ଝିଅକୁ ବିବାହ କରିବାକୁ କହିଥିଲେ କାରଣ ତାଙ୍କ ବଡ଼ ଝିଅ ଲତିଫଙ୍କ ନିର୍ବନ୍ଧ କ୍ରିକେଟର ଅବ୍ବାସ ଅଲ୍ଲିଙ୍କ ସହ ସରିଯାଇଥିଲା।

ମାତ୍ର ମୀର ଜିଦ୍ ଧରିଥିଲେ ଯେ ସେ କେବଳ ଲତିଫଙ୍କୁ ବିବାହ କରିବେ, ଯାହାଙ୍କୁ ମୁଁ ରକ୍ତ ଦେଇଥିଲି। ଶେଷରେ ପରିବାର ସଦସ୍ୟ ରାଜି ହେଲେ ଏବଂ ଲତିଫଙ୍କ ନିର୍ବନ୍ଧ ଭାଙ୍ଗିଗଲା ।  ସେ ୧୯୫୯ ରେ ମୀରଙ୍କୁ ବିବାହ କରିଥିଲେ। ବିବାହ ବର୍ଷରେ, ଝିଅ ଶାହନାଜ ପ୍ରଥମେ ଜନ୍ମ ହୋଇଥିଲେ ଏବଂ ପରେ ଶାହାରୁଖ ଖାନ ୬ ବର୍ଷ ପରେ ଜନ୍ମ ହୋଇଥିଲେ। ଏଠାରେ କହିରଖୁଛୁ ଯେ,ଶାହାରୁଖଙ୍କ ମାତା ଲତିଫ ତାଙ୍କ ସମୟ ଜଣେ ମଜଭୁତ ମହିଳା ଥିଲେ। ସେ ଇଂଲଣ୍ଡର ଅକ୍ସଫୋର୍ଡ ୟୁନିଭର୍ସିଟିରେ ଅଧ୍ୟୟନ କରିଥିଲେ। ତା ସହ ଲତିଫ ଫାର୍ଷ୍ଟ କ୍ଲାସ ମାଜିଷ୍ଟ୍ରେଟ ମଧ୍ୟ ଥିଲେ। ଲତିଫ ଫାତିମା ସମାଜସେବୀ ମଧ୍ୟ ଥିଲେ। ଏହାସହ ପୂର୍ବ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ(Indira Gandhi)  ସହ କାମ କରିବା ସହ ତାଙ୍କ ବନ୍ଧୁ ମଧ୍ୟ ପାଲଟିଯାଇଥିଲେ। ଏହିକାରଣରୁ ଶାହରୁଖ ମଧ୍ୟ ଇନ୍ଦିରା ଗାନ୍ଧୀଙ୍କୁ ଛୋଟ ବେଳୁ ଜାଣିଥିବା କୁହାଯାଉଛି।

Also Read: Rani Panda: 'ଅନୁଭବ ମୋର' ବର୍ଷା ଯଦି ଇଜତଦାର୍ ଝିଅ ତାହେଲେ...

Also Read:  Yogi Welcomes Film Faternity: ପପକର୍ଣ୍ଣ ଦାମ୍ କମେଇବାକୁ ଯୋଗୀଙ୍କୁ ଅନୁରୋଧ କଲେ ବଲିଉଡ ଷ୍ଟାର