Railway Jobs 2024: ଭାରତୀୟ ରେଳବାଇରେ ସରକାରୀ ଚାକିରି କରିବାର ସୁଯୋଗ, ଦଶମ ପାସ୍ କରିଥିଲେ କରନ୍ତୁ ଆବେଦନ

Railway Jobs 2024: ଭାରତୀୟ ରେଳବାଇରେ ଆପଣ ଯଦି ଚାକିରି କରିବାକୁ ଚାହୁଁଛନ୍ତି, ତେବେ ଏହା ଆପଣଙ୍କ ପାଇଁ ଏକ ଭଲ ସୁଯୋଗ। ଉତ୍ତର ପୂର୍ବାଞ୍ଚଳ ରେଳବାଇ (North Eastern Railway) ବିଭିନ୍ନ ଆପ୍ରେଣ୍ଟିସିପ୍ ପୋଷ୍ଟରେ (apprenticeship posts) ନିଯୁକ୍ତି ପାଇଁ ବିଜ୍ଞପ୍ତି ଜାରି କରିଛି। ଯାହା ମାଧ୍ୟମରେ ୧୧୦୪ଟି ପୋଷ୍ଟ ପୂରଣ ହେବ। ଉତ୍ତର ପୂର୍ବାଞ୍ଚଳ ରେଳବାଇର ଏକ ଅଂଶ ହେବାକୁ ଆଗ୍ରହୀ ପ୍ରାର୍ଥୀମାନେ ପ୍ରଥମେ ନିଯୁକ୍ତି ସମ୍ବନ୍ଧୀୟ ସୂଚନା ପଢ଼ି ପରବର୍ତ୍ତୀ ପ୍ରକ୍ରିୟା ଆରମ୍ଭ କରିବାକୁ ପରାମର୍ଶ ଦିଆଯାଇଛି।

ଯୋଗ୍ୟତା
କେବଳ ସେହି ପ୍ରାର୍ଥୀମାନେ ଆପ୍ରେଣ୍ଟିସିପ୍ ପଦ ପାଇଁ ଆବେଦନ କରିପାରିବେ, ଯେଉଁମାନେ ଆଇଟିଆଇ ସାର୍ଟିଫିକେଟ୍ ସହିତ କୌଣସି ସ୍ୱୀକୃତିପ୍ରାପ୍ତ ଅନୁଷ୍ଠାନରୁ ଅତି କମରେ ୫୦ ପ୍ରତିଶତ ମାର୍କ ରଖି ଦଶମ ଶ୍ରେଣୀ ପାସ୍ କରିଛନ୍ତି।

ବୟସ ସୀମା
ଏହି ପଦ ପାଇଁ ପ୍ରାର୍ଥୀଙ୍କ ବୟସ ୧୨ ଜୁନ୍ ସୁଦ୍ଧା ୧୫ ରୁ ୨୪ ବର୍ଷ ମଧ୍ୟରେ ହେବା ଉଚିତ୍। ତେବେ, ଏସସି / ଏସଟି ପ୍ରାର୍ଥୀଙ୍କ ପାଇଁ ଉପର ବୟସ ସୀମା ୫ବର୍ଷ ବୃଦ୍ଧି କରାଯାଇଛି, ଓବିସି ପ୍ରାର୍ଥୀଙ୍କ ପାଇଁ ଏହା ୩ ବର୍ଷ ବୃଦ୍ଧି କରାଯାଇଛି। ଯେଉଁଠାରେ ଭିନ୍ନକ୍ଷମ ପ୍ରାର୍ଥୀଙ୍କୁ ୧୦ ବର୍ଷର ବୟସ ଆରାମ ପ୍ରଦାନ କରାଯିବ।

ଆବେଦନ କରିବାର ଶେଷ ତାରିଖ
ଉତ୍ତର ପୂର୍ବାଞ୍ଚଳ ରେଳବାଇ ଜୁନ୍ ୧୨ରୁ ବିଭିନ୍ନ ଆପ୍ରେଣ୍ଟିସିପ୍ ପଦବୀରେ ନିଯୁକ୍ତି ପାଇଁ ପଞ୍ଜୀକରଣ ଆରମ୍ଭ କରିଥିଲା।​ ଫର୍ମ ପୂରଣ ପାଇଁ ଶେଷ ତାରିଖ ଜୁଲାଇ ୧୧ ଭାବରେ ସ୍ଥିର କରାଯାଇଛି। ପ୍ରାର୍ଥୀମାନଙ୍କୁ ଶେଷ ତାରିଖ ପୂର୍ବରୁ ଆବେଦନ ଫର୍ମ ପୂରଣ କରିବାକୁ ପରାମର୍ଶ ଦିଆଯାଇଛି।

ଚୟନ ପକ୍ରିୟା
ମାଟ୍ରିକରେ ହାରାହାରି ପାସ୍ ପ୍ରତିଶତ ମାର୍କ ଏବଂ ଆଇଟିଆଇ ପରୀକ୍ଷାରେ ମିଳିଥିବା ମାର୍କକୁ ଦୃଷ୍ଟିରେ ରଖି ପ୍ରାର୍ଥୀମାନେ ଯୋଗ୍ୟତା ଆଧାରରେ ମନୋନୀତ ହେବେ। ଗୋରଖପୁରରେ ପ୍ରାର୍ଥୀଙ୍କ ଭେରିଫିକେସନ୍ କରାଯିବ। ଚୂଡ଼ାନ୍ତ ଚୟନ ପୂର୍ବରୁ ପ୍ରାର୍ଥୀଙ୍କୁ ମଧ୍ୟ ଡାକ୍ତରୀ ପରୀକ୍ଷା କରାଯିବା।

କିପରି କରିବେ ଆବେଦନ?
ଆବେଦନ କରିବାକୁ, ପ୍ରାର୍ଥୀମାନେ ଉତ୍ତର ପୂର୍ବ ରେଳବାଇର ଅଫିସିଆଲ୍ ୱେବସାଇଟ୍ ଭିଜିଟ୍ କରିବା ଉଚିତ୍। Indianrailways.gov.in ଭିଜିଟ୍ କରି ଆପଣଙ୍କୁ ଅନଲାଇନରେ ଆବେଦନ କରିବାକୁ ପଡିବ। କହିରଖୁଛୁ ଯେ ଆବେଦନଗୁଡ଼ିକ କେବଳ ଅନଲାଇନରେ ଗ୍ରହଣ କରାଯିବ।