కర్నూల్ స్పెషల్ ఉగ్గాని.. రెండు నిమిషాల్లో ఇలా చేసుకోండి..!

ఉగ్గాని ఆంధ్రప్రదేశ్ రాష్ట్రానికి చెందిన ఒక ప్రత్యేకమైన వంటకం.

దీనిని బొరుగులతో తయారుచేస్తారు.

బొరుగులు: 2 కప్పులు, ఉల్లిపాయలు: 2 (చిన్నగా తరిగినవి)

టొమాటోలు: 2 , పచ్చిమిర్చి: 4 (చిన్నగా తరిగినవి)

అల్లం: 1 స్పూన్ (చిన్నగా తరిగినది), వేరుశనగ పప్పు: 2 స్పూన్లు

ఆవాలు: 1/2 స్పూన్, జీలకర్ర: 1/2 స్పూన్, కరివేపాకు: కొద్దిగా

పసుపు: 1/4 స్పూన్, ఉప్పు: రుచికి సరిపడా, నూనె: 2 స్పూన్లు

తయారీ: ముందుగా బొరుగులను నీటిలో నానబెట్టి, నీరు పిండి వేయాలి.

స్టవ్ మీద ఒక పాన్ పెట్టి నూనె వేడి చేయాలి.

నూనె వేడయ్యాక ఆవాలు, జీలకర్ర వేసి వేయించాలి.

తర్వాత వేరుశనగ పప్పు వేసి కొద్దిగా వేయించాలి.

ఉల్లిపాయలు, పచ్చిమిర్చి, అల్లం వేసి వేయించాలి.

టొమాటో ముక్కలు, కరివేపాకు, పసుపు వేసి మెత్తగా అయ్యే వరకు వేయించాలి.

రుచికి సరిపడా ఉప్పు వేసి కలపాలి.

నానబెట్టిన బొరుగులను వేసి బాగా కలపాలి.

ఒక నిమిషం పాటు ఉంచి స్టవ్ ఆఫ్ చేయాలి.

కర్నూల్ స్పెషల్ ఉగ్గాని రెడీ!