ఈ లడ్డు ఉదయాన్నే తింటే గుండె దృఢంగా అవుతుంది!

ముఖ్యంగా గుండె సమస్యలతో బాధపడేవారు తప్పకుండా ఆరోగ్యకరమైన ఆహారాలను మాత్రమే తీసుకోవాల్సి ఉంటుంది.

యువతలో గుండె సమస్యలు ఉంటే తప్పకుండా కొన్ని రకాల జాగ్రత్తలు తీసుకోవాలని ఆరోగ్య నిపుణులు సూచిస్తున్నారు.

ఆహారాలను డైట్ పద్ధతిలో తీసుకోవడం వల్ల ఈ గుండె సమస్యల నుంచి సులభంగా రాకుండా జాగ్రత్తలు పడవచ్చు.

ఆరోగ్య నిపుణులు తెలిపిన వివరాల ప్రకారం రోజు ఉదయం గసగసాలతో తయారుచేసిన లడ్డు తింటే మంచి ఫలితాలు పొందుతారట.

గసగసాలలో కాల్షియం, ఫాస్పరస్ తోపాటు మెగ్నీషియం వంటి పదార్థాలు పుష్కలంగా ఉంటాయి. రోజు ఉదయాన్నే తింటే గుండె ఆరోగ్యంగా ఉంటుంది.

ఈ గసగసాల లడ్డును ఇంట్లో కూడా సులభంగా తయారు చేసుకోవచ్చు. దీనిని ఎలా తయారు చేసుకోవాలి ఇప్పుడు మనం తెలుసుకుందాం.

కావలసిన పదార్థాలు: గసగసాలు - 1 కప్పు, బెల్లం తురుము - 1/2 కప్పు, ఎండు కొబ్బరి తురుము - 1/4 కప్పు, వేయించిన పల్లీలు - 1/4 కప్పు, నెయ్యి - 2 టేబుల్ స్పూన్లు, యాలకుల పొడి - 1/2 టీస్పూన్

తయారీ విధానం: ముందుగా గసగసాల లడ్డును తయారు చేసుకోవడానికి పాన్ పెట్టి అందులో గసగసాలు వేసి దోరగా వేపుకోవాల్సి ఉంటుంది.

అన్ని బాగా వేపుకున్న తర్వాత వాటిని పక్కకు తీసుకొని ఎండుకొబ్బరి, వేరుశనగను వేసుకొని బాగా వేపుకోండి.

అన్నింటినీ బాగా వేపుకొని ఒక మిక్సీ జార్లో వేసుకొని అందులో వీటన్నిటినీ వేసి బెల్లం తురుము కూడా వేయాల్సి ఉంటుంది. ఇలా అన్నింటినీ కలిపి మిక్సీ పట్టుకోండి.

అన్ని మిక్సీ పట్టుకున్న తర్వాత తగినంత యాలకుల పొడి, నెయ్యి వేసి వాటిని బాగా కలుపుకొని.. చిన్న చిన్న ముద్దలుగా కట్టుకోవాల్సి ఉంటుంది. అంతే గసగసాల లడ్డూలు తయారైనట్లే.

రోజు ఉదయాన్నే ఈ లడ్డు తింటే ఎముకల సమస్యలతో పాటు గుండె సమస్యలు కూడా తొలగిపోతాయి.