చెడు ఆహారం, కాలుష్యం కారణంగా జుట్టు రాలిపోతుంది. పొడి, చిట్లిన జుట్టు సమస్య చాలా మందిని ఇబ్బంది పెడుతుంది. చాలా మంది ఈ సమస్య నుంచి బయటపడేందుకు రకరకాల ప్రొడక్టులను వాడుతుంటారు.
అయితే ఇంట్లోనే సహజంగా అలోవెరా హెయిర్ మాస్క్ ను జుట్టుకు అప్లయ్ చేసుకున్నట్లయితే జుట్టు సిల్కీగా మారుతుంది. హెయిర్ మాస్క్ ఎలా తయారు చేయాలో చూద్దాం.
ప్రతిఒక్కరూ సిల్కీ, మెరిసే, పొడవాటి జుట్టును ఇష్టపడుతుంటారు. దీనికోసం చాలా మంది రకరకాల హెయిర్ మాస్కులను వాడుతుంటారు. కానీ ఎలాంటి ఫలితం ఉండదు.
జుట్టును సిల్కీగా మెరిచేలా చేయడంలో కలబంద హెయిర్ మాస్క్ ఎంతో మేలు చేస్తుంది. జుట్లు చిట్లడం కూడా తగ్గిస్తుంది.
అలోవెరా మాస్క్ ను ఇంట్లోనే తయారు చేసుకోవడం చాలా సులభం. దీన్ని తయారు చేసేందుకు ఎలాంటి పదార్థాలు కావాలో చూద్దాం.
కలబంద హెయిర్ మాస్క్ చేసేందుకు ముందుగా తాజా కలబందను తీసుకుని దానికి కొబ్బరి నూనె, విటమిన్ ఇ క్యాప్సూల్స్ అవసరం.
ముందుగా కలబంద తాజా జెల్ ను తీసుకుని ఒక్క గిన్నెలో వేయాలి. దాన్ని మందపాటి పేస్టులా చేయాలి.
ఇప్పుడు తాజా కలబంద జెల్ కు 4 నుంచి 5 చెంచాల కొబ్బరి నూనె వేసి బాగా కలపాలి. 5 నుంచి 7 నిమిషాల పాటు అలాగే ఉంచాలి.
అలోవేర జెల్, కొబ్బరి నూనె కలిపిన తర్వాత విటమిన్ ఇ క్యాప్సూల్ వేసి పేస్టులా కలపాలి. ఈ మాస్క్ ను జుట్టుకు అప్లయ్ చేసి 40 నిమిషాలు ఉంటాయి. తర్వాత తేలికపాటి షాంపూతో కడగాలి.