హై ప్రోటీన్‌ టిఫిన్‌ రెసిపీ.. పిల్లలకు తప్పకుండా పెట్టండి..

చాలా మంది అన్ని రకాల వడలను తిని ఉంటారు. కానీ అలసంద వడల రెసిపీ ట్రై చేశారా?

అలసందల్లో ప్రోటీన్‌తో పాటు అనేక రకాల పోషకాలు లభిస్తాయి. కాబట్టి రోజు సలాడ్స్‌లో తీసుకోవడం చాలా మంచిది.

అలసందలతో బజ్జీతో పాటు వడలను కూడా ఎంతో సులభంగా తయారు చేసుకోవచ్చు.

మీరు కూడా అల్పాహారంలో హై ప్రోటీన్ అలసంద వడలను ఇంట్లోనే తయారు చేసుకోవాలనుకుంటున్నారా? ఇప్పుడే ఇలా ట్రై చేయండి.

అలసంద వడలకు అవసరమైన పదార్థాలు: అలసందలు (బొబ్బర్లు) - 1 కప్పు, చిటికెడు బేకింగ్ సోడా, ఉప్పు - రుచికి తగినంత

అవసరమైన పదార్థాలు: కారం - రుచికి తగినంత, కొత్తిమీర - కొద్దిగా తరిగిన, నూనె - వడలు వేయడానికి తగినంత

తయారీ విధానం: అలసంద వడలను తయారు చేసుకోవడానికి ముందుగా అలసందలను కనీసం 6 గంటలు లేదా రాత్రంతా నానబెట్టుకోండి.

బాగా నానిన అలసందలను మిక్సీలో వేసుకుని మిక్సీ పట్టుకోండి. ఈ మిశ్రమాన్ని ఓ బౌల్‌లోకి తీసుకోండి.

అదే మిశ్రమంలో బేకింగ్ సోడా, ఉప్పు, కారం, కొత్తిమీర తరుగు వేసుకుని బాగా మిక్స్‌ చేసుకోండి.

ఆ తర్వాత ఓ ముకుడు పెట్టుకుని అందులో నూనెను వేసి బాగా వేడి చేసి.. పిండిని వడల్లా తయారు చేసుకుని బాగా వేపుకోండి.

ఇలా వేపుకున్న తర్వాత పెరుగుతో సర్వ్ చేసుకుంటే మంచి రుచితో పాటు ఆరోగ్యాన్ని పొందుతారు.