చలికాలం వచ్చిందంటే ప్రజలు చలితో వణికిపోతుంటారు. బయట తిరగడానికి భయపడుతుంటారు. ఉదయం ఏడు దాటినా సూర్యుడు కనిపించడు.
చలికాలంలో జ్వరం, జలుబు, పొడి బారే చర్మం, వైరస్, బ్యాక్టీరియా సులభంగా వ్యాప్తి చెందుతాయి. పిల్లలు, పెద్దలు జాగ్రత్తగా ఉండాలి. వ్యాయామం, ఆహారం విషయంలో జాగ్రత్తగా ఉండాలని నిపుణులు చెబుతున్నారు.
చలికాలంలో పౌష్టికాహారంతోనే సంపూర్ణం ఆరోగ్యం ఉంటుంది. పదేళ్లలోపు పిల్లలకు డ్రైఫ్రూట్స్ లడ్డూలు, భోజనంతోపాటు రెండు పూటల ఉడకబెట్టిన గుడ్లు తినిపించాలి.
ఐరన్, కాల్షియం ఉండే కూరగాయలు, ఆకుకూరలు తినడం వల్ల ఎముకలు బలంగా మారుతాయి. పిల్లలకు నువ్వుల ముద్దలు తినిపిస్తే శరీరానికి కాల్షియం, ఖనిజ లవణాలు అందుతాయి.
15 నుంచి 30ఏళ్ల వయసులో పోషకాలతో కూడిన ఆహారం తినిపించాలి. తాజా కూరగాయలు, కోడిగుడ్డు, నీరు ఎక్కువగా తాగించాలి. బ్రౌన్ రైస్ తో వండిన అన్నం శరీరానికి మంచి పోషకాలను ఇస్తుంది.
చలికాలంలో ఏ వయస్సువారైనా సరే జామ, కమలాలు, బత్తాయి ఎంతో మేలు చేస్తాయి. బొప్పాయి, చిటికెడు పసుపుతో పాటు పాలు, అరటిపండ్లు పొట్టను క్లీన్ చేస్తాయి.
చిన్నారుల్లో తరచుగా ముక్కు దిబ్బడ ఉంటే ఆవిరి పడుతుండాలి. గొంతునొప్పి ఉంటే గోరువెచ్చని నీటిలో ఉప్పు వేసి పులికించాలి.
బ్రౌన్ రైస్ తో వండిన అన్నం శరీరానికి పోషకాలను అందిస్తుంది. వ్రుద్ధులు రాత్రి భోజనంలో నూనె తగ్గించుకోవాలి. త్వరగా తిని నిద్రించాలి.