ਵਾਲਾਂ ਨੂੰ ਸਿਹਤਮੰਦ ਰੱਖਣ ਲਈ ਭੋਜਨ 'ਚ ਸ਼ਾਮਿਲ ਕਰੋ ਇਹ ਵਿਟਾਮਿਨ, ਕਟਰੀਨਾ ਵਰਗੀ ਹੋਵੇਗੀ ਲੁੱਕ

Hair Care news: ਅੱਜਕਲ੍ਹ ਹਰ ਕੋਈ ਆਪਣੀ ਖੂਬਸੂਰਤੀ ਅਤੇ ਸਟਾਈਲ ਨੂੰ ਲੈ ਕੇ ਕਾਫੀ ਐਕਟਿਵ ਹੈ। ਵਾਲਾ ਦੀ ਸਮੱਸਿਆ ਆਮ ਹੋ ਗਈ ਹੈ ਅਤੇ ਇਸ ਨੂੰ ਠੀਕ ਕਰਨ ਲਈ ਰੋਜ਼ਾਨਾ ਆਪਣੀ ਡਾਇਟ ਵੱਲ ਧਿਆਨ (Hair Care) ਦੇਣਾ ਪਵੇਗਾ। ਕਈ ਵਾਰ ਸਹੀ ਖੁਰਾਕ ਨਾ ਲੈਣ ਕਾਰਨ ਵਾਲਾਂ ਨੂੰ ਕਾਫੀ ਨੁਕਸਾਨ ਝੱਲਣਾ ਪੈਂਦਾ ਹੈ। ਸਾਡੇ ਸਰੀਰ ਦੇ ਬਾਕੀ ਹਿੱਸਿਆਂ ਵਾਂਗ ਵਾਲਾਂ ਨੂੰ ਵੀ ਪੋਸ਼ਣ ਦੀ ਲੋੜ ਹੁੰਦੀ ਹੈ। 

ਡਾਈਟ 'ਚ ਸ਼ਾਮਲ ਕਰੋ ਇਹ ਭੋਜਨ (Best Foods for Healthy Hair)
ਜੇਕਰ ਤੁਸੀਂ ਸਿਹਤਮੰਦ ਭੋਜਨ ਨਹੀਂ ਖਾ ਰਹੇ ਹੋ, ਤਾਂ ਬਿਹਤਰ ਹੈ ਕਿ ਤੁਸੀਂ ਆਪਣੀ ਖੁਰਾਕ ਬਦਲੋ। ਆਓ ਜਾਣਦੇ ਹਾਂ ਵਾਲਾਂ ਦੀ ਸੁੰਦਰਤਾ ਵਧਾਉਣ ਲਈ ਤੁਹਾਨੂੰ ਕਿਹੜੇ ਵਿਟਾਮਿਨ ਦੀ ਲੋੜ ਪਵੇਗੀ। ਜੇਕਰ ਤੁਸੀਂ ਇਨ੍ਹਾਂ ਨੂੰ ਆਪਣੀ ਡਾਈਟ 'ਚ ਸ਼ਾਮਲ ਕਰਦੇ ਹੋ ਤਾਂ ਤੁਹਾਡੇ ਲੁੱਕ ਬਾਲੀਵੁੱਡ ਅਭਿਨੇਤਰੀ ਕੈਟਰੀਨਾ ਕੈਫ ਅਤੇ ਪ੍ਰਿਯੰਕਾ ਵਾਂਗ ਖੂਬਸੂਰਤ ਹੋ ਜਾਣਗੇ। 

ਇਹ ਵੀ ਪੜ੍ਹੋ: ਰਣਬੀਰ-ਆਲੀਆ ਦੀ ਬੇਟੀ ਰਾਹਾ ਦੀ ਇਸ ਤਰ੍ਹਾਂ ਨਜ਼ਰ ਆਈ ਦਿਖੀ ਪਹਿਲੀ ਝਲਕ! ਵੇਖੋ ਕਿਊਟ ਫੋਟੋਆਂ 

ਗਾਜਰ
ਗਾਜਰ 'ਚ ਕਈ ਤਰ੍ਹਾਂ ਦੇ ਵਿਟਾਮਿਨ ਪਾਏ ਜਾਂਦੇ ਹਨ। ਗਾਜਰ 'ਚ ਵਿਟਾਮਿਨ ਏ, ਵਿਟਾਮਿਨ ਸੀ, ਵਿਟਾਮਿਨ ਕੇ ਵਰਗੇ ਕਈ ਜ਼ਰੂਰੀ ਪੋਸ਼ਕ ਤੱਤ ਹੁੰਦੇ ਹਨ, ਜੋ ਸਾਡੇ ਵਾਲਾਂ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ। 

ਵਿਟਾਮਿਨ ਏ 
ਵਿਟਾਮਿਨ ਏ ਨੂੰ ਆਮ ਤੌਰ 'ਤੇ ਅੱਖਾਂ ਦਾ ਮਿੱਤਰ ਮੰਨਿਆ ਜਾਂਦਾ ਹੈ ਪਰ ਇਹ ਵਾਲਾਂ ਨੂੰ ਮਜ਼ਬੂਤ ​​ਕਰਨ ਦਾ ਵੀ ਕੰਮ ਕਰਦਾ ਹੈ, ਇਸ ਦੇ ਲਈ ਤੁਹਾਨੂੰ ਗਾਜਰ, ਬਰੋਕਲੀ, ਪਪੀਤਾ, ਪਾਲਕ, ਦੁੱਧ, ਅੰਡੇ ਅਤੇ ਮੀਟ ਦਾ ਸੇਵਨ ਕਰਨਾ ਚਾਹੀਦਾ ਹੈ।

ਵਿਟਾਮਿਨ ਬੀ
ਵਿਟਾਮਿਨ ਬੀ ਵਾਲਾਂ ਦੇ ਵਾਧੇ ਲਈ ਵੀ ਬਹੁਤ ਜ਼ਰੂਰੀ ਹੈ। ਆਪਣੇ ਵਾਲਾਂ ਨੂੰ ਸਿਹਤਮੰਦ ਰੱਖਣ ਲਈ ਆਪਣੀ ਖੁਰਾਕ ਵਿੱਚ ਬੀ ਵਿਟਾਮਿਨ ਸ਼ਾਮਲ ਕਰੋ। ਇਸ ਦੇ ਲਈ ਤੁਸੀਂ ਆਪਣੀ ਡਾਈਟ 'ਚ ਦੁੱਧ, ਆਂਡਾ, ਗੋਭੀ, ਪਨੀਰ, ਮਸ਼ਰੂਮ, ਪਾਲਕ ਵਰਗੇ ਭੋਜਨ ਸ਼ਾਮਲ ਕਰ ਸਕਦੇ ਹੋ।

ਵਿਟਾਮਿਨ ਈ
ਵਿਟਾਮਿਨ ਈ ਵਾਲਾਂ ਲਈ ਵੀ ਬਹੁਤ ਵਧੀਆ ਹੈ। ਚਮੜੀ ਅਤੇ ਨਹੁੰਆਂ ਨੂੰ ਚਮਕਦਾਰ ਬਣਾਉਣ ਦੇ ਨਾਲ-ਨਾਲ ਵਿਟਾਮਿਨ ਈ ਵਾਲਾਂ ਦੀ ਨਮੀ ਬਣਾਈ ਰੱਖਣ ਵਿਚ ਬਹੁਤ ਮਦਦਗਾਰ ਹੁੰਦਾ ਹੈ। ਤੁਸੀਂ ਚਾਹੋ ਤਾਂ ਵਿਟਾਮਿਨ ਈ ਦੇ ਕੈਪਸੂਲ ਨੂੰ ਤੇਲ ਵਿੱਚ ਮਿਲਾ ਕੇ ਵੀ ਵਾਲਾਂ ਵਿੱਚ ਲਗਾ ਸਕਦੇ ਹੋ। ਇਸ ਤੋਂ ਇਲਾਵਾ ਪਾਲਕ, ਬਦਾਮ, ਬਰੋਕਲੀ ਆਦਿ ਖਾਣ ਨਾਲ ਵੀ ਵਿਟਾਮਿਨ ਈ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।