Virat Kohli: ବିରାଟଙ୍କ ଆଖି ନାକରେ ପଡ଼ିଲା ଷ୍ଟିଚ୍, ଫଟୋ ସେୟାର କରି କହିଲେ...

Virat Kohli Injury: ବିରାଟ କୋହଲିଙ୍କ ଏମିତି ଏକ ଫଟୋ ଏବେ ହଠାତ୍ ସୋସିଆଲ ମିଡିଆରେ ଭାଇରାଲ ହୋଇଛି। ଏହି ଫଟୋରେ ବିରାଟ କୋହଲିଙ୍କ ଆଖି ଏବଂ ନାକରେ ଗଭୀର ଆଘାତ ଲାଗିଥିବା ଦେଖାଯାଉଛି। ନାକରେ ବ୍ୟାଣ୍ଡେଜ୍ ମଧ୍ୟ ଲଗାଯାଇଛି। ସବୁଠୁ ବଡ଼ କଥା ହେଲା ବିରାଟ କୋହଲି ନିଜେ ଏହି ଫଟୋ ସେୟାର କରିଛନ୍ତି। ଏହି ଫଟୋ ସେୟାର କରିବା ପରେ ବିରାଟ କୋହଲିଙ୍କ ପ୍ରଶଂସକମାନେ ଟେନସନରେ ଅଛନ୍ତି। ସମସ୍ତେ ଜାଣିବାକୁ ଚାହାଁନ୍ତି ଯେ ସେମାନଙ୍କ କିଙ୍ଗ କୋହଲିଙ୍କ ସହିତ କ’ଣ ହେଲା? ଏହି ସମୟରେ କିଙ୍ଗ କୋହଲିଙ୍କ ଇନଷ୍ଟା ଆକାଉଣ୍ଟରୁ ଏହି ଫଟୋ ମଧ୍ୟ ହଟାଯାଇଥିଲା। ଏହା ପରେ ପ୍ରଶଂସକମାନେ ସୋସିଆଲ ମିଡିଆରେ ବିଭିନ୍ନ ପ୍ରକାରର କଳ୍ପନା ଜଳ୍ପନାର ଆରମ୍ଭ କରିଥିଲେ।

କଣ ଏହି ଫଟୋର ସତ୍ୟାସତ୍ୟ?
ପ୍ରକୃତରେ, ଏହି ଚିତ୍ରରେ ଦେଖାଯାଇଥିବା ବିରାଟ ସତରେ ଆହତ ହୋଇନଥିଲେ । ସେ କୌଣସି ପ୍ରକାରର ଆଘାତ ପାଇନାହାଁନ୍ତି। ତାଙ୍କ ମୁହଁରେ ଦେଖାଯାଉଥିବା କ୍ଷତଗୁଡ଼ିକ କେବଳ ମେକ୍ ଅପର ରହିଥିଲା । ବିରାଟ ଏହି ଫଟୋକୁ କେବଳ ପେଡ୍ ପ୍ରମୋସନ (Paid Promotion) ବୋଲି କ୍ୟାପସନ ରେ ଲେଖିଥିଲେ। ତେବେ କିଛି ଗଣ ମାଧ୍ୟମ ଏହାକୁ ବିରାଟ କୋହଲିଙ୍କ ସତ ଫଟୋ କହୁଥିବା ବେଳେ ଅନ୍ୟ କେହି କେହି ଏହାକୁ ଏଡିଟେଡ ବୋଲି କହିଛନ୍ତି। ଏଠାରେ କହିରଖୁଛୁ ଯେ, ବିଶ୍ୱକପ୍ ୨୦୨୩ରେ ତାଙ୍କର ବିସ୍ଫୋରକ ପ୍ରଦର୍ଶନ ପରେ ବିରାଟ କୋହଲି ଏବେ ଛୁଟିଦିନ କାଟୁଛନ୍ତି।

ସେ କ୍ରିକେଟ୍ ଜଗତରୁ ସମ୍ପୂର୍ଣ୍ଣ ଦୂରରେ ଅଛନ୍ତି। ଏହି ସମୟରେ ସେ ତାଙ୍କ ନିବେଶ ପ୍ରତି ମଧ୍ୟ ଧ୍ୟାନ ଦେଉଛନ୍ତି। ନିକଟରେ ସେ ଅନେକ ବିଜ୍ଞାପନ ମଧ୍ୟ ସଟ୍ କରିଛନ୍ତି, ଯାହା ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଦେଖିବାକୁ ମିଳିଥାଏ । ତେବେ ଏହି ଫଟୋଟି ଭାଇରାଲ ପରେ ଏହା ବି କୌଣସି ଏକ ଆଡ୍ ବା ପେଡ ପ୍ରମୋସନର ବୋଲି ଚର୍ଚ୍ଚା ହେଉଛି। ଶେଷ ହୋଇଥିବା ଚଳିତବର୍ଷର ବିଶ୍ୱକପ୍‌ରେ ବିରାଟ କୋହଲି(Virat Kohli) ସର୍ବାଧିକ ରନ୍ ସ୍କୋରର ସାବ୍ୟସ୍ତ ହୋଇଛନ୍ତି। କିଙ୍ଗ କୋହଲି ୧୧ଟି ମ୍ୟାଚରେ ୯୫.୬୨ ଏକ ଶକ୍ତିଶାଳୀ ବ୍ୟାଟିଂ ସହ ୭୬୫ ରନ୍ ସ୍କୋର କରିଥିଲେ । ଏହି ଉତ୍କୃଷ୍ଟ ପ୍ରଦର୍ଶନ ହେତୁ ତାଙ୍କୁ 'ପ୍ଲେୟାର ଅଫ୍ ଦି ଟୁର୍ଣ୍ଣାମେଣ୍ଟ' ଭାବରେ ମଧ୍ୟ ମନୋନୀତ କରାଯାଇଥିଲା। 

ବର୍ତ୍ତମାନ ଦଳ ପରିଚାଳନା ତାଙ୍କୁ ବିଶ୍ରାମ ଦେଇଛି। ବର୍ତ୍ତମାନ ଅଷ୍ଟ୍ରେଲିଆ ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି -20 ସିରିଜରେ ସେ ଭାରତୀୟ ଦଳର ଅଂଶ ନୁହଁନ୍ତି। ତାଙ୍କ ସହ ରୋହିତ ଶର୍ମା, କେ.ଏଲ୍ ରାହୁଲ, ଶୁବମନ ଗିଲ ଏବଂ ଶ୍ରେୟସ୍ ଆୟରଙ୍କ ଭଳି ଖେଳାଳି ମଧ୍ୟ ଏହି ସମୟରେ ବିଶ୍ରାମ ନେଉଛନ୍ତି। ସେପଟେ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଖେଳାଯାଉଥିବା ପାଞ୍ଚ ମ୍ୟାଚ୍ ଟି -୨୦ ସିରିଜର(T20 Series) ତୃତୀୟ ମ୍ୟାଚ୍ ୨୮ ନଭେମ୍ବର ଅର୍ଥାତ୍ ଆଜି ଖେଳାଯାଉଛି। ଗୌହାଟୀର ବାରସାପରା କ୍ରିକେଟ୍ ଷ୍ଟାଡିୟମରେ ଉଭୟ ଦଳ ମୁହାଁମୁହିଁ ହେବେ। ଏହି ସିରିଜରେ ଟିମ୍ ଇଣ୍ଡିଆ ବର୍ତ୍ତମାନ ୨-୦ ରେ ଆଗୁଆ ରହିଛି। ଏଭଳି ପରିସ୍ଥିତିରେ ଗୌହାଟୀରେ ଅଷ୍ଟ୍ରେଲିଆକୁ ପରାସ୍ତ କରି ସିରିଜକୁ କାବୁ କରିବାକୁ ଲକ୍ଷ୍ୟ ରହିଛି ।

Also Read: IND vs AUS: ତୃତୀୟ ଟି-୨୦ ମ୍ୟାଚ୍ ପାଇଁ ଗୌହାଟୀରେ ପହଞ୍ଚିଲା ଟିମ୍ ଇଣ୍ଡିଆ

Also Read: ବିଶ୍ବକପ ଶେଷ ହେବା ପରେ ସୋସିଆଲ ମିଡ଼ିଆକୁ ଫେରିଲେ ରୋହିତ ଶର୍ମା, ପୋଷ୍ଟ କଲେ....