ఈ దోసలు తింటే స్పీడ్‌గా బరువు తగ్గడం ఖాయం..

కొంతమంది సులభంగా బరువు తగ్గినప్పటికీ వెంటనే పెరుగుతున్నారు.. దీనికి అనేక కారణాలు ఉన్నాయి.

బరువు తగ్గినప్పటికీ పెరగడానికి అనేక కారణాలు ఉన్నాయి.. అందులో ప్రధాన కారణం ఆహారాలను డైట్ పద్ధతిలో తీసుకోకపోవడం.

కొంతమంది అయితే ఎలాంటి ఆహార పదార్థాలను డైట్లో చేర్చుకున్నప్పటికీ బరువు తగ్గలేకపోతున్నారు.

కొన్ని రకాల ఆహార పదార్థాలను డైట్లో చేర్చుకుంటే సులభంగా బరువు తగ్గుతారు. అందులో ఒక రెసిపీ గురించి మనం ఈరోజు తెలుసుకుందాం.

సులభంగా బరువు తగ్గించే రెసిపీల్లో.. గోధుమ రవ్వతో చేసిన దోస ఒకటి.. ఇది తింటే సులభంగా బరువు తగ్గగలుగుతారు. ఈ రెసిపీని ఎలా తయారు చేసుకోవాలో ఇప్పుడు తెలుసుకోండి.

కావలసిన పదార్థాలు: గోధుమ రవ్వ - 1 కప్పు, బియ్యం పిండి - 1/2 కప్పు, ఉల్లిపాయ - 1 (చిన్నగా తరిగిన), పచ్చిమిర్చి - 2 (చిన్నగా తరిగిన)

కావలసిన పదార్థాలు: అల్లం - 1/2 టీస్పూన్ (చిన్నగా తరిగిన), జీలకర్ర - 1/2 టీస్పూన్, ఉప్పు - రుచికి సరిపడా, నీరు - తగినంత, నెయ్యి - కాల్చేందుకు

తయారీ విధానం: ముందుగా గోధుమ రవ్వను, దోస పిండిని ఓ బౌల్లోకి తీసుకొని బాగా నానబెట్టుకోవాల్సి ఉంటుంది. ఇలా నానబెట్టుకున్న తర్వాత ఉల్లిపాయలు, పచ్చిమిర్చి తరుగు వేసుకొని కలుపుకోండి.

కలుపుకున్న పిండిని దాదాపు రెండు నుంచి మూడు గంటల పాటు పక్కన పెట్టుకోవాల్సి ఉంటుంది. ఆ తర్వాత అందులోనే తగినంత ఉప్పు, జీలకర్ర వేసి బాగా మిక్స్ చేసుకోండి.

ఇలా మిక్స్ చేసుకున్న తర్వాత స్టవ్ పై పెనం పెట్టుకొని దానిపై నెయ్యి వేసి స్ప్రెడ్ చేసి.. చిన్న చిన్న దోసలు వేసుకోండి. రెండువైపులా కాల్చుకున్న తర్వాత దోసలను తీసి పక్కన పెట్టుకోండి.