షుగర్ ఉన్నవారికి ఈ పచ్చడి వరం.. రోజు తింటే మధుమేహానికి చెక్..

కాకరకాయ నిల్వ పచ్చడిని రోజు ఉదయాన్నే మధుమేహం ఉన్నవారు అల్పాహారంతో తీసుకుంటే విశేషమైన ప్రయోజనాలు కలుగుతాయి.

కాకరకాయలో ఉండే ఔషధ గుణాలు మధుమేహం ఉన్నవారికి షుగర్ లెవెల్స్ నియంత్రించేందుకు సహాయపడతాయి.

కాకరకాయలో ఉండే కొన్ని శక్తివంతమైన ఔషధ మూలకాలు షుగర్ ను కంట్రోల్ చేసేందుకు కూడా ఎంతో సహాయపడతాయి. దీనివల్ల ఇతర దీర్ఘకాలిక వ్యాధులు కూడా రాకుండా ఉంటాయి.

మధుమేహం ఉన్నవారు ఈ కాకరకాయ పచ్చడిని ఇంట్లో కూడా ఎంతో సులభంగా తయారు చేసుకొని తినొచ్చు. అయితే ఈ పచ్చడిని ఎలా తయారు చేసుకోవాలో ఇప్పుడు తెలుసుకోండి.

కావలసిన పదార్థాలు: కాకరకాయలు - 1/2 కిలోలు, నూనె - వేయించడానికి సరిపడా, చింతపండు - 100 గ్రాములు, ఉప్పు - రుచికి సరిపడా, కారం - 2 టేబుల్ స్పూన్లు, మెంతి పొడి - 1 టేబుల్ స్పూన్

కావలసిన పదార్థాలు: ఆవాలు - 1 టేబుల్ స్పూన్, జీలకర్ర - 1/2 టేబుల్ స్పూన్, పసుపు - 1/2 టీ స్పూన్, వెల్లుల్లి - 10 రెబ్బలు, ఇంగువ - చిటికెడు

తయారీ విధానం: ముందుగా కాకరకాయలను తీసుకొని బాగా శుభ్రం చేసుకొని నీరు ఆరిపోయేంత వరకు పక్కన పెట్టుకోండి. మీరు ఆరిన తర్వాత ముక్కలుగా కట్ చేసి ఒక గిన్నెలో వేసుకోండి.

స్టౌవ్ పై ఒక బౌల్ పెట్టుకొని అందులో తగినంత నూనె వేసి బాగా వేడి చేసుకోండి. ఈ కాకరకాయ ముక్కలను అందులో వేసుకొని బంగారు రంగు వచ్చేంతవరకు బాగా వేపుకోండి.

బాగా వేగిన కాకరకాయలను పక్కన తీసుకొని.. అదే బౌల్లో కాస్తంత నూనె వేసుకొని ఆవాలు, జీలకర్ర, ఇంగువ వేసి వేపుకోండి.

అన్ని వేపుకున్న తర్వాత చింతపండు గుజ్జు, ఉప్పు, కారం, పసుపు, మెంతి పొడి వేసి బాగా కలపాలి. ఆ తర్వాత అందులోనే కాకరకాయ ముక్కలు, వెల్లుల్లి రెబ్బలు వేసి బాగా మిక్స్ చేసుకోండి.

ఇవన్నీ వేసుకున్న తర్వాత నూనె పైకి తేలేంతవరకు బాగా వేపుకోండి. వేపుకున్న తర్వాత చల్లబరుచుకుని గాజు సీసాలో భద్రపరచుకోండి. అంతే కాకరకాయ నిల్వ పచ్చడి రెడీ అయినట్లే..