కొబ్బరి పాలతో చేసిన ఈ రుచికరమైన అన్నం మన ఆరోగ్యానికి ఎంతో మంచిది. ఇది ఎంతో రుచిగా, సువాసనగా ఉంటూ.. నోట్లో పెట్టుకుంటే చాలు.. కరిగిపోతుంది. మీరు కూడా ఇంట్లో ఈ రుచికరమైన కొబ్బరి పాల అన్నాన్ని ట్రై చేయండి!
కొబ్బరి పాలు అందించే ప్రత్యేకమైన రుచి అన్నానికి అదనపు మృదుత్వాన్ని ఇస్తుంది. ఇది శరీరానికి ఆరోగ్యకరమైన కొవ్వులు అందించి మంచి ఎనర్జీ ఇస్తుంది.
బియ్యం – 1 కప్పు, కొబ్బరి పాలు – 2 కప్పులు, నీరు – ½ కప్పు, నెయ్యి – 1 టీస్పూన్,ఏలకులు – 2, లవంగాలు – 2 ,దాల్చిన చెక్క – 1 చిన్న ముక్క, జీలకర్ర – ½ టీస్పూన్, కరివేపాకు – కొన్ని, పచ్చిమిర్చి – 2,ఉప్పు – రుచికి తగినంత
ముందుగా బియ్యం కడిగి 15 నిమిషాలు నానబెట్టాలి. పాన్‌లో నెయ్యి వేసి జీలకర్ర, ఏలకులు, లవంగాలు, దాల్చిన చెక్క వేసి వేయించాలి. ఇప్పుడు కరివేపాకు, పచ్చిమిర్చి వేసి కలపాలి.
అందులో నానబెట్టిన బియ్యం వేసి వేగించాలి. కొబ్బరి పాలు, నీరు, ఉప్పు వేసి సన్నని మంటపై కుక్కర్‌లో 2 విజిల్స్ వచ్చే వరకు ఉంచాలి. చివరగా కరివేపాకు, నెయ్యి వేసి గార్నిష్ చేయాలి.
కొబ్బరి పాలు మంచి కొవ్వులను అందించి శరీరాన్ని హైడ్రేట్ చేస్తాయి. జీర్ణ సమస్యలు తక్కువయ్యి మంచి పోషకాలు అందుతాయి.