அடுத்த தேர்தல் வரும் வரை தவெக தான் எதிர்க்கட்சி - ஆதவ் அர்ஜுனா மீண்டும் அதிரடி!

தமிழக வெற்றிக் கழகத்தின் இரண்டாம் ஆண்டு தொடக்க விழா சென்னையில் பிரமாண்டமாக நடைபெற்றது. இந்த நிகழ்ச்சிக்கு தமிழகம் முழுவதில் இருந்தும் ஏராளமான நிர்வாகிகள் கலந்து கொண்டனர். மேலும் சிறப்பு விருந்தினராக தேர்தல் வியூக வகுப்பாளர் பிரசாந்த் கிஷோர் கலந்து கொண்டார். நிகழ்ச்சியின் தொடக்கத்தில் பெண்களின் பாதுகாப்பிற்கும், நலனுக்கும் எதிராக நடக்கும் குற்றச்சம்பவங்கள், வாக்கு வங்கிகளுக்காக சாதி மற்றும் மற்ற சீர்கேடுகளை எதிர்க்க அஞ்சும் நயவஞ்சகதனத்திற்கு, திறனற்ற ஆட்சி மற்றும் நிர்வாகத்திற்கு எதிராக #GetOut என்ற கையெழுத்து இயக்கத்தை விஜய் தொடங்கி வைத்தார். பிறகு தேர்தல் பிரசார மேலாண்மை பொதுச்செயலாளர் ஆதவ் அர்ஜூனா பேசினார்.

மேலும் படிக்க | தமிழக வெற்றிக் கழகத்தின் முதலாம் ஆண்டு விழா! வைரலாகும் விஜய்யின் புகைப்படம்!

திமுகவை மீண்டும் எதிர்த்த ஆதவ் அர்ஜுனா!

"மன்னராட்சி ஒழிக்கப்பட வேண்டும், பிறப்பால் ஒருவர் தலைவர் ஆக கூடாது. மக்களால் தேர்ந்தெடுக்கப்பட வேண்டும் என்ற எனது பேசினால் எழுந்த சர்ச்சைகளுக்கு மத்தியில் விஜய் என்னை அணுகினார். தமிழக வெற்றிக் கழகத்தில் இணைந்து பணிபுரியும் படி சொன்னார், அதனால் தான் இப்போது இங்கு நிற்கிறேன். அவரது சொந்த பயணம் குறிப்பிடத்தக்கது, அவரது சினிமா வாழ்க்கையின் உச்சத்தில் இருந்த அவர், அனைத்தையும் விட்டுவிட்டு தைரியமாக இறங்கி உள்ளார். தளபதி என்ற நிலையில் இருந்து தலைவர் என்று பரிமாணத்தை நோக்கி நகர்ந்து வருகிறார் விஜய். ஆளுங்கட்சிக்கு தூக்கத்திலும் இந்த கூட்டத்தை எப்படி அழிப்பது என்று பற்றித்தான் சிந்தனை உள்ளது. சிறை செல்வதற்கும் தமிழக வெற்றிக் கழகத்தினர் தயாராக உள்ளனர். எங்களிடம் பணம் இல்லாமல் இருக்கலாம், நல்ல தலைவர்கள்கள் இருக்கிறார்கள்.

சாதி பாகுபாடு மற்றும் சமத்துவமின்மைக்கு எதிராக அயராது போராடிய சமூக சீர்திருத்தவாதியான பெரியாரின் நீடித்த மரபு இருந்தபோதிலும், அவர் கண்ட கனவுகள் ஒரு நூற்றாண்டுக்கு மேலாகியும் இன்னும்  நிறைவேறவில்லை. திமுக போன்ற அரசியல் கட்சிகளின் முறைகேடு மற்றும் ஊழலினால் தமிழகத்தின் கடன் 9 லட்சம் கோடி ரூபாயாக உயர்ந்து, பெரும் கடனை தமிழகம் இன்று எதிர்கொள்கிறது. கடந்த 15 ஆண்டுகளாக, இந்த கட்சிகள் கணிசமான கடன்களை குவித்துள்ளன. அதே நேரத்தில் சாமானிய மக்கள் பொருளாதார நெருக்கடியின் சுமையின் கீழ் போராடுகிறார்கள். வெளிநாட்டில் பொருளாதாரத்தை உருவாக்கி ஊழல் செய்கின்றனர், ஆனால் தமிழ்நாட்டில் கடன் வாங்கி ஊழல் செய்கின்றனர்.

அரசியல் கட்சிகள் வெட்கமின்றி சாதி அரசியலை தங்களின் தேர்தல் ஆதாயத்திற்காகப் பயன்படுத்திக் கொண்டு, சமூகப் பிளவுகளை ஆழமாக்கி, அநீதியை நிலைநிறுத்தும் தலைவர்களால் நிரம்பி வழிகிறது. இருப்பினும், இந்த வேரூன்றிய நிலையை சவால் செய்ய தயாராக இருக்கும் ஒரு மாற்றுதலைவராக விஜய் உருவாகி வருகிறார். அவர் மாற்றத்தின் அவசரத் தேவையை வலியுறுத்துகிறார், தேர்ந்தெடுக்கப்பட்ட சிலரின் நலன்களை விட மக்களின் நலனுக்கு முன்னுரிமை அளிக்கும் ஒரு புதிய அரசியல் கொள்கையை கொண்டுள்ளார். அவரது தொலைநோக்கு பார்வை மற்றும் உறுதி கடந்த கால பிரிவினைவாத அரசியலுக்கு எதிராக எழுச்சி பெற ஒரு தலைமுறையை ஊக்குவிப்பதோடு, சமத்துவம் மற்றும் நியாயமான சமூகத்திற்காக பாடுபடுவதை அவர் நோக்கமாகக் கொண்டுள்ளார் என்று குறிப்பிட்டார்.

மேலும் படிக்க | பிரம்மாண்டமாக நடந்த தவெக 2ஆம் ஆண்டு தொடக்க விழா! கவனிக்க வேண்டிய விஷயங்கள்..

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ