अभिनेत्री सई ताम्हणकर ही सोशल मीडियावर प्रचंड सक्रीय असून या माध्यमातून ती चाहत्यांशी कनेक्टेड असते.
सध्या मराठीबरोबरच हिंदी चित्रपटसृष्टीमध्येही सातत्याने झळकणाऱ्या सईचे इन्स्टाग्रामवर 34 लाखांहून अधिक फॉलोअर्स असून सध्या तिची एक पोस्ट चर्चेत आहे.
या पोस्टमध्ये सईने एका फोटोशूटमधील स्वत:चे फोटो शेअर केले आहेत. या फोटोंमध्ये सई चॉकलेटी रंगाच्या ड्रेसमध्ये दिसत आहे.
साईने परिधान केलेला बॉडीकॉर्न ड्रेस फारच सुंदर दिसत असून अनेकांनी कमेंट करुन सईच्या सौंदर्याचं कौतुक केलं आहे.
मात्र या फोटोंना सईने दिलेली कॅप्शन अनेकांचं लक्ष वेधून घेणारी ठरत आहे.
सईने चॉकलेटी रंगाच्या ड्रेसमधील हे फोटो शेअर करताना, 'कॉफी, चॉकलेट आणि त्याचे डोळे' अशी कॅप्शन दिली आहे.
सईने या पोस्टमध्ये शेवटी एका वाक्याचा स्क्रीन शॉट शेअर केला आहे. त्यामध्ये, 'चॉकलेटी हा तिचा आवडता रंग होता. तिची सगळी व्यसनं ही चॉकलेटी रंगाचीच होती. कॉफी, चॉकलेट आणि त्याचे डोळेही...' असं लिहिलेलं आहे.