कुशलचे इन्स्टाग्राम अकाऊंटवर 293K फॉलोवर्स आहेत. तर तो सध्या त्याच्या आगामी चित्रपटाच्या निमित्तानं लंडनला गेला आहे. (All Photo Credit : Kushal Badrike Instagram)
आयुष्याच्या प्रवासात कोणत्याच इंडिकेटरला रिटर्न ट्रेन नसते. आपलं उतरायचं स्टेशन आणि माणसं एकदा चुकली, की चुकली…….. (सुकून) असं कुशल म्हणाला.
आयुष्याचा प्रवास हा थोड्याफार फरकाने ट्रेनच्या प्रवासासारखाच असतो, नाही का? आपण थांबायचं ठिकाण चुकलं की मग एका अनोळखी जगाचा प्रवास सुरू होतो.
कुशल म्हणाला मग पुढे एखाद्या अनोळखी स्टेशनला उतरायचं, अनोळखी पाट्या, अनोळखी स्टॉल्स, अनोळखी माणसं. पण इंडिकेटर वरची रिटर्न ट्रेन मिळेपर्यंत, सगळं ओळखीचं होऊन जायचं.
ट्रेनच्या खिडकीतून बाहेर डोकावलं तर वेगळेच रस्ते, वेगळ्याच बिल्डिंग्स, आणि मग लक्षात यायचं, की सालं आपण उतरायचं स्टेशन तर मागेच राहून गेलं !
स्ट्रगलच्या काळातला ट्रेनच्या प्रवासात, कधीकधी चुकून डुलकी लागायची, थोड्यावेळाने डोळे उघडले की आजूबाजूला वेगळीच माणसं दिसायची.
कुशलनं त्याच्या इन्स्टाग्राम अकाऊंटवरून ही खास पोस्ट शेअर केली आहे. या पोस्टमध्ये कुशल त्याच्या स्ट्रगलच्या दिवसांविषयी बोलताना दिसला.