भारतातील आघाडीची अभिनेत्री म्हणून आलिया भट्टला ओळखले जाते.

आलिया भट्ट ही आज तिचा 31 वा वाढदिवस साजरा करत आहे.

आलियाने तिच्या अभिनयाने लाखो चाहत्यांची मनं जिंकली आहेत. पण कामाबरोबरच तिचं शिक्षण किती? हे जाणून घेण्याची अनेकांना उत्सुकता असते.

आलियाला तिच्या घरातूनच अभिनयाचं बाळकडू मिळालं. तिला लहानपणापासून अभिनय क्षेत्राची आवड होती.

तिने लहान असताना अभिनेत्री व्हायचं हे मनात पक्क केले होते. विशेष म्हणजे अभिनेत्री होण्यासाठी तिने तिचं शिक्षणही अर्धवट सोडलं.

आलिया भट्टने मुंबईतील जमनाबाई नरसी स्कूलमधून दहावीपर्यंत शिक्षण घेतले. तिला दहावीत 71 टक्के गुण मिळाले होते.

त्यानंतर तिने पुढील शिक्षणासाठी कॉलेजमध्ये प्रवेश घेतला. पण आलियाचे मन शिक्षणात रमत नव्हते. त्यामुळे तिने बारावीची परीक्षा न देताच अर्धवट शिक्षण सोडले.

कॉलेजमध्ये प्रवेश घेतल्यानंतर तिला स्टुडंट ऑफ द इयरची ऑफर आली. त्यामुळे तिने अभिनयावर लक्ष केंद्रित करण्याचा निर्णय घेतला.

आता आलिया ही सिनेसृष्टीतील एक लोकप्रिय अभिनेत्री आहे. ती आता आई झाली असून गेल्यावर्षी नोव्हेंबर महिन्यात तिने राहाला जन्म दिला.