Velentine Special: बॉलिवूडच्या 5 लाँग लास्टिंग जोड्या
फेब्रुवारी महिन्यात येणारा 'वेलेंटाइन विक' सर्वांसाठी जिव्हाळ्याचा विषय असतो. खरंतर या प्रेमाबद्दल अधिकतर आपल्याला बॉलिवूडनेच शिकवलं. बॉलिवूडच्या काही जोड्या पडद्यावर 'रिल लाईफ'मध्ये नाही तर 'रिअल लाईफ'मध्येही तितक्याच यशस्वी आहेत.
Velentine Special: बॉलिवूडच्या 5 लाँग लास्टिंग जोड्या
अजय आणि काजोल हे दोघेही अतिशय भिन्न स्वभावाचे आहेत. काजोल अतिशय फन लविंग व्यक्ती आहे तर अजय शांत स्वभावाचा आहे. या दोघांच्या लग्नाला जवळपास २१ वर्ष पूर्ण झाली आहेत. एकत्र राहण्यासाठी दोन लोक एकसारखेच असणं गरजेच नाही हेच या दोघांनी पटवून दिलं आहे.
ट्विंकल खन्नाच्या 'मेला' चित्रपटानंतर लगेचच अक्षय कुमारने ट्विंकल खन्नाशी लग्न केलं होतं. २००१ मध्ये हे दोघे लग्नबंधनात अडकले. दोघांच्या लग्नाला १९ वर्षे पूर्ण झाली. त्यांना दोन मुलं आहेत. हे दोघेही कायम सोशल मीडियावर त्यांचे अनेक फोटो आणि व्हिडिओ शेअर करत असतात.
बॉलिवूडचा रोमान्सचा बादशाह किंग खान खऱ्या आयुष्यातही तितकाच रोमॅन्टिक आहे. गौरी आणि शाहरूखच्या लग्नाला जवळपास २८ वर्षे झाली असून अजूनही दोघांच्या प्रेमात कोणतीच कमी आली नाही. बॉलिवूडमध्ये शाहरूख-गौरी ही जोडी सगळ्याच कपल्ससाठी एक आदर्श उदाहरण आहे. शाहरूख आणि गौरीला आर्यन, सुहाना आणि अबराम ही तीन मुलं आहेत.
अमिताभ आणि जया बच्चन यांचं लग्न जवळपास ४५ वर्षांपूर्वी झालं. ही जोडी बॉलिवूडमधील एक पॉवर कपल म्हणून ओळखली जाते. जया आणि अमिताभ यांची ओळख ऋषीकेश मुखर्जी यांनी त्यांच्या 'गुड्डी' सेटवर करून दिली होती. त्यानंतर १९७३ साली अमिताभ आणि जया बच्चन यांनी एकत्र 'जंजीर' चित्रपटात काम केलं. याच चित्रपटादरम्यान दोघांनी लग्नाचा निर्णय घेतला होता.
दिलीप कुमार आणि सायरा बानो यांच्या जोडीने अर्धशतक पूर्ण केलं आहे. या दोघांच्या ५२ वर्षांच्या साथीने इंडस्ट्रीमध्ये आदर्श निर्माण केला आहे. दिलीप कुमार यांनी चाहती असलेल्या सायरा बानो यांनी २२ व्या वर्षी ४४ वर्षांच्या दिलीप कुमारसह लग्न केलं होतं.