'તું મારી નહીં તો કોઈની નઈ..!', ગર્લફ્રેન્ડે છોડી દેતાં વિફરેલા પ્રેમીનું જબરું કારસ્તાન, આખું રાજ્ય હચમચી ગયું!
Crime News: મહારાષ્ટ્રના ભિવંડીમાં 22 વર્ષીય મહિલા પર સામૂહિક બળાત્કારનો મામલો સામે આવ્યો છે. મહિલાના ભૂતપૂર્વ બોયફ્રેન્ડ તેના નવા સંબંધથી નારાજ થતાં તેના મિત્રો સાથે મળીને તેને આ ગુનો કર્યો હતો. હાલમાં બધા આરોપીઓ ફરાર છે.
Trending Photos
- 5
- 5
- 7
- 4
)
Maharashtra Rape Case: મહારાષ્ટ્રમાં માનવતાને હચમચાવી નાખે તેવી ઘટના પ્રકાશમાં આવી છે. જે વ્યક્તિ પર એક સમયે પ્રેમ વરસાવતો હતો તે આજે ક્રૂર વ્યક્તિ બની ગયો છે. હા, મહારાષ્ટ્રના ભિવંડીમાં બે અલગ અલગ જગ્યાએ 22 વર્ષની છોકરી પર સામૂહિક બળાત્કાર થયો છે. આ ગેંગ રેપ બીજા કોઈએ નહીં પણ એ જ વ્યક્તિએ કર્યો હતો જે એક સમયે તેના માટે મરવા-મારવાની વાત કરતો હતો. એટલે કે એનો બોયફ્રેન્ડ હતો.
ટાઈમ્સ ઓફ ઈન્ડિયાના અહેવાલ મુજબ, છોકરી પર ગેંગરેપ કરવાના આરોપમાં છ લોકો વિરુદ્ધ કેસ નોંધવામાં આવ્યો છે. પોલીસના જણાવ્યા અનુસાર, 20 ફેબ્રુઆરીની સવારે એક શાળા પાસે છોકરી પર સામૂહિક બળાત્કાર થયો હતો. મહિલાનું તેના ભૂતપૂર્વ બોયફ્રેન્ડ દ્વારા અપહરણ કરવામાં આવ્યું હતું અને તેના ચાર મિત્રો દ્વારા તેના પર સામૂહિક બળાત્કાર કરવામાં આવ્યો હતો.
રિપોર્ટમાં દાવો કરવામાં આવ્યો છે કે છોકરી અને મુખ્ય આરોપી (તેનો બોયફ્રેન્ડ) છેલ્લા કેટલાક વર્ષોથી રિલેશનશિપમાં હતા. જ્યારે છોકરીએ એને છોડીને બીજા છોકરા સાથે સંબંધમાં ગઈ ત્યારે આરોપી તે સહન કરી શક્યો નહીં. અગાઉ પ્રેમીએ ગુસ્સે થઈને 19 ફેબ્રુઆરીની રાત્રે છોકરીના ભાઈનું અપહરણ કર્યું હતું. ત્યારબાદ તેણે છોકરીને તે જગ્યાએ બોલાવવા દબાણ કર્યું હતું.
સમાચાર એજન્સી પીટીઆઈ અનુસાર, એક અધિકારીએ જણાવ્યું કે છોકરીને તે રાત્રે તેના ભાઈનો ફોન આવ્યો, જેમાં તેણે કહ્યું કે તે મુશ્કેલીમાં છે. જ્યારે તે તેના ભાઈએ ફોન કર્યો હતો ત્યાં પહોંચી ત્યારે આરોપીઓએ પીડિતા, તેના ભાઈ અને ઓટોરિક્ષા ચાલકને માર માર્યો હતો. અધિકારીએ જણાવ્યું કે, આરોપીઓએ નાગાંવમાં એક સ્કૂલ નજીક અને ફાતિમાનગરમાં એક પિકઅપ વાનની અંદર તેના પર બળાત્કાર ગુજાર્યો હતો. તેનો અર્થ એ કે છોકરી પર બે અલગ અલગ જગ્યાએ સામૂહિક બળાત્કાર થયો હતો.
પીડિતા કોઈક રીતે ભાગી ગઈ અને ભિવંડી પોલીસનો સંપર્ક કર્યો. આ પછી, આ કેસમાં FIR નોંધવામાં આવી હતી. અધિકારીના જણાવ્યા અનુસાર, તમામ છ આરોપીઓ પર ભારતીય દંડ સંહિતા (IPC) હેઠળ બળાત્કાર, ગેંગરેપ અને અન્ય ગુનાઓનો આરોપ મૂકવામાં આવ્યો છે, અને હજુ સુધી તેમની ધરપકડ કરવામાં આવી નથી.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
