અતિથિ દેવો ભવના ધજાગરા ઉડ્યા, જુનાગઢના મેળામાં જાહેરમાં વિદેશી યુવતીની છેડતી, Video

Junagadh News : એક તરફ આપણે અતિથિ દેવો ભવનું વિશ્વસ્તરે બ્રાન્ડિંગ કરીને વિદેશી મહેમાનોને બોલાવીએ છીએ. તેમની આગતાસ્વાગતા કરીએ છીએ. આ વચ્ચે ગુજરાતની ગરિમાને ફરી એકવાર લાંછનરૂપ ઘટના બની છે. ગુજરાતમાં આવેલી વિદેશી યુવતીની જાહેરમાં છેડતી કરાઈ છે. જુનાગઢના ભવનાથના મેળામાં આ બનાવ બન્યો છે. જેનો વીડિયો પણ સામે આવ્યો છે. 

પ્રાપ્ત માહિતી અનુસાર, હાલ પ્રયાગરાજ ખાતે મહાકુંભ મેળાનું સમાપન થયું છે. તો બીજી તરફ જૂનાગઢમાં ભવનાથના મેળાનો પ્રારંભ થયો છે. ભારતના આ ધાર્મિક તીર્થને માણવા માટે અસંખ્ય વિદેશી મહેમાનો આવ્યા છે. પરંતું આપણે વિદેશી મહેમાનોનું માનપાન ન સાચવી શક્યા. મહાશિવરાત્રી મેળામાં રવેડીમાં વિદેશી મહિલાની છેડતીનો વીડિયો સામે આવ્યો છે. 

શિવરાત્રીની રવેડીમાં વિદેશી મહિલાની છેડતી, યુવકને ત્યાં જ ધુંબા માર્યા, જૂનાગઢનો વીડિયો વાયરલ#Gujarat #Viral #ViralVideo #Mahashivratri #Mahashivratri2025 #Junagadh pic.twitter.com/eR0XvYcJAN

— Zee 24 Kalak (@Zee24Kalak) February 27, 2025

જુનાગઢના મેળામાં ભીડ વચ્ચે એક યુવકે વિદેશી મહિલાની કરી છેડતી કરી હોવાનો વીડિયો વાયરલ થયો છે. યુવકે છેડતી કરતા વિદેશી મહિલાએ યુવકને મેથીપાક ચખાડ્યો હતો. મહિલાએ ત્યાં જ તેને થપ્પડ લગાવી હતી. ત્યારે જુનાગઢ પોલીસે વીડિયોના આધારે તપાસ શરૂ કરી છે. 

પોલીસ તપાસ બાદ સમગ્ર હકીકત સામે આવશે. જોકે, ઝી 24 કલાક આ વીડિયોની પુષ્ટી નથી કરતું.

વિદ્યાર્થીઓ માટે મોટા સમાચાર : નવા વર્ષથી બદલાઈ જશે તમારા પુસ્તકો, નવો સિલેબસ આવશે